——

لن أتصنع لإعجبك ثق بذالك .

[—— @iiu33i]

اذكروني بالخيّر ، لا مرت الأيام من دوني .

[—— @iiu33i]

أحر من وقع السيوف وأشد من طعن الرماح
لا صار فيك الهم باين وأنت صامل تنكره

[—— @iiu33i]

من يسلفني سعة بال ، وأخلاق ، ومزاج
وياخذ الضيقه .. وياخذ عليها إللي يبي

[—— @iiu33i]

العام وردته عذّي المشاريب
واليوم خلاني على العدّ ضامي !

[—— @iiu33i]

حنا نعاف اللي يجي فيه منه
لو كان عدٍ للعرب مثل هداج

[—— @iiu33i]

اللي يقدّم لنا السيّه .. وحنا نشوف
حنا نسوي له الحسْنة وهو مادرى

[—— @iiu33i]

اِجرعي مر الصبر يا نفسي الدمّاحه
بين حاجات الزمن وضغوطه النفسية

[—— @iiu33i]

تعبنا نداري كلّ خاطر عشان نعيش
ولوْ ما لقينا من يداري خواطرنا !

[—— @iiu33i]

حنّا الثقيلين لكن قِدْم حسنك خفاف
يا عنك مافي سلوم الحبّ خذ لك وَلَد

[—— @iiu33i]

وش حيله المشتاق لا حنّ وأشتاق
وماله في درب المواصيل حيله ؟

[محمّد @mf5j2]

ياما تنازلت عن حقي ومصلوحي
حتى لو أن الكلمه العوجا على لساني

يفتل حبال الكلام وينقض جروحي
الي على أتفه ذنوبي ينكر أحساني

وأنا على شان غيري موجع روحي
ولا أحدٍ موجعٍ روحه على شاني

[العـاهل @all_3jmii]

هو خايف إني ماعاد أرجع و أنا مثله
خايف من الرجعه .. إللي مالها داعي

- علي الدعيه

[—— @iiu33i]

صملنا واتفقنا كلنا في كره ( لون الفيل )
ووردنا كل عد الا عدود الشك والريبه

[—— @iiu33i]

ياوهاب هب لي راحة البال ياوهاب
وعلى صدري امسح بالرضى والطمانينه

انا عبدك المذنب وانا عبدك التواب
وانا اللي رفع لك دعوته فوق كفينه

[ّ @uioe1_]

واذكر اني مانسيتك ويغريني الرجوع
ياغرام تنشد الناس وينه ياترى ؟

والغرام انواع والقلب مدهل كل نوع
والله اعلم منهو اللي من الحدب وورى

وانت ياللي منزلك ماورا حدب الضلوع
تدري انك من وراها وغيرك مادرى .

- ضيدان بن قضعان -

[ـ @jahz_0]

مشا الركب يا صدرٍ حزينٍ على المقعاد
دروب الجفا من ديرة الوصل ممتده

بذلنا قصارى جهدنا والتعب ما فاد
اذا فيه حلٍ ما طرقته معك عده

تلفت على حلمك تلفات ابن عَبّاد
على ديرته يوم انهزم والزمن ضَدّه

يدنّيه حظ وصدق دعوه وجاه اسياد
ويبعده وقتٍ معطياته على قده ! .

[—— @iiu33i]

اتغافل بعض الاحيان عن هرج الغشم
وأستحي .. لو أكثر الناس مافيها حيا

[—— @iiu33i]

تنتهي كل النقاشات يا الفكر العقيم
بـ ابتسامة عفىو ماهي نفاق ولا ريا

والله ان القلب باقي على العهد القديم
من وفاه .. يحسب كل المخاليق أوفيا

[—— @iiu33i]

العاقل اليوم حاله مثل حال الغريب
يستغرب الناس من حوله و تستغربه

[—— @iiu33i]

بداية الحب عذب ونصفه أعذب عذاب
ونهايته .. ودك إنك تموت ما عشتها

[—— @iiu33i]

انجحت كبدي وانا لا نجاح و لا رسوب
ليت قلبي مثل راسي . . ليا رد البرى