مُلهم

" يا أسفه .. كلنا في ذا المكان اسفين "

[مُلهم @ilj50]

ياشعور أكبر من حروف الكلام

[مُلهم @ilj50]

ادور لجرحك من يدين الطبيب ضماد
واثر ما يضمد جرحك الا سكاكينه

لكن الله اللي مكّنك والله اللي راد
تخلّينه يحب الحياه .. وتخلّينه "

- عويد النجود

[مُلهم @ilj50]

"يا سراب السعادة والرضا والسلام
يا نقيض السنين.. اللي تمنّيتها

أنت.. مثل الحياة الفانية بالتمام
عارف اني بخليها… و حبيتها"

[مُلهم @ilj50]

محتاج لي ضمةٍ في حضنك الدافي —لو انها الضمّه اللي عقبها موتي

[مُلهم @ilj50]

أحبك اللي كنت تسمعها كثير؟
هو واحد اللي حبّك ،وما قالها.

[مُلهم @ilj50]

لا مات الكلام ، وما بقى فالعيون عتاب
مابين المواصل والمفارق وش اخترتي

سكوتك وتقصيرك ، وصدّك بدون اسباب
انـا مـا تغيـرت " أنتي اللي تغيّرتي ."

[مُلهم @ilj50]

أستامن العين و أثر العين فضّاحه
طرى لها شي .. محدٍ جاب طاريّه

مدري تعاظم كبر جرحه و جرّاحه
ولا البطل دايم جروحه " بطوليّه "

_ مدغم ابو شيبه

[مُلهم @ilj50]

خـاب ظني ليت ظـني فيك ماخـلاني
ابني احلامي على حاجه ماهي مضمونه

وليت ماجاني من احساس الندم ماجاني
شيٍ يـحطم صمـيم القلب قبل ركونه

الجفى اللي عقب لذة وصلك الإنساني
والسلام البارد اللي عقب طول المونه

اعتذر لك عن خطاب اسلوبي الوجداني
الآدمي مهما حصل يبقى رهين ظنونه .

[مُلهم @ilj50]

"ذبحني الشوق يا ربّاه وين المفـر
بعض العرب حيّها ميّت على ميتها"

- جعلك فالجنه

[مُلهم @ilj50]

يرضيـني اني عشـت وافي ولا بـرت
واعلنت بالهـرج الصحيح انطبـاعي

زاد النـفاق الاجتماعي . . وانا صرت
ماعاد احب اصير شخص اجتماعي

- سعد علوش

[مُلهم @ilj50]

الورد لاكثرت يدين العرب حوله
حتى لو م انقطف م عاد يغريني

إن جاء على باله أن يديني تطوله
يجي على بالي أتبرى من يديني.

[مُلهم @ilj50]

" ليت الغرابيل .. جتني من عدوٍ لي "

[مُلهم @ilj50]

رغم صدمات الأوادم وصدمات الزمان
صدمتي فيك أنت ! ، لا زالت المتصدّره.

[مُلهم @ilj50]

وين انت صار الكون في ناظري ليل
ولا قبل وجه الطموح اعتذاري

كل الدروب استقبلت خطوتي ويل
وعبرت معها واحتزمت بقراري

كلي ظما وانا تحت رجلي السيل
وكلي تعب وارفض اوقف مساري

استعجل الخطوة وانا واني الحيل
واشب في برد المتاهات ناري

[مُلهم @ilj50]

إن ماعذرك الخاطر اللي قابلك منت معذور
العذر ماتصلح معاه الترجمه والدبلجه

غيرك لو اني خاسرٍ فيه القليل من الشعور
غض الطرف عن كل من حوله و وجّه واتّجه

تكفى تغانمني قبل ما اجاور اصحاب القبور
انا لو اني منك قمت بواجبي بأكمل وجه

[مُلهم @ilj50]

نديمة دروبي .. ما بقى في رحابك فيّ
خذتك الظروف ولا اختفيتي ، ولا بنتي

لو إن الزمن .. قادر يرجّعك ، بين يديّ
من يرجّعِك في نظرتي .. مثل ما كنتي

محبتكْ حتى في غيابك مثل ما هيّ
لا هانت . . لياليك القديمه ولا هنتي

يروحون كل الناس ؟ مني شوي شويّ
ولا فيه أحد يبقى على البال غير أنتي.

[مُلهم @ilj50]

عجَز لا يشيل الموت من داخلي ذكراك
يردّه غلاك .. ويذبحونه معاريفك

لا زلت أترك الَّلي يزعلك وأنحني لرضاك
وأجنب طريق النفس وأمشي على كيفك

وأعلمك في حَالي لو الحال ما يخفاك
وأسُولف على طاريك وأمسِي مع طيفك

- جعلك فالجنه

[مُلهم @ilj50]

" سمح خاطر . . ماهو على أدناة شيٍ يعيف
وليا عاف / لا يمكن يعوّد على خبرك ".

[مُلهم @ilj50]

وصل الكلام . . آخر حدود الميانه
واللي تعثر قام واللي . . قسى حنّ

مافيه احد ، يستاهل انك عشانه
تعيش راجي فضل وتموت ممتنّ

تقدر ترجّع كل شيّ . . بـ مكانه
بس المسير لوين والخطوه لمن ّ

لا خانك اللي كنت خوفه وأمانه
بـ يخونك التعبير ويخونك الظنّ.

[مُلهم @ilj50]

كثر ماحب الشعر مانيب احب الظهور
اشعر برغبه شديده للجفى السرمدي

ودي بدرب الغياب الي يصون الشعور
ولا حضورٍ كسر نفسيتي وجسدي

مشكلتي اني مزاجي وانتقائي حضور
اذا انتهوا فوضويين الظهور ابتدي

بيني وبين المقام السهل حالة نفور
ادور الحاجه اللي تستحق اجهدي .

[مُلهم @ilj50]

مصيبة لا تردت قيمـتك في عـين من قيمت
يشوفك بالسهل وانته تشوفه بالسما السامي

مادام ان جانبي شام لجنابك وانت عني شمت
كـثر خــيرك وانـا لانيـب لا جـايـع ولا ضـامي

وتذكرني لامنها خابت أوهامك بمن وهمت
وعرفت الفرق في حب الخشوم وحب الاقدامي.