ريـوف

[ريـوف @ilxxa11]

معاد ندري ناخذ العلم من وين
احدٍ يعم العلم .. واحدٍ يخصة

اخذت حكمة من كلام المجانين
واخذت هرج العاقل وطاح نصة !

ــ عـنـاد الـشـيباني

[ريـوف @ilxxa11]

وصوفها يابن عاصي شيٍ من الخيال
بيت الوصف لازهمته طاح من دونها

معربه يامهنا من عمام وخوال
من روس قومً عدود المجد يردونها

« عبدالمجيد المقاطيّ »

[ريـوف @ilxxa11]

ما بين حب الجميل وبين كف القشر
اهل المعاريف ضرتها معااريفهاا

معاد الاعمال بـ النيّات بين البشر
الناس تاخذ نوايانااا على كيفها ..!

[ريـوف @ilxxa11]

حنا مواقفنا عظيمات وجزال
يعطونها الجحدان ولا يقرّون

نقلط على الطاله مقاليط الأبطال
لا قاموا الرديان عنها يحيدون

والكلمة اللي مالها قيد وعقال
هي تعقب واللي وراها يعقبون

[ريـوف @ilxxa11]

اتركوني في ضواحي عذاب المترفات
العيوف اللي تنوّخ طموح المهتوي

كل ما لدت ب سودا العيون الناعسات
كنها تطعن ب شلفا الامير ابن جلوي

البشر في زينها معجبين ومعجبات
عندها يضيع ثقل المُحافظ والسِوِي

لو حياته بين مصحف و سجادة صلاة
ما يقاوم عودٍ اطرق و خصرٍ منزوي

ـ عبدالله بن سمران

[ريـوف @ilxxa11]

@9rctq عمممري انا الجمماال كييييكه❤️❤️❤️

[ريـوف @ilxxa11]

يمكن استغفلوني بعضهم وانا لعبت الدور
اعرف علوم واجد … و اتغافل و اتجنبها

الشتم والمدح عندي سوا واللي يبور يبور
واحدً بداله الف وللبشر ربٍ يحاسبها

- سـفـر الـدغيلبي

[ريـوف @ilxxa11]

كنت اشوفك مثل حلم المراهق في صـباه
يوم كان يشوف شرب الزقـاره مرجله

و صـرت اشوفك مثل من طاح من عين اخوياه
و هم منوّل يزهمونه بـ راعـي الأولّـه.

ـــ عـناد الـشـيباني.

[ريـوف @ilxxa11]

صحيح بعض السوالف مالها داعي
ياليت من قال له كلمةٍ يثمنها

تدري وش أسباب ضيقي واغلب اوجاعي
وجيهٍ ماتستحي وانا استحي منها

- سفر الدغيلبي

[ريـوف @ilxxa11]

بنبطي نحب البل وبنورّث التالين
ومن جيل يتبع جيل نرّث محبّتها

عطايا الله اللي كان حنّا من الحييّن
بنشرب لبنها ونتفاخر بسيرتها

وناكل لحمها ونطعم الجار والمسكين
ونكرم عزيزين القدر من كرامتها

("من اول تروح أعمار من دونها والحين
تروّح عزيزات الملايين فدوتها ".)

[ريـوف @ilxxa11]

مانعقل اللي عليها هلال ومطرقين
من طمع فيها عقلنا يده بعقالها

وان حرقنا المال في شف جرعات الحنين
" من هوايات الشيابين حرق اموالها "

[ريـوف @ilxxa11]

يا ماخذٍ تاج .. الجمـال بـ زمنـا
في ذوقك الراقي وفي كل مابك

وش فيك قطعّت المواصيل عنّا ؟
حتى وصالك نشحذه من جنابك

- محمد بن فطيس .

[ريـوف @ilxxa11]

لك خدتين وشفةٍ من نظرها مات
ولك مبسمٍ سهر الهوى فيه مزروعي

ولك هيبةٍ منها المطوع نسى ألايات
ولك سلطةٍ من حكمها يسلم الشيعي.

[ريـوف @ilxxa11]

لا تامن الوقت لا شفت الحُفاه الرُعاه
يشيّدون القصور ويلبسون الوبر

وإن حاصرك زول من تغلي وضامك غلاه
إن ماذكرت النعش ولا ذكرت القبر

تدري متى تنفض يدينك وتعاف الحياه ؟
لا عطاك ربي معاناه وحرمك الصبر

[ريـوف @ilxxa11]

ادري ان الغرور احيان مصدر هزيمه
وادري ان النجاح بعز ماله مضاهي

واسمع اصوات حسادي ولوهي رخيمه
واتمنى تدوم اصواتهاااا مثل ماهي

كل مازادت الحساد زدت العزيمه
ما تغير نظامي خل عاد اتجاهي ..!

[ريـوف @ilxxa11]

اللهم لا تجعل شمس يوم عرفةَ تغيب إلا
وجعلتنا ممّن عفوتَ عنهم ورضيتَ عنهم
وغفرتَ لهم و أستجبتَ لهم وتقبّلتَ منهم

[ريـوف @ilxxa11]

فيك النوادر من قصيـد الجزالّـة
يامصوّر الابداع في قفر الأبيات

شهور ، مابـادرتني في رسالـة
عسى البلا من شركة الاتصالات

ليت الولايف مثـل وضع العمـاله
من غـاب بلّغـنا عليـه الجـوازات .

ـ طالـب المـري ـ

[ريـوف @ilxxa11]

اما على ضوء القمر ولا بلاش من النجوم
الذنب مو ذنبي انا كلن على تربايته

عزيز نفس وعزتي ماهي على حب الخشوم
اجبر خفوقي ينثبر لين يوصل غايته.

[ريـوف @ilxxa11]

ماني بـ جافيك لين . . العالم الميتين
حتى لو اني بغيت اجفاك ما تنجفي

انا لو افقدك كني فاقد . . الأكسجين
عهدٍ علي ما تجيك القسوة من طرفي

ـــ سـفـر الدغـيلبي

[ريـوف @ilxxa11]

بنت الفخر سيدة شعري وقيفاني
في كل ذكرى على بالي لها جره

قلت اتحداك قالت لا تحداني
بتحبني مره احبك مية مره

يعني لو تحب شيباني على شاني
حبيت ربعك من العارض ليا الحره.