وَذف

" نُرشِد التائهين ولا نعرف كيف نغادر المتاهه" @iixb29

[وَذف @iixb27]

اكيد لله حكمة في شعوري اكيد
لابد بعد السحايب مايهل المطر

مابين قلبً خجول .. وبين عقلً عنيد
ان ما تمشيت فوق الشوك دست الجمر

مكتوب ليّ أتامل وأنبهر من بعيد
ما أقدر اوصلك و لا اقدر أصد البصر

مابيننا غير قصه من خيال و قصيد
" بالضبط مثل البني ادم وضي القمر"

[وَذف @iixb27]

انا الغريب اللي تلوح له كفوف الراحلين
وهو يخبي دمعة عيونه ويشتال وجعه

والمشكلة ماهيب في دمعي ولحظات الحنين
المشكلة فـ اللي يروح وياخذ الدنيا معه !

[وَذف @iixb27]

عسى عيونك إللي بين الأغضاي والسِّلهام
ما يجذب نظرها إلا سحابي و برِّاقي

أنا أخاف من طاري المفارق بشكلٍ عام
مثل ما تخاف الجن من رقية الراقي

أبي عمريّ وعمرك يجي من ثلاث أرقام
و حنا على الحُب و على هقوة الهاقي

[وَذف @iixb27]

اسرقيني وانقذيني من عنى الشوق وغرامـه
واعتقي نفسٍ على نفسك رهينه ومحكومه

زيّنك ربي بليـا حبّـه . . ومن دون شامـه
لو لمسنا طرف خدك ذاب من زود النعومه

[وَذف @iixb27]

ولا لي بالبشر غاية ولا لي بالثـرى أوتاد
خفوقي حر و اتبع ما يعز النفس وارضيها

تركت أحلام واجد .. لأنها في ناظري أقیاد
وأنا ما ارضى القيود اللي تشل الروح بيديها

[وَذف @iixb27]

عقلي اللي كان يبغى من الواقع هروب
تالي الايام يبغى .. الهروب من الخيال

ضيقوك وجابو اقصاك يا الصدر الرحوب
كل ما راحوا وعادوا على نفس السؤال

[وَذف @iixb27]

نخاف بس الفرق بينك وبيني
تخاف تذكرني وأنا خايف أنساك

يكفيني من الصدق "رعشة يديني"
ويكفيني من الحب طيفك وذكراك

أوعدني تنساني بـ زيني وشيني
وأنا أوعدك لو مانسيت أتناساك

محتاج أعيش اللي بقى من سنيني
ما أفكر بـ وصلك ولا أخاف فرقاك

[وَذف @iixb27]

ياربي اسألك .. المعونه والثبات
على الظروف اللي تجي متراميه

واسالك عفو ومغفره قبل الممات
تنجيني من نار العذاب الحاميه

ما عاد عندي قدره المّ الشتات
رغم ان عيوني من سنه متعاميه

ومهما تصد العين لا زال السكات
ما يقدر يداوي الجروح الداميّه

[وَذف @iixb27]

" وش تبي بي ماوراي الا الضياع
وذكريات من ربيع الى ربيع

لاتغرك مفردات الاطلاع
فلسفاتٍ جبتها من كل ريع

الغرام اوهام والدنيا متاع
لاتتبع هوى نفسك وتضيع

عن ذنوب الوصل خيرة الانقطاع
خيرةٍ لك وانت تسمع ماطيع "

[وَذف @iixb27]

عيناكِ الصدقُ فيها مُلهِمي
لكن قلبَكِ كان بي ابريلا

شرعتي للترحالِ شخصًا جارحًا
أيقضتي عزمي بكرةً وأصيلا

وبرب إسرافيلَ إني راحلٌ
ولعزتي لا أفهم التأجيلا

علمتك أن الرحيل مناهجٌ
والحُرُّ حرٌ والذليلُ ذليلا

مع كبريائي لا أُطيل غزارتي
أمشي طريق الهجر ميلاً ميلا

وأخوض معركتي وقلبي ضاحكٌ
متسلطٌ لاأرفع المنديلا

[وَذف @iixb27]

🌤️

[وَذف @iixb27]

اغيب وأبعد وأنشغل وأحاول انسى مانسيت
ماتنسى ذكرى السنين اللي معك قضيتها

حاولت كم مرّة وكم مرّه ولكن ماقويت
حتى لو ان ذكراك مامرّت علي مرّيتها

وشلونٍ وأنا كل ماتطري علي متّ وحييت
لو انّ معي قدره على نسيانها نسيتها

[وَذف @iixb27]

لا على عيني غشاوة ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم تأثير واضح على مستقبلي

والحياة ومجريات التلاقي والوداع
خضت لي فيها تجارب و جيت بْما يلي

يوم فضّلت انعزالي على كل اجتماع
أسترحت وصارت الراحة ألزم ما علي

[وَذف @iixb27]

ولعلني رغم احتياجي أنطوي
وألوذ بالصلوات والخلواتِ

النَّاسُ تهجرني لعيبٍ واحدٍ
والله يقبلني على علاتي

نسَقت ألف قصيدة في فهمهم
والله يعرفني بغير لُغاتٍ

الناس عن وجعي ستغمض عينها
والله داوى موجعي بأناةِ

[وَذف @iixb27]

اللي يخاف يموت ! ما يقدر يعيش
ترى الحياة .. تخوّف أكثر من الموت

[وَذف @iixb27]

تنطحت ميلات الليالي وانا رجال
همومي ورا صدري وحلمي على كتوفي

تحت رحمة اللي رحمته مالها مكيال
يارب العباد تحقق اللي ورا جوفي

لا زادت ظروف الوقت والحظ الاقشر مال
نصيتك وانا هقواتي اكبر من ظروفي

[وَذف @iixb27]

عايدت ناسي وربعي واغلب الشلّه
واللي ماادانيه صادفته وعايدني

الا انت اللي غيابك خارج الملّه
لاجييت صدفه ولا ناوي تعايدني ؟

[وَذف @iixb27]

ثلاثين ليله وانت ماقلت كيف اصبحت؟
تبعثرت عقبك ما طرالك تجمعني!

شقى واشتقيت وللمخاليق مالمحت
قروك بعيون للسهر منك تقلعني

وانا ان شكيتك لأقرب الناس وان وضحت
لقيت الاجابه منه لاغاب وش يعني

انا اكذب عليك ان قلت ياذا البعيد انزحت
على كثر بعدك يمك الشوق يدفعني !

[وَذف @iixb27]

لي رفيقٍ له غلا مخصوص من بد الخلايق
أفرح بزوده ورفقتنا على مذهب وملّه

إن بغيته في لزومي ساق عمره دون سايق
وإن بغاني في لزومه يعتبرني مثل ظلّه 🤍

[وَذف @iixb27]

ابكي وداعك ولا ودي تشوف الدموع
ياللي وداعك علي اقسى من ايت وداع

اللّٰه كتب تنتهي العشره وتطفى الشموع
مات الأمل في رمال الياس والحلم ضاع

ودعتك اللّٰه ولا ودي تجف الدموع
ياللي وداعك ما بعده في حياتي وداع

- وبران ال كليب