تجربتي مع ٢٣ دكتور من مختلف التخصصات رحت لهم بخصوص أعراض عدم الإتزان وعدم القدرة على المشي والدوخة والدوار والطنين وألم الأذن المزمن والشديد. كنت أبحث عن جواب لحالتي كان تدهور ملحوظ وسريع صرت عاجزة وفقدت مهارات الحياة الي أقدر أسويها وأنا طفلة، كنت أتنقل من دكتور لدكتور متوكله على الله متأملة معرفة السبب.
من ضمنهم ١٢ دكتور ��ين تخصص أنف وأذن وحنجرة و تخصص المخ والأعصاب، طيب كيف كان تشخيصهم لشخص تعبان ما يعرف وش فيه فقد كل قدراته وجرب كل الفحوصات والأشعة وعاش لحظاته بين الأمل والخوف يترقب النتائج حتى وصل لمرحلة يخاف من جملة نتائجك سليمة! أجل وش فيني؟ كنت أروح لهم منهكه نفسيًا وجسديًا أبي أحد يفهم حالتي؛ وهذا كان بعض من الي عشته في غرف الدكاتره:
١-تتعاطين؟
٢-ودوها دكتور نفسي
٣-الله الله! ليه بعربيه؟ لهذي الدرجة ما تمشين
٤-تقرين قران؟
٥-كم عمرك؟قلت ٢٣؛ مم طيب ما تحسين توك صغيرة على الأمراض؟
٦-تتدلعين على أهلك
٧-دكتور خلاني أمشي وانا واقفه بمكاني ومغمضه دخت أكثر وجسمي يميل لليسار ��حاول أثبت نفسي لكن طحت قال وش دعوه وش دعوه! حاولت أستجمع نفسي وأجلس بمكاني واتنفس واشرب مويه وأستوعب الوضع كامل قال مم شكلك تتدلعين على أمك
هذا كله بعد ما اختبروني قدامهم مشيي غير متزن عضلاتي غير ثابته وتهتز الخ.
هذا الي أتذكره وجتني ردة فعل من الدكاتره لحد الان، حجز المواعيد ثقيل علي ومواجهة الدكتور تقلقني لأنهم زادوني مرض. الروحه لهم أصعب من الي أعيشه.
بالبدايات كنت متشخصه بالتهاب عصب الاتزان وخلال ٦ سنوات كنت كل سنه أروح لدكاتره بعدين فقدت الطاقة ورضيت بحال ماله اسم وسلمت أمري لله وظني فيه كبير، وحده الي أوجد هالداء بيسخر لي الدواء وهو رب الطب ورب العباد ويهب العلم لمن يشاء قادر ��ن يهب الدكاتره ما يشاء من العلم دعيت يارب هب للأطباء العلم والمعرفة بحالتي وسخر لي دكتور يفهمني بدون ما أشرح ويشخصني التشخيص الصحيح بالوقت الي كاتبه لي من غير شر. ٢٠٢٥ عطوني اسم دكتور ممتاز أنف واذن وحنجرة ورفضت وانهرت ليه أرجع ورا؟ كأني أبدأ من جديد تعبت كثير والغيته ما كنت كذا لكن فاهمه مرحلة الاستنزاف الي كنت واصلتها، بعد ما سويت الأكشن هذا كله كنت أصلي بالليل وأدعي بعدين من نفسي دخلت وحجزت نفس الدكتور وقلت أنا مستعدة أروح، ليلة الموعد بديت أنهار والليل كله أصيح وأحس روحي بتطلع كلمت أخوي يجي عندي وشرحت له كل شيء وأنا يا اخوي أبغى اروح بس أخاف يقول لي مافيك شيء والنتايج سليمة ساندني وتصبرت ولا ألغيته وخلاص أبي أروح الحين وأخلص بسرعة رحت مواصلة،تدرون إذا جلست أعدد الأعراض وش كان يقول لي؟ اسكتي أنا أسألك وجاوبيني، كان يع��د لي الأعراض الي فيني بالضبط وأعراض ما أقدر اوصفها بنفسي لأول مرة ما احتجت أشرح نفسي وأثبت إني مريضة. عرض من الأعراض خلاه يفهم حالتي واستبعد كل مرض يتعلق بأنف وأذن وحنجرة وحولني لدكتور مخ وأعصاب متخصص بحالتي حجزت على طول ورحت من بكرا و��شخصت شقيقة دهليزية. طلعت من عنده بصمت تام رحنا نصلي المغرب جلست وبدت دموعي تنهمر بدون سيطرة تركت امي السجاده وجت مسرعه وش فيك قلت لها مستانسة إني تشخصت قالت الحمدلله أحسب الدكتور ما جازلك
حاولت أهدأ وأروح أغسل وجهي بس صرت أشاهق بين الأسياب صياح السنين كله طلع لكن المرة هذي راضية فرحانة شاكرة لله أمشي والسنين تمر قدامي الأسياب ذكرتني بانهياري بينها بعد ما طلعت من الطبيب السابع ضايعة وأحاول أتمسك بأمل تشوه من التجارب القاسية والسابع كان بمثابة القشة التي قصمت ظهر البعير.
استغرب من كمية متخصصين أنف وأذن وحنجرة ولا مرة ذكروا لي الأذن الداخلية! ولا وجهوني لمتخ��صين في الأذن الداخلية أو على الأقل بالغلط يسمونها لي! ما يعرفون إلا الأذن الوسطى وغيره؟أنتي دبري عمرك
هل شخصت نفسي باضطراب دهليزي؟ نعم
كنت فاهمه الي فيني كثير.
طبيبتي الحقيقية كانت أمي تقرأ كثير وتربط بين الي تقرأه وحالتي تبحث وتسعى لدكاترة أقرب لمعاناتي هي من توصلت للأذن الداخلية هي الي بدون تشخيصات ودتني لأخصائي تأهيل لأنها قرأت كلامه وذكر جزء من أعراضي، كانت تحاول وتصر كثير وبعدها كلمتني عن أخصائي رحت كان عمره صغير دخلت بعربية واستمريت معه سنتين وتحسن توازني وجوانب أخرى وطلعت منه بدون عربية. الحين بعد ما تشخصت بالشقيقة الدهليزية بدأت أسترجع مواعيدي معه كان يسألني عن أعراض فيني وأقول وش دراه إني أعاني من هذا الشيء وأنا ما علمته؟ مثلًا كيف صداعك؟ كانت نوبة الصداع شديدة وحاده وتجلس معي فوق ٢٤ يوم السنتين الأخيرة فكرت أروح مخ وأعصاب وأسوي أشعة أتطمن يمكن فيه شيء برأسي. لكن ما أعلمه إني مصدعة وكنت أستغرب وش دراه؟ لكن بعد ما تشخصت عرفت إنه كان مشخصني وعارف حالتي بشكل كامل قبل أي دكتور عسى الله يبارك له.
الحمدلله كثيرًا
أتمنى رحلتي تفيد شخص محتاج يقرأ هذا الكلام.
أول مره تمر علي! وبحثت عنها طلع لي مثبطات تؤخذ وقت النوبة بديت أفكر ليه مافيه استشاري يصرف أدويه مؤقته تهدي النوبه؟ والا مالها فايده؟ صحيح ماهي وقائية ولا علاج نهائي لكن إذا لها مفعول في تخفيف النوبة فحنا بأشد الحاجه لها وقت النوبه نتعامل مع أعراض كثيره لا تحصى أعراض من الدهليزي موجوده من الأساس وتزيد شدتها وأعراض بباقي أعضاء الجسم..وقتها الجسم يصير في حاله غريبه أحيانًا أقول جسمي كأنه متعطل ما يعرف وشلون يشتغل فجأه كل أعضاء الجسم تتردى وتسوء! وما أعرف وش أعالج وش أخلي ووش أتحمل يعني كفايه ثقل الراس والصداع وال��وخه والدوار وعدم التوزان وأضطر أتعامل مع أعراض ثانيه معقده
@raiban4185 D. Hyoscine
هو الدواء الأول للوقاية من د��ار الحركة Motion Sickness. يعمل كمضاد للمسكارين Antimuscarinic، يثبط الإشارات من الجهاز الدهليزي في الأذن الداخلية إلى مركز القيء في الدماغ.
هل عندكم علم أن تغير الأجواء عامل محفز لنوبات الشقيقه الدهليزيه؟ إذا كنت تتسائل ليه تحس بالصداع وضغط الأذن والدوار والدوخه رغم إنك بالبيت وما تعرضت للي بالعاده يحفزها فـ السبب هو تغير الأجواء كثير ما يعرفون
حتى تخيلوا من يوم قررت وقبل أسجل نوبات الدهليزي قويه قويه مره والنوم ودعته ورغم إني أواجه أعراض كثيره إلا إني أحاول أسيطر على موضوع النوم! هو أهم شيء وهو أول جانب أفقده مع النوبه فـ أستمر بدائرة مالها سيطرة وكل يوم أقاوم أعراض أقوى جاني إحباط فضيع طيب متى بروح؟ متى أبدأ! متى أقدر أجرب! كيف بكمل وأنا كل يوم أتعامل مع كل هذا! لكن بحاول بحاول وبقدم عليه وبإذن الله بطب صاروخ
قررت أدخل عادة صحية جديدة بحياتي وأصدم الدهليزي أقوى صدمة وقع الاختيار على رياضة السباحة أولًا فكرت بأنها تشتغل على كل الجسم وفيها مقاومة وأيضًا ممتازة لتحريك الدورة الدموية وللرقبه هذا المكان بالذات يحتاج يوصله الدم ويوصل للرأس وأيضًا ممتعه يعني السباحه جامعه لي مليون بواحد 💪🏻
ومع المرض المزمن الجلسة طويلة وهذا شيء يزعلني ولا يرضيني أجلس كذا طول الوقت! حتى لو كان مب بيدي الجسم يحتاج يتحرك ال��عب المزمن يجبرك تجلس كثير يحدك عن الحياة الطبيعية الجسد مع الوقت يفقد صحته بسبب كثرة الجلوس ويأثر على جودة عمل باقي الأعضاء مما يخلق لك مشاكل أكثر وأكثر.
قبل أصاب بمرض مزمن كنت إنسانة رياضية بل مهووسة بالرياضة والتغذية الصحية، أعتقد نادر يكون فيه إنسان صحي ونظامي من عمر ١٣! ماشاءالله تبارك الله كنت صحية ورياضية من نفسي مافيه شخص مسؤول عني ويجبرني كنت بعالمي أنا 🤍 لدرجة نظام أكلي ومقاطعتي للمنتجات الضارة أثرت على المحيط خصوصًا في المدرسة صديقة غيرت نظامها وطبقت عاداتي، استمريت بالرياضة الجامعة ٢٠١٨ صرت وأنا اسوي التمارين بين المقاومة والأثقال تنسد أذاني وتنضغط وتسود الدنيا وادوخ وطنين فتحدني من إكمال التمرين ومن هنا كان التحول ماكنت أعرف إن الأعراض بتزيد وتستمر ولا أعرف وش فيني، وسبحان الله تمكن المرض حتى تشخصت في نهاية ٢٠٢٥.
فـ الشعور غريب معقولة أنا الآن نفس الشخص الي كنته قبل المرض؟ فرق عجيب كل الي كنت أسويه قبل المرض فقدته وأصبحت غير قادرة عليه بعد المرض، المرض أعاقني عن كل عادة طبيعية، صارت كل عادة تتطلب مجهود عالي أو يكون عائدها على صحتي عكسي لكن الآن بجرب عادات جديدة وأقيم تفاعلها مع الدهليزي وأختار المناسب لي وأركز عليه بهدوء وبمتعه بدون ضغط على الجهاز الدهليزي والعصبي "قليل دائم خير من كثير منقطع"
وبعد سنوات من تكرار نفس النظام ما بين؛ (نوبات ->مقاومة-> محفزات ->نوبات-> مستشفى->سرير-> جمعات عائلية->محفزات->نوبات->مقاومة-> سرير) نسيت كيف الحياة تنعاش نسيت..كثير أشياء بداخلي ماتت كنت أول أستهويها الان طفت كأن التعب غطّى عليها ولأنها مفقوده سنين صار التفاعل لها معدوم بالأصح مافيه أي شعور بس أتذكر أمور كنت أستمتع وأنا أسويها، أشتريها أو أخطط لها! كان فيه شعور الرغبة بالشيء عكس الآن مافيه هذا الشعور. والوعي بهذا ممتاز والتعامل مع هذه النقطة صحي المرض المزمن يخليك تمر بمراحل كثيرة عشها وفكك عقدها وتصالح مع نفسك.
الخروج من هذه المنطقة صعب صعب جدًا لكن جالسة أحاول وأقاوم لازم أكسر الحاجز! آمنت أن بكل الحالات تغيير نمط الحياة وإدخال عادة جديدة أفضل من الجلوس على نفس الحال وحالي أبدًا ماهو ممتع! مليت مره من التعب مأقدر أشيله مني ولا أوقفه مليت من هذا النظام مليت من إن التعب أخذ مني الحياه دايم أقول إلى متى وهذا م��اني؟ عمر العشرين راح وانا بنفس مكاني لكن وش يقدر يسوي الإنسان؟
لكن قررت الي أقدر عليه بسويه والي ما أدري عن مقدرتي عليه بجربه وأعرف، وبالتدريج بكسب عادات جديدة ونمط حياة مختلف! مراعية جانب الشقيقة الدهليزية أنا الآن إنسانة مختلفة أعيش مع مرض مزمن بـ أدير حياتي بما يناسبني وبما أنا عليه اليوم! بإذن الله
أول طبيب توجهت له بعد ما مريت نصف أطباء المخ وأعصاب وأنف واذن وحنجره وسويت كل الأشعه والفحوصات، كان بسبب طبيبه عامه أراجع عندها قالت إلى الان الدوخه؟ قلت إيه أخذتني للسرير قالت انسدحي بعدين اجلسي وسويتها ولاحظَت وش تأثر فيني وقالت فيه شيء بالحياة اسمه عصب الاتزان "وهذه كانت المرة الأولى الي أسمع فيه" قالت يعتبر مزمن لكن بوجهك لطبيب مختص يشخصك ووجهتني له وسويت الاختبار وتشخصت بـ التهاب عصب الاتزان وحولني على عيادته للعلاج الطبيعي، الاشكاليه كانت كل مكان أروح له يقولون لي طيب وين التقرير والفحص حتى ��يادته للعلاج الطبيعي سألوني عنه واستغربوا ليه ما معي قلت الدكتور ما أعطاني شيء قالوا كيف بنعرف حالتك؟ الكلام من ٢٠٢١ وإلى الان أعاني من الموضوع مع أي دكتور أروح له لأنه كان أول فحص توازن وأول تشخيص لالتهاب عصب الاتزان لكن ما عندي أي إثبات أعطيهم إياه
ان شاء الله
ساكون فى الرياض
السبت ٢١ نوفمبر هذا الشهر (بعد ١٠ ايام) ولمدة خمية ايام
لحالات برمجة القوقعه وامراض التوازن وضعف السمع
مستشفى الرياض ط��يق الملك عبد الله
حفظ الله المملكة من كل سوء
تذكرت دكتوري عطاني خيار البوتكس وانا من ناحية البوتكس وأي إجراء يتطلب حقن مادة أفكر كثير هذه المادة وش يصير فيها داخل الجسم؟ وكيف الجسم يتخلص منها؟ وهل لها ضرر جانبي علي أو لا فـ الله يذكره بالخ��ر د البلالي قال بوتكس قلت لا مابي قال ليه؟ قلت متخوفه يضرني قال ما يضر قلت الماده وش بتسوي بجسمي؟ وشرح لي قلت طيب ما يصير فيه ضرر على مستقبلي الصحي؟ ضحك مره قال وشو مستقبلك الصحي؟ طيب بخصوص ثقتي حرام عليك دكتور صح إني بعربيه ودايخه ٢٤ ساعه وبتحفظ عن ذكر باقي الأعراض لكن عطني على جوي صدق كان هامني الموضوع وواثقه وأنا أنطق مستقبلي الصحي شخصيه شخصيه
أعرف عائلة ضد العمليات بشكل عام وهذا أغر�� شيء شفته، الوالده حالتها تتطلب عمليه ويوم سمعوا إنها مسويه عمليه نقدوا مره وكبروا الأمور مع العلم لايوجد قرابه، وحفيدتهم عندها عيب خلقي مأثر على نموها ورافضين رفض قاطع تسوي العمليه! رغم إنها لو ما تلاحقت صحتها الان بيكون وضعها أصعب في كل سنة تمر عليها وأبوها مع قرار أهله، والأم تبغى بنتها تتعافى بعد الله ولابد من فعل الأسباب خاصه إنه نادر وسافروا للخارج عشان مشكلتها، والقصص بهذا الجانب كثيره والمنع ماله معنى وعلى غير سنع أستغرب من هذه العقليات
كل ما أتذكر بداي��تي في فحوصات مرضي أرحم نفسيييي كنت أقول دوخه وعدم توازن ولا كنت أعرف وشو الدوار 😔 يقول لي دوار؟ اقول لا دوخه وأنا صادقه ما كنت أدري الي فيني دوار؟ ببالي الدوار يعني إن الدنيا تدور لكن لا ما تدور أنا الي أدور ف كان شرحه صعب! اقول لهم لا أنا ادور يقول ؟؟ طيب وش تحسين؟ اقول مثلًا إذا نزلت من السياره كأني أنا الموج وما أحس بالأرض! اذا كنت بالمصعد وبرا المصعد جسمي ما يثبت طبيعي! جسمي يرقى ويهبط بقووه كأني بالمصعد سواء بسبب المصعد أو بدونه تجيني هذي الأعراض ومرات رجولي تنسحب للأرض كأنها تنزل تحت الأرض غرييب مره يسألني متى تقوى الدوخه طيب؟ أقولهم بكل وقت موجوده! يقولون لا متى تصير فيه "وهذا إلى الان مالقيت له جواب لأن ما عمرها فارقتني!" فـ كنت اقولهم اذا استلقيت للنوم وغمضت تصير قويه وهذا الي كان متعب ما أرتاح وقت محاولة النوم ثواني كأني بمرجيحه وثواني كأني بموج وثواني جسمي يتشقلب وثواني جسمي يطيح للخلف وللأمام طبعًا المفاجأه طلع هذا هو الدوار؟ وطلعت أعاني من أكثر من أربعة أنواع من الدوار عشان كذا أرحمني كنت أحاول أشرح معاناة مب موجوده بالخيارات ومب معروف لي إن هذا اسمه دوار داخلي! الدوار المعتاد هو إن الي حولك يدور أو أنت كأنك بسفينه فهذا معروف لكن أعراضي ما عرفت اسمها حتى المختصين يسألوني الغرفة تدور؟ ما يسألوني تفاصيل ثانية لكن دائمًا كان جوابي " أنا الي أدور" رغم إني مو فاهمه الأمر، كل شيء كان مبهم سبحان الي كشف الستار وأعطى كل أمر اسمه
ما تلاحظون كاثره مشاكل الدوخه وعدم الاتزان في السنوات الأخيره؟ في محيطي أربعه صابتهم هذه الأعراض في السنتين الأخيره وإلى الان يراجعون يبحثون عن تشخيص وكثير من بعيد أسمع عن إصابتهم فيها فمعارفي يوصلون لي السالفه لأنها تشبه معاناتي أو بيسألوني عن دكاتره أما في السوشال ميديا الحالات لا تحصى وكلهم يتساءلون وش الي فيهم؟ ووشلون بيوم وليله صارت لنا كل هذه الأعراض واستمرت معنا
وحتى أنا أتساءل اليوم مرت علي ثلاث حالات واستنكرت هل هو طبيعي أو لا؟ فيه شيء تغير؟ وهل فيه تفسير؟
أعاني منذ شهور من دوخة وعدم اتزان راجعت عدد من المستشفيات دون فائدة ، التحاليل سليمة الأشعة سليمه لا اعلم ماهو السبب من لديه معلومات او مر بمثل هذه التجربة المريره فليرشدني مشكوراً اسأل الله ان يكتب الاجر لنا ولكم
الخوف من عدم النوم هو ما قد يسبب الأرق. وله عدة حلول :
- لا تطالب نفسك بالنوم خلال مدة محددة، وإنما ابقى مستلقياً على الفراش حتى تنام.
- لا تجعل النوم قضية حياة أو موت. بل ضع في ذهنك احتمالية عدم النوم، وتقبل ذلك.
- اذهب للفراش بقصد ونية الإسترخاء. واهدأ ولا توتر عقلك بكثرة التفكير. فالإسترخاء نصف النوم.
- تذكر الأيام التي ذهبت فيها إلى عملك دون نوم، صحيح أنها مجهدة لكنها لم تكن بذلك السو�� الذي توقعته.
حتى وأنت شباب ممكن تنحرم من السجود والركوع، مع الاضطراب الدهليزي حركات الرأس تحفز الدوار والدوخه والغثيان يا��ا وياما في جلسة التشهد رقيت فوق ونزلت ورحت يمين أقصى الغرفه ويسارها ياخذني بعييد عن مكاني وقتها أقول أنتي ثابته ثابته ما تتحركين تراك ثابته أذكر عقلي إني ثابته لأنه الي يحصل مب طبيعي على العقل! الي يحسه جسمي مختلف عن الي تشوفه عيوني! أعيش تناقض وانفصال حسي! انفصال حسي تعبير لحظي طلع معي وأنا أكتب لا أعلم مناسب أم لا لعله يفي في وصف لو جزء من المعاناة
أشبعوا من العبادة وأنتم في كامل الصحة والعافية، قبل أن يُحال بينكم وبينها.
تلذذوا بالسجود وأنتم أقوياء، وضعوا جباهكم الشابّة على الأرض قبل أن يأتي يومٌ يجلس فيه أحدكم على كرسي، ولا يستطيع من السجود أكثر من أن يحني رأسه إلى الأمام قليلاً.
مشكلتي إني دهليزيه لكن كلامي واجد
من الساعه وحده أرد على السؤال السابق وبعد ما خلصت الجريده رفض أنشرها رحت بجدد اشتراكي ورفض وجلست ساعة ونص أجرب كل الحلول حتى فيزا طلعتها إلى أن ضبط ترا ما تعرفون عني إلا الجانب الدهليزي لكن تراي هكر شوي وفيلسوفه مليون وما عندي كنترول أقول خلاص وقفي الأعراض شدت كملي بعدين لا لازم كل شيء أضبطه حتى والرؤية البصرية بدت تودع وراسي بينفجر أكمل وأكتب وأخلص ما أعرف أوقف يعني الآن جايه بكتب لكم بس أول سطر لكن شوفوا وين وصلت عجزت أوقف ففعلًا أنا بلاي مني وفيني شقيقة اضطراب دهليزي وكلام كثير من الدايخ الي بيقرأ كل هذا لكن والله أحاول أراعيكم لكن العذر والسموحه مدري تلقونها من المرض والا مني امسحوها بوجهي
ملاحظة: طبيبي ذكر لي إن الأعراض تختلف من مريض لآخر، يقول مو الكل نفس بعض المرضى يختلفون من ناحية طبيعته وأعراض�� ومن ملاحظتي حتى المحفزات تختلف من شخص لآخر
هذا العرَض الي كأنه نومه وأعراض الدهليزي الي تصاحبه تجيني كثير دوخه وثقل بالراس وصداع وفجأه هذا الشعور ما أعرف اسمه، لكن لا أنا صاحيه ولا نايمه، لا هو الي فيني نوم وبنام وبيروح الشعور ولا أنا الي قادره أكمل يومي بشكل طبيعي، يعيقني عن كل شيء مفروض أسويه في لحظتها سواء أشغال أو تلبية احتياجاتي أو بمنتصف الوجبه، لأنه كثير صارلي يجيني وانا آكل أو بعد الأكل فأضطر أتسند للخلف وأنتظر إلى إن ربي يفرجها، والمشكله إنه مفاجئ ودايم يجيني بدون مقدمات أو حركة أصير عادي جالسه أو مستلقيه ويداهمني خلاص كأنه مغمى علي لكن عقلي واعي، ودايم أتمنى إنه يغمى علي وأرتاح لأن شعوره ومقاومته متعبه مره مره، الي لاحظته بآخر مره صارلي وهو قبل أيام؛ كان عندي موعد مستشفى الإربعاء والخميس وأعرف إن بعدها بدخل بنوبات دهليزية بسبب العوامل المؤثرة للدهليزي، فكيف إذا تعرضت لها يومين ورا بعض؟ واضحه النتيجه. تعبت بعد موعد الأربعاء وضغطت على نفسي عشان موعد الخميس ورحت ومعي دوخه قويه ودوار وثقل بالرأس وصداع كعادة الأعراض وفعلًا بدأتني النوبة مباشرة بالمستشفى صداع حاد مثل الضربه على رأسي "علمًا إنه الدوخه والدوار والصداع معي دايم بالأيام العادية" لكن مع المحفزات والنوبة تصير حادة وشديدة أضعاف الأيام العادية وكان باقي اليوم كامل هجمات من كل شكل ولون ومعهم هذا الشعور الي فيني نوم لكن أنا مب نايمه، وش الي لاحظته بذاك اليوم؟ إذا صارت النوبة قوية من ناحية الدوخه والدوار يجيني هذا العَرَض ويتكرر علي أكثر من مره في اليوم، فملاحظتي عنه هي: إنه يجيني مع الدوخه والدوار الشديدات، الي خلاص دماغي يقول خلاص قاومت الدوخه والدوار كثير ماعاد عندي طاقه ويبدأ يخبط وفعلًا يطفيني كأنه زر ستوب انضغط ووقف دماغي عن الشغل هذا تفسيري ولكن هل هو هبوط في الضغط؟ من تجربتي لا ماله دخل وقتها يكون ضغطي ممتاز وبكل المرات الي جاني فيه كان ضغطي تمام حتى مره من المرات ك��ت بالطوارئ للصداع وعملوا لي كل الإجراءات وعلى نهاية المصل جتني خفة الراس وتورطت😍 لأن كأنه إغماء لكن لازم أكمل طبيعية😍 شلون أخلي راسي صامد شلون بقوم للعربية👩🏻🦽 شلون بتحمل طريق السياره وبعدها انزل للبيت واصعد للغرفه باختصار كيف أوصل للسرير يا صعب الطريق له وهو الوحيد الي أحتاجه في هذه اللحظه لكن الوصول له صعب مره مع جسد خالي من الطاقة حرفيًا ما أقدر أشيل جسمي! فـ وقتها خلص المصل وعلاماتي ممتازة! الصغط ممتاز! لكن بداخلي أقول وشعور الإغماء؟ قلت لهم طيبه خلاص لأن محد يفهم أصلًا هذه الأعراض إلا الي عايشها لكن طوارئ؟ مب فاهميني ووش بيسوون لي؟ المضحك كانت مصد��مه من صداعي وتقول يتكرر عليك كثير ما يصلح كذا لازم تروحين مخ وأعصاب قلت أروح..قالت وضعك الحالي يتطلب الطبيب ارجعي له قلت توي جايه منه 😍 عادي تعدي هي انصدمت صرت أنا أهدّيها ههههههههههه الشيء الثاني أمي كانت تقول إذا دخلنا الطوارئ لا ت��ولين شقيقه دهليزيه قولي لهم صداع نصفي وبس لأن يروح الوقت وهم في حالة استنفار ويطولون المسألة وأنا مرهقه مالي خلق أو يجهلونها، فـ أقول عن الصداع أما خلل التوازن الدوخه الدوار ضغط الأذن أحتفظ فيها لنفسي، وش مشكلتك؟ مصدعه😍 الاضطراب الدهليزي علمني إن المشكله مشكلتي وحدي علمني الاستقلال الصحي وأنا لوحدي أتحمل كل الأعراض الي لها تفسير والي مالها تفسير، لو يجي أحد يقول لي هذا الدرس من قبل إصاباتي فيه كان ما فهمته لكن الان أعيشه وأفهمه تمامًا مافيه مختص قابلته كان بيده شيء هذا وهو مختص! فكيف بغيرهم من الناس
الحمدلله ❣️
بس
على الأقل
جربت الاستقلال
@InsideVM اختي بسالك صاير تجيني دوخه من الشقيقه وكأني ابغا انام فجأة بس صرت لما اقيس ضغطي احصله ٨٠ على ٦٠ يعني الشقيقه تسبب هبوط ضغط؟ ويجيني خفقان بعد مدري اذا منها