‏M B F 🖤 .

شكراًً

[‏M B F 🖤 . @im000]

ربي آستعيذك مں نسيان شكرك ۈ حمدك ۈ تسبيحك فلا آلامر آمري وَ ​لا العيش عيشي ۈ آسالك باسمائك الحسنى آن تيسر كل عسر ..

[‏M B F 🖤 . @im000]

بين حُب الجواب و بين كُره السؤال
القلب لو تاه ماينزل عليه الوحي

لازلت قدّ الفراق و قدّ حلو الوصال
لو المفارق مصيبه و الوصال أريحي

يازين والطق في موت المشاعر حلال
إلى متى و أنت لا مقبل ولا منتحي ؟

يامقربك لو دعيتك بس كلمة تعال
أثقل على خاطري من حاجة المستحي

[‏M B F 🖤 . @im000]

عادي تمرك لحظه تبغى الظهور
وبوقت ودّك بإنعزالك تختفي

لا ترتبك لو ينطفي وهج الشعور
حتى السماء تضوي شوي وتنطفي .

[‏M B F 🖤 . @im000]

وجهك ليا شفته عن العالم كفى
وش هالرضا ياسيّدي وش هالقبول .

[‏M B F 🖤 . @im000]

احسب ان الغلا يمحى بكثر الشدّ والترحال
وأثر لك في وسط صدري حنينٍ يلغي دروبي.

[‏M B F 🖤 . @im000]

بادري بالعذر وانا بـ أبادر بـ القبول
المحبة وجهها ادناة عذر يبيّضه

و لا نويتي بشريني متى عاد الوصول
أنا مستعجل على الوصل وأنتي ريّضه :)

[‏M B F 🖤 . @im000]

ابطت مراسيلك و حنا ملاهيف
على دفى صوتٍ عليه نتشفق

إن جيتنا سويت فينا معاريف
و إن كان ما تسمح ظروفك موفّق .

[‏M B F 🖤 . @im000]

وأبن فطيس يقول :

أروح لمكانٍ خابره خابره ٫ ٫ ياتيه
أسوق القدم صوبه وهي مالها حاجه

مكانٍ نزيه وأول مواجهي لي فيه
وأنا خابرٍ ما رجل مثله بـ دواجه

لعل وعسى ماحدني للمجي يدعيه
وأشوفه وأنا ماودي أسبب أحراجه

يحب الجريح أخر دروب اللقى ويجيه
وتحب القدم جية مكان أول مواجه

[‏M B F 🖤 . @im000]

كل ما لاح لي طيفه تبسّم .. خيالي
وإبتسام الخيال أقوى من الجاذبيه

[‏M B F 🖤 . @im000]

ماطرى لي طاري انك بتصبح لي خصيم
ليتني داري وحطيت من صوبك - ذرى

[‏M B F 🖤 . @im000]

أنا معك حتى ولو ماني معك
قل للوداع ان الغلا ماله وداع .

[‏M B F 🖤 . @im000]

"عقلي اللي كان يبغى من الواقع هروب
تالي الايام يبغى .. الهروب من الخيال"

[‏M B F 🖤 . @im000]

يهب الوله وتمر مع بارد النسناس
وانا داري ان هب الوله طارت اوراقي

تبعثرني طيوفك وابعثرلك الاحساس
وادورك في بالي والاقيك فـ اعماقي

عقب غيبتك مات الامل في يدين الياس
مثل مايموت الزرع في غيبة الساقي

[‏M B F 🖤 . @im000]

على كَثر ما أشوف إن يدينك تشح دواي
أجيك الحزين الليّ من الهجر مستدرك

ومَع إن الزمن في كل صبح يجيب أقصاي
لكني ما أعرف أهين قدريّ ولا قدرك

لو تغيب يكَفي شوف طيفك على يمناي
ترى لك بصدري شي ماهوب فيّ صدرك

[‏M B F 🖤 . @im000]

جيت أدوّر منك كلمة ولا جا منك حرف
ليتني ماجيت راضي ولا رحت مْغصوب

[‏M B F 🖤 . @im000]

اسعفيني من عناء البعد وانا مستهيم
في ليالينا القديمه يا لين الراس شاب

اقربي لي واستعيذي من ابليس الرجيم
يفداك قلب هاب الفراق و هو مايهاب

[‏M B F 🖤 . @im000]

هاضت جروح المحبه من العشق القديم
وانقطع وصل المحبه و زاد الاكتئاب

صوت ابو نوره يغني مع الليل العتيم
يستثير اشواق قلبي لا من طال الغياب

سيّدة قلبي محبتك جايه من صميم
انتي حلم العمر كله ماهو سن الشباب

تركتيني للهواجيس و الحال السقيم
وعشت بعدك غربةً كلها هم وعذاب

[‏M B F 🖤 . @im000]

بين رغبة كلام و بين رهبة ملام
كم ذبل من شعور وكم صرح إنهدم

نعشق النور لكن ننجرف للظلام
نقتل الحلم و إنبَشّر بمولد ندم

كم بحثنا السلام ولا وصلنا السلام
كم نتيجه وصلنا ناتجه من عدم

ليتنا لا تزاحم فالصـدور الكلام
ما نخاف الـملام ولا نرد القدم ..

[‏M B F 🖤 . @im000]

ليت اللقى مانتهى يوم شفتك
وليت الثواني في شوفتك طالت

[‏M B F 🖤 . @im000]

روح بفالك ترى مارضى عليك الخضوع
أرحل شجاع مثل ماجيت صوبي شجاع

وأن مرّ طيفي على بالك في ليله ربوع !
اسأل غرورك : وش الدنيا بليا متاع ؟

وأنا بحافظ على جرحك مابين الضلوع
و أليا ذكرتك تنحرت الفجوج الوساع

[‏M B F 🖤 . @im000]

تعمّدت الغياب وغبت عن دنياه
تجاهلت الحنين اللي عثى فيني

صبرت أكثر من اللازم على فرقاه
تكاثرت الدموع اللي مَلت عيني

تحايلت التناسي علّني أنساه
يمر البال.. والذكرى تعنّيني

قويت أبعد عن دروبٍ تضم خطاه
ولكنّي؛ بديت أجهل عناويني