الشيء بشيء يذكر يوم كنت اشتغل كاشير قبل عشر سنوات كنت انبه الزباين على العروض ومره من المرات كان فيه عرض ع التايد واحد والثاني مجانًا قلت للزبون ترا الثاني مجاني قال ما احتاجه الحين، يا أدمي صابون ماهو أكل خله في الدولاب ما بيخرب، الفكره باختصار اذا السلعه كانت نفسها وشريتها من مكان بسعر أغلى مع الوقت والأثر التراكمي المبلغ راح يكون كبير، يعني الشخص اللي ما أخذ الصابون هالمره بسعر ٤٠ ريال ماراح يأخذ شيء المره اللي بعدها وهكذا ومع نهاية السنه راح يكون عنده تكاليف اضافيه كان في غنى عنها
المستهلك هذا غبي لأن باختصار قبل تروح أي محل افتح صفحة العروض في موقعهم وقارن بين الأسعار واختر اللي يناسبك واترك الكسل عنك تبي تروح مكان واحد وتقضي كل شيء منه طبيعي المحل ما بيسوي لك عروض على كل المنتجات اللي أنت بتشتريها، على سبيل المثال كنت اشتري صدور الدجاج المجمده من بنده لأن كان عليها عرض حلو ورحت العثيم بعده بخمس دقايق وشريت صابون ١٠ كيلو عشان عنده عرض وبنده ماهو مسوين عرض عليه، لذلك أنت امام خيارين يا تشتري كل أغراضك من مكان واحد وتدفع وإلا تبطل كسل وتشتري العروض اللي تناسبك وتضرب الباب من أي محل كان
مستهلك جرب يشتري من "الدانوب" و "الصالات الاقتصادية" نفس المقاضي عشان يقارن السعر النهائي ويشوف كم تطلع عليه تكلفة المقاضي
طلع اجمالي تكلفة المقاضي في الدانوب 322 ريال بينما في الصالات الاقتصادية 325 ريال
- ويين الرخص؟ مافرق شيء ولابعد وفر ثلاث ريال ..!😁