𝑨𝑳𝑺𝑨𝑰𝑨𝑹𝑰

الفقير لله .

[𝑨𝑳𝑺𝑨𝑰𝑨𝑹𝑰 @insr155]

البل عطـايا الله جزيلات العطا
قطاعة الفرجة طـويلات الخطا

معا ظـلام الليل ادل مـن القطا
سفن الصحاري والذكا بأذهانها

- علي بن بلال

[𝑨𝑳𝑺𝑨𝑰𝑨𝑹𝑰 @insr155]

كصاحبِ الحُوتِ مقطوعا به الحيلُ
إليك ألجأ وَأستجدِي وَأبتهلُ

مالي سواك معينا هاديا أبدا
أرشِد فؤادي فقد تَاهت به السُّبُلُ

وإنِّي لراضٍ بالقَضاء وبِمَا تشَاء
وعِندي يقينٌ أنَّ لُطفكَ يشمل

[𝑨𝑳𝑺𝑨𝑰𝑨𝑹𝑰 @insr155]

كبر قدر التراب اللي يضم الطيب المفقود
ونزل قدر المكان اللي تغيب عنه الغالي ..

[𝑨𝑳𝑺𝑨𝑰𝑨𝑹𝑰 @insr155]

وإلي جعل عصريّة الجمعة جواب السائلين
إني فقدتك فقد ما يوصف و لا يلحق مداه

عسى قبرك أوسع من حدود القسى واللين
وعسى الله يسقي ترابه بوابل غيمةٍ — ترعاه .

[𝑨𝑳𝑺𝑨𝑰𝑨𝑹𝑰 @insr155]

بدأ يعيش الخوف في قلب الشجاع
وبديت أمل من الحياة الفانيه

والمشكلة مدري متى يوم الوداع
ومدري متى يوم القطوف الدانية

لكن على طاري الضياع وما ضياع
أنا بديت أضيع ... مره ثانيـة .

[𝑨𝑳𝑺𝑨𝑰𝑨𝑹𝑰 @insr155]

للتذكير :
تراك تجاوزت ١٠٠٪ من أيامك الصعبة اللي توقعت في وقتها أنك ما راح تتجاوزها هل اقتنعت الآن أنك مو شخص عادي ؟
وأن كل الظروف ضعيفة قدامك، وفي نهاية المطاف أنت صرت أقوى وأكثر نضج وخبرة

[𝑨𝑳𝑺𝑨𝑰𝑨𝑹𝑰 @insr155]

يبي لي ثلاث سنين ماهي ثلاث ايام
على شان خلق الله بموته تعزّيني

يقولون مات وقلت في ملّة الاسلام
وقبل لا يموت بكم ساعه محاكيني

توفّى وخلاني لحالي ولا ينلام
لو الامر بيده خابره مايخليني

انا ماني بناسيه لو مر عقبه عام
لو اني اللي مت ماهو بناسيني.

[𝑨𝑳𝑺𝑨𝑰𝑨𝑹𝑰 @insr155]

سأبكيك ما فاضت دموعي فإن تغض
فحسبك مني ما تجن الجوانحُ

فما أنا رزءٍ و إن جل جازعٌ
ولا بسرور بعد موتك فارحُ

كأن لم يمت حيٌ سواك و لم تقم
على أحد إلا عليك النوائحُ

لئن حسُنت فيك المراثي و ذكرُها
لقد حسُنت من قبل فيك المدائح

[𝑨𝑳𝑺𝑨𝑰𝑨𝑹𝑰 @insr155]

أنا يالربع ماني بـ جازع ولا مبهوت
ولا أدور السلوان من سدرة الوادي

هذي قدرة الله ماحدٍ يجزع من الموت
لو أنه رحل بـ أبيض وجهه وأبيض أيادي

يا جابر يا شين البكيه اللي ما فيها صوت
هذي و الله اللي يمكن تطلع فوادي

له العهد فاللي عاد من عمري الموقوت
لـ أسولف من أسمه لين يرثونه أحفادي

[𝑨𝑳𝑺𝑨𝑰𝑨𝑹𝑰 @insr155]

لا انتهى وقت العزاء من يعزيني؟
الله يكفي شر ذا الوقت واحزانه

امتلا صدري كلام وفضت عيني
ما بقى في شي ما اختل ميزانه

طاح من جنبي حزاماً مجريني
انتهت نسبة رجوعه وعقلانه

[𝑨𝑳𝑺𝑨𝑰𝑨𝑹𝑰 @insr155]

بين تيار الظروف وبين خطوات المساعي
صرّح المسؤول عن حلمي بمفلاس الذخيرة

والليالي ما تفكر في هدويّ وأندفاعي
والقدر ينرد بالدعوات يالعين السهيرة

خابر إني قبل خمس سنين قد كنت أجتماعي
غير مدري وش بلاني في السنوات الأخيرة

[𝑨𝑳𝑺𝑨𝑰𝑨𝑹𝑰 @insr155]

دنياك لو شانت تراها مقادير
ما في يدينك .. غير حلم وقناعه

واللي انكتب رحمة ،وخيره ، وتدبير
واللي مضى ما يعود منه لو ساعه

وأصبر على المقسوم لو فيه تقصير
إما تزين او جعلها .. للقلاعه

[𝑨𝑳𝑺𝑨𝑰𝑨𝑹𝑰 @insr155]

ظني انه يسري العمر عامٍ بعد عام
و المحبة بالحشا ساريٍ مفعولها

يمكن انسى مع مرور الزمن كل الكلام
غير كلمةٍ في عيونك عجزت تقولها

[𝑨𝑳𝑺𝑨𝑰𝑨𝑹𝑰 @insr155]

من عف كف ومن تألم تعلم
ومن عاش بالواقع ماتغريه الاحلام

مايندم الساكت كثر من تكلم
ولايامن العاقل صواديف الايام

[𝑨𝑳𝑺𝑨𝑰𝑨𝑹𝑰 @insr155]

لاصرت ما تدري عن اوضاع دنياي
لا عاد تشره وينك اليوم غايب

ولا اني يارفيقي ب ساردٍ شكواي
شكواي لله واقفٍ على حيلي صابر

[𝑨𝑳𝑺𝑨𝑰𝑨𝑹𝑰 @insr155]

ليه انا دونك احس إني فقدت الاتجاه
الأوادم حولي وكني في وسط المقطعه

وليه كل درب يودي لك يشد الانتباه
وليه أشوفك في عيوني الجهات الأربعه

[𝑨𝑳𝑺𝑨𝑰𝑨𝑹𝑰 @insr155]

جعل يفدا صمودي نشدة الملقوف
لا نشدني سدودي وش خوافيها

غيبتي ماهيب غيبة قريب الشوف
غيبة اللي سلومه ما يخليها

[𝑨𝑳𝑺𝑨𝑰𝑨𝑹𝑰 @insr155]

لا على عيني « غشاوة » ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم ( تأثير واضح ) على مستقبلي

والحياة ، و مجريات التلاقي ، والوداع
خضت لي فيها تجارب وجيت بْما يلي

يوم فضّلت انعزالي .. على كل اجتماع
استرحت وصارت الراحة ألزم ما علي

[𝑨𝑳𝑺𝑨𝑰𝑨𝑹𝑰 @insr155]

ماهي بلحية صبر ياعبد الحليم
الوقت قاسي والهموم اتفرعنت

ولا في يديني شي والله العظيم
الله أمر والنفس للأمر اذعنت

ودعتك الرحمن يالحلم القديم
الحظ عاثر والظروف استلعنت

[𝑨𝑳𝑺𝑨𝑰𝑨𝑹𝑰 @insr155]

النصيحة الاولى والاخيره
اكتم كلامك بقلبك
محد فرق معه حزنك .

[𝑨𝑳𝑺𝑨𝑰𝑨𝑹𝑰 @insr155]

بدأ يعيش الخوف في قلب الشجاع
وبديت أمل من الحياة الفانيه

والمشكلة مدري متى يوم الوداع
ومدري متى يوم القطوف الدانية

لكن على طاري الضياع وما ضياع
أنا بديت أضيع ... مره ثانيـة .