نَجد

غالية الأثمان شخصياً

[نَجد @ilkpo_]

في يوم عشوائي
ستنتبه فجأة
أن الأمر لم يكن يستحق كل ذلك الاندفاع

[نَجد @ilkpo_]

مرفوضة فكرة التصديق لكن دام الأمور تمشي مشها

[نَجد @ilkpo_]

ودي إني في المجره و أسولف للنجوم
لا أتكلم مع هل الأرض ولا أسمع كلام

[نَجد @ilkpo_]

حداني على البيت المطرّف غلا راعيه
ولا يستوي جنّاب . . بيته وهو غالي

غشاه الحلا والنور يوم الغلا مغليه
يعيش النظر شوفه . . بليّا تعدّالي

[نَجد @ilkpo_]

وجهك ماهو وجه : إختلاف ونقاشات
وجهك وجه : حاضر ، تدلل ، تفضل

ما أشعر بحب إلا معاك أنت بـ الذات !
شكلك حبيبي .. يا صديقي المُفضل

- بدر بن بندر

[نَجد @ilkpo_]

ياربّ مالي عالمقادير اعتراض
سلّمت أمري للأمور القاضيه

ياكم خجلت ادعيك مابيدي وفاض
كيف املك الدنيا ويديني فاضيه؟

والله لو يعلو على وجهي امتعاض!
إنّي على المكتوب كلّه رااااضيه"

[نَجد @ilkpo_]

مرات أحس العزله تهدم الباس
و مرات أحس إنها دوّاي و علاجي

و أنا مزاجي عندي ابدّا من الناس
عادي أزعلهم .. و أرضي مزاجي

[نَجد @ilkpo_]

غديت أودع المقفي ولا أحب اسمع التبرير
اشوف ان التفاصيل الكثيره مالها داعي

[نَجد @ilkpo_]

أحس إنّي بديت أتثاقل الخطوه
كأن الأرض ما تتحمّل أقدامي

تسيّرني مقاديري على القسوه
مع إني ما قسيت إلا على أحلامي

عسى ما بيني وبين الفرح فجوه
عسى ما ينتهي صبري وأنا ظامي .

[نَجد @ilkpo_]

أنتِ حلول اللي فقد كل الحلول
حتى جروحي لاحكيتي تسمعك

تدعين ربي ياعسى عمرك طويل
ياجعل عمري مايطول إلا معك .

[نَجد @ilkpo_]

الإنسحاب في بعض الأمور أشبه بالعفو عند المقدرة

مثل ماقال سفر الدغيلبي/
« يوم شفنا الشك والريبه وعودنا نكايف
والرجوع من الدروب العوج نوع من الشطاره »

[نَجد @ilkpo_]

مافي يدي جنّه ولا في يدي نار
وشلون أبغفر ذنبك اللي جنيته

تعبت أدور لك عذر بين الأعذار
لكن عذرٍ يقبلك ما لقيته

- تركي الميزاني

[نَجد @ilkpo_]

ضيَدان بن قضعان
يوم زار صاحبه إللي مسوي زراعة قلبَ قال له :
يا أبو راشد يوم حطو لك القلب الجديد
هو تغير حُب خلك ولا عاده الأولي ؟.

رد عليه صاحبه وقال :
مايتوب قلبي عن حُبه لو حطّو لي ثلاث قلوب

- إما هاذي المحبّة ولا فلا .

[نَجد @ilkpo_]

يانجد والله مالنا عنك مجناب
اسمك لحاله راس مال وهويه

حتى لو أن ديارهم غيم وأمطار
تبقين يانجد العذيّه ..عذيّه

[نَجد @ilkpo_]

دَلــوع من كثر الدلع وده يخون
مفتينه ان خيانته — مستحبه

« دلع دلع دلع دلع » لين يزرون
أللــي تدلعهم مجرد تشــبه

اعرف تفاصيله من اعلى الى دون
حفى قدم رجله و جرحه و طبه

يحب شي اسمه شعر حب مجنون
الشعر ديـنن له و الابـداع ربـــه

-علي بن حمري-

[نَجد @ilkpo_]

صباح الخير يا جرحٍ تمكن فـ الحشى ما نام
هلا بك جعل ربي يقطع الفرقى و طاريها

تصدق ما كرهت الجرح لو طول مع الايام
احب جروح صدري كلها من حب راعيها

[نَجد @ilkpo_]

وش اللي سرق من صوتك الحب يا مملوح؟
لمحت الغلا مفقود من قسوة النبرة

أسولف معك ما كن لي ف السبب مصلوح
وأنا والله إنها خانقة حلقي العبرة

دخيلك لا ترجع لهفتي رجعة المكسوح
أبي صوتك يعود علي مثل ما أخبره

[نَجد @ilkpo_]

اقلطي بين الضلوع وسولفي لي واسمعيني
يابعد من قال انا كلي فداك وغاب كله

ومن على صدرك ليا مني تنثرت اجمعيني
مولدي ساعة لقاك وموطني هذا محله

[نَجد @ilkpo_]

يا أم الجمال الساطي اللي يستحلّ
أقفال عشرات القلوب .. فـ ثانيه

الوجه هذا صدق .. وإلا منتحل ؟
والواسعه ذي عين .. وإلا آنيه ؟

الواضح إن الحور فـ الجنه تحلّ
وشلون جيتي في الحياه الفانيه ؟

[نَجد @ilkpo_]

طهارة وجهك الراضي كأنه منخلق من لين
سحابٍ يروي احساسي طهر ويلملم شتاتي

ذخرتك للشقى صدرٍ يكفيني عن الباقين
وذخرتك للمدى هقوة تشتت كل ضيقاتي

أنا يا ضحكة سنين الزمان وكل علم زين
تركت الناس متعمّد وعليك أسوق هقواتي