‏𓇻

منعزل عن الكل تماماً

[᷂معّدي @iin72__]

على كثر تقصيري معك يا سليل الجود
قل اللي تشوفه ينصفك لين تستوفي

لكن يعلم الله ما خذلتك وعندي زود
ولا ارتحت وانّ الحزن يقتات من جوفي

معك لا تقيمني ظروف السنين السود
عليّ الحرام ان راسي أطيب من ظروفي

[شيمه الطويل @Shemh_511]

جعل من باعنا في ليلةٍ مدلهمّه
يلحقه طيبنا لو كان يبحث خفانا

والله إن تملي دموعه مع الوقت كمّه
لا درى إن الليالي تنطوي من ورانا

[الوّبيـل @sllle6]

اللي نمشيها سنّه .. بالمداراه
يحوسها القيلون في ربع ساعه :)

[الفهد @bo7__0000]

لو الحظوظ الجيدة تخدم .. الاجواد
ماضحكت سنون اللاش من نكبة الجيّد

ارقّع كل طيحة حظ .. بمكابرة وعناد
واعمي عين ابو نفسٍ على كسري يعيّد

[NOURAH @just_poetry_]

مايستردّ الحق لا احتدّ الكلام
الا اللسان اللي ماينشب في الجما

واللي يبادلك الغلا والإحترام ؟
ماهو بـ مثل اللي يشوفك ويعمى

وقايع الحاجة على وجيه الكرام
أجور على كبد الظمان من الظما

ما ينظف الفاسد من عيال الحرام
حتى لو انه يجيه شقٍ من سما.

[᷂الـمها | 🇶🇦 @_66uy]

كل شيٍ له ثـبوت . . . وله دلايـل
و الـزمان الصلف ما منه سـلامه

اعرف اسلوب التـخفي والتـحايل
و ابخص الرجّال من منطق كلامه

جعلهم يبطون صـدقان الـفعايل
و جعلهم يفنون صدقان الرخامه

صدتي عـن وجه جحـاد الجمايل
صدت الوافين عن شوف الهلامه ".

[- مّ . @ioxgen]

يارب واحوالي مثل ما انته تشوف
ما مال راسي لو ما عندي راس مال

اعوذ بك من شر نفسي والظروف
ومن غلبه الحاجه ومن قهر الرجال .

[ِ @7_llliii]

على العزاز أزكى التحايا والسلام
وعلى الضعوف ميه دعيه ولعنه.

[حجاجّ @jv0z_]

هد ياقلب تقلبك الروابع كل ساعه
والله ان الصبر قد هو يلفظ انفاسه لاخيره

ماتحرى غير نور الصبح يعتقني شعاعه
مال فصل الصيف فضل الا لياليه القصيره

جعل ربي مايجردني من شعور القناعه
ياكثر مافاتني فرصة عمر واقول خیره
ادري ان ماكل حرب في غنايمها طماعه
مايلام الفارس اللي رد سيفه في جفيره

[‏𓇻 @inis_l]

https://t.co/APv6MxIvtf

[ᥫ᭡. @A19__2]

اول ايام المحبه مثل لطف الملوك
واخر ايام المحبين مثل سيوفها .

[ريّانه @_wii31]

صديت قدني من كثير العَرب عايف
وان عافت النفس شيءٍ تتركه كله

شايف وكم لي اسوّي ماني شايف
لكن الأيام لا مذهب ولا مله

قولو طفش مَل قولو منكسر خايف
من قارب اللي يضيق خاطره مله

خلوُني بجوي المتواضع الكايف
مفرق طريقي ولو عديته أدله .

[… @uak1213]

تكشخي يالفاتنه في ضحى العيد
ثوبٍ جديد وكحل سايل وحنا

الله عطاك الزين عن باقي الغيد
مطوّقه بالزين .. منا و منا ):