المطيري

كُل ما تراه في حسابي هو صدى لواقعي.

[المطيري @in8q_]

الحياةُ ظلٌّ زائل، ورحلة قصيرة تنقضي سريعًا، وقد يحين يوم أفارقكم فيها، فلا أرجو منكم سوى الدعاء والمغفرة، ولْتسامحوني على ما كان من خطأ أو تقصير.

[المطيري @in8q_]

ليا مرني طاريّه فالمجلس المليان
اخاويه وأترك هيكل الجسم متراكي

[المطيري @in8q_]

ليالي ميسي هي الافضل🇦🇷🐐.

[المطيري @in8q_]

معشر العشاق من يوشي علي وشاية ؟
يمكن اعرف من وراها شيء عني خافي

بلغو عني طبيبين الهوى لو بآية
الله يعجل طبيبين الهوى باسعافي

يا حبيبي والدروب اللي بدون نهاية
اجمل من اللي تصل فيها وترجع حافي

كل ماجيت آصل اقنع نفسي اني تايه
ارجع لنفس الطريق اللي تركت خلافي

[المطيري @in8q_]

قبل لا اشقّ دربي ، معطيٍ ظهري لقيل وقال
ولا دوّرت عند الطيّب وعند الردي قدري

ترى كلٍ يقول انه كريم و طيّب و رجّال
لقيت احدٍ يقول انّه ردي والا احتروا غدري ؟

لذا خل الكلام اللي تقول، يطابق الافعال
أو اسكت خل الافعال اتكلّم وانت ماتدري

[المطيري @in8q_]

مـدري نهينـا الأرتـباط او بدينـا الإنفصـال
او مـرحلـه ودك تمـر ومـا نسولـف عنّهـا

تدري وش المُحزن اذا جيتك وفي بالي سؤال
عادي أقول اشتقت لك ولا صرت تزعل منّها

[المطيري @in8q_]

ابشرك طيب ومستويه أموري
ونواقص الناس مافكرت ارقعها

لا جاتني الكلمه الي تجرح شعوري
عرضتها الريح ولا كني اسمعها

[المطيري @in8q_]

أركيت ظهري على ظهر الجبل لكن
ماجت مواعيد ضلّه مع مواعيدي

[المطيري @in8q_]

الشمس ما عاد تذكر حبنا زين
من بعد ما كان يبدأ فيك يومي

كان الصباح أفضل الأوقات و الحين
خربت طبعك و أنا خربت نومي

[المطيري @in8q_]

🚴🚴

[المطيري @in8q_]

انا اكثرر إنسان يظلم نفسه بـ نفسه
يا كم حاجةٍ أبيها وقلت .. ما أبيها.

[المطيري @in8q_]

يوم قال محمد بن فطيّس"

انت ياللي من بطين الفؤاد الى الاذين
والله إن حبك مع الوقت ما ينقص يزيد

في غيابك لك محبه ولك شوق وونين
وفحظورك شف عيوني كلامي ما يفيد

اقهر الضيقه بذكراك من حينٍ لحين
وأنثر دموعي على الوصل من عيدٍ لعيد

[المطيري @in8q_]

من اجمل ابيات "ضيدان بن قضعان" بالنسبه لي

[المطيري @in8q_]

من حلاها ما توصفها الحروف الأبجدية
كيف توصف وردةٍ يبري من العلة شذاها

الورود تغار منها مزهرية مزهرية
وإن تباهت عذرها معها ويحق لها تباهى

[المطيري @in8q_]

أحر من وقع السيوف وأشد من طعن الرماح
لا صار فيك الهم باين وانت صامل . . تنكره

[المطيري @in8q_]

لـو اقول إن البحر مثل الهوى مـاهـو بقدي
ما قدرت أقول قلبي تاب و أعرض عن دروبه

ولو أتوب من الذنوب اللي جنت الأيام ضدي
ما قدرت أتوب عـن ذنب يـعـن القلب صوبه

كيف أتوبك يا أجمل ذنوبي وأوقف عند حدي
و أنـت ذنـبً لا غـفره الله ولا لـي عـنـه تـوبـه .

[المطيري @in8q_]

تصبّر على بلواك و أصبر على بلواي
أنا لو ما أكتم عبرتي من يناحيني؟

أشوف الخلل و الحزن بيّن على ممشاي
و أصدّد و أجامل لين بان الخلل فيني

أقضي نهاري بـ المشاوير رايح جاي
لكن البلا مع غيبة الشمس ياتيني

[المطيري @in8q_]

أشوف وجهك غير مهما تغيّر
لو إن عيونك واضح الحزن فيها

من هو يقول البدر له " وجه نيّر "
ما شاف ضوح الوجنه و مايليها ؟

مبسم و خد و عنق ريمٍ مذيّر
و عليك عين ؟ الله أكبر علـيها

[المطيري @in8q_]

أخاف لا ينبت .. فــ خدك ورد
وانتي تحت صبّ المطر تمشين.

[المطيري @in8q_]

“القهوة ليست مجرد شراب، بل لحظة صفاء… تُرتّب فيها أفكارك، وكأنك تُعيد ترتيب روحك قبل يومٍ طويل."

[المطيري @in8q_]

قومي ألبسي يافتنة العيد فالعيد
كلك على بعضك صباح وتهاني

يا أجمل جمال الأنس يا فتنة الغيد
للنـاس عيـد وطلتـك عيـد ثـاني