ّ

[ّ @ill1l__]

أزعل و أتبعثر و أنهمر و أرجع ضحوك

[ّ @ill1l__]

يا بنت ياللي جو لبوك الخطاطيب
كلٍ معلق بك .. رجاه ونصيبه

أنتي جمالك من خيار الرعابيب
وأبوك شيخٍ يرفع الراس طيبه

إن خيروك بناطحين المواجيب
صيري لنطاح النوايب خطيبه .

[ّ @ill1l__]

ما انتي بورده بين ضلع وبين جال
ولا انتي سحابه والعرب يتلونها

ولا انتي قمر مره بدر مره هلال
ولا انتي بشمس احيان ما يبغونها

انتي سعاده بعد دمعة وابتهال
لا زاد رقّ احساسها وشجونها

وانتي رضا الزاهد على سود الليال
اللي ثلاث ارباعنا يشكونها

[ّ @ill1l__]

عيد الضحيه صرت فيه الضحيه
اللّٰه لايسقي سلامي ضحى العيد

دقيت باب الكهله الهاشميه
ثم افتحت لي بنت زحل الاواليد

[ّ @ill1l__]

مابي درب يضيعنا يا زين
ولا حب حرام آخره رحيل

أبيك ستر وعزه وسط عين
أبيك رضا لربي وقلبي يميل

تعال وخذني بطهر العاشقين
ولا تخلي هالهوى حلم مستحيل

[ّ @ill1l__]

جمعه ورا جمعه والايام قدام
والعمر ينقص والليالي تزيده

يالله ياللي ب امرك تزين الايام
تجعل حياتي بـ العبادة سعيده

[ّ @ill1l__]

الخاطر اللي على سود الليالي صبور
يسري به الفكر ويحسب الاوادم سرت

احيان نمشي مع العالم بليا شعور
والناس عن ما تكن صدورنا ما درت

كم حاجةٍ في معاليق الضماير تدور
اقوم واخلي المجلس لا منها طرت

[ّ @ill1l__]

يارب عطني أكثر من اللي رجيت
وأنت الكريم اللي عطاه سرمدي

أنا أمنياتي أكبر من اللي سعيت
ياربّ تشرق لي مثل صبح ندي

دخيلك من الدرب لا مال وبكيت
وأعوووذ بك يارب من حظِ ردي

طلبتك تحقّق دعاي اللي دعيت
تعبت أشيل أحلامي براحة يدي

[ّ @ill1l__]

أنا ماني مثل غيري يجي ويروح أنا مثل العمر لا راح ما يرجع"

[ّ @ill1l__]

كل ما ظنيت لي ظن في غالين خاب
أنا طيب واحسب الناس مثلي طيبين

ما بعد عاتبت صاحب ولا احب العتاب
حتى لو ما يعتذر غالي وعذره سمين

مستحيل استعطف ناس ولا اطق باب
لو خلاف الباب هاذا عشير الغانمين

شوف نفسك يا حيبي على تلّع الرقاب
مثل ماقد شفت نفسي على المستشعرين

[جزل @1Jazil]

" ليش توهمني انك تحبني فـ البدايه "

[ّ @ill1l__]

أبكي لأنك كنت نازل بصدري
وشلون تنزل في مكان وتضرّه ؟

ليت النهاية كانت شوي بدري
يمكن قدرت أسامحك وأتشره

عموماً أدري معك كم طاح قدري
وإنك بترجع عقب غيبه وجرّه

وبتدور من بين النساء لين تدري
إنك خسرت أندر نساء المجرّة.

[ّ @ill1l__]

السيف يجرح إن كان في يدّ مجنون
مثل الكلام أن كان من فم غالي

[ّ @ill1l__]

الحب للشجعان فقط مثل الشجاع اللي قال :

لو دونها تاقف لي الانس والجان
لاجيهم مجيّ من راح للموت برجوله

ولو زبّنوها عن عيوني بقصر دسمان
علي الحرام لاقلب الحكم على الدوله

[ّ @ill1l__]

ما هي حرام اقول احبك برمضان
اي والله احبك، مثل باقي الشهور

ان كان حبك ذنب يا نور الأزمان
اقول انا أحبك واقول اللّٰه غفور

[ّ @ill1l__]

جعل يفداك القصيد اللي يثير أعجابك
تدري إن ذكراك بين الذكريات أزينها

حافظك ب أصغر تفاصيلك وأدق أسبابك
ومعتبرك أجمل توافيق القدر وأثمنها

[ّ @ill1l__]

تخليني وأنا اللي حبك بشتّى شرايينه
تخليني مثل طفلي الصغير أجلس على بابي

تخليني وأنا اللي مارضاك تطيح من عينه
ياكم مره يدحرجك الزعل وتردك أهدابي

تخليني وأنا اللي لا لقاك وراح من حينه
أقبل كفيّ اللي صافحك وأحنط ثيابي

[ّ @ill1l__]

أحبّك كل ما قالوا بدا قلب الحبيب يملّ
وأحبّك كل ماقلت إسكتوا لا يمكن أمله

وأحبّك وأنت لا قلبك .. ولا قلبي لحقهم ذِلّ
حبايب والقلوب نظاف - مابنفوسنا علة

[ّ @ill1l__]

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني ويعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

[ّ @ill1l__]

أحبك والظروف تضد قلبي والوفا مغلوب
وأنا مالي على جور المقدر يالغلا حيله

[ّ @ill1l__]

عزت علي نفسي وأنا أطلب وصالك
أسكت ولو ماني على الوضع راضي

لاصرت تنساني بوقت انشغالك
مابيك تتذكرني إذا صرت فاضي