نّايـف ..

..

[نّايـف .. @inx_730]

على طاري غلاك .. الله يمسي طلتك بـ الخير
ياحلو الليله اللي في ملامح وجهك .. اسهرها

وش اللي تاركه لـ الورد و الظبي العفر و الطير
خذيت من الوصوف اللي تشد العالم : أندرها

أشوف فـ عودك الصوره خيال ابعد من التصوير
مع اني فالخيال ان جيت اصور " ما تصورها "

جبرت الناس ؟.. من حولك تبنا فكرة التغيير
مع انك !.. ما تفكر في ( تفاصيلك ) تغيرها

عطاك الله عيون و مبسمٍ فارق و غير و غير
مزاياك العدي��ه !.. لو بعدِّد مقدر احصرها

[نّايـف .. @inx_730]

بعد صباح الخيير ..

هي طلة الشمس ولا طلتك أنتي !
ماعدت أميز وش الي بان لي توّه .

[نّايـف .. @inx_730]

يا لبيّك الحنونه يا وجودي منك يا لبيه
أنا لبيه عندي بـ الغلا والحب مرهونه

أعرف الحب لكن مستحيل استخدمه ترفيه
جعل ربي يهين اللي على اهواهم يهينونه

[نّايـف .. @inx_730]

يا وجه القمر جعلك فدا وجهها المملوح
لو إنك تشعشع ما تجي مثل غرّتها

تميّز عليك بـ عينها اللي تخطف الروح
و سیفٍ توهجر سلّته فوق جمرتها

و تميّز عليك بـ ليلها الأدهم المطروح
لا قامت تكفكف مخمله فوق هامتها

تماوج وراه و بان ضوح الضحى بوضوح
سـنـا خدّها بعثر غـيـاهـيـب ليلتها

[نّايـف .. @inx_730]

يـاشماغ الشوق وثياب الغلا وبنوقه
وياذعاذيع الهوى والهيل والعويدي

كلها في جادلٍ مصبوبةٍ مـنـتـوقـه
جابها الله يارفيقي مثل صبح العيدي

ردفها اللي كنْه سلّال الحزين وعوقه
صايرٍ بين النحر والردف مثل السِيدي

[نّايـف .. @inx_730]

الـوكـاد إني لقيت اللي على الغزلان قايد
ما لهذا الزين وصف ولا لهذا السحر غبه

اتركيني عند خصرٍ حوله تطوف القصايد
و عند قبه ما يضاهيها على الاطلاق قبه

لو غدت روحك مع الايام و انقسمت شرايد
ما أنت لاقي روحك إلا ، لا لقيت اللي تحبه

[نّايـف .. @inx_730]

كساه الخيال الشاعري ، قبل لايغريك
قوام الفروع ، الليّ من امعزّله يدرى

تذوب المسامع كل ماقال لي لبيك
وانا اذوب في شيٍ يطراّ ، ومايطْرا ..

[نّايـف .. @inx_730]

اقول نوّرت ، ولا جيّتك .. سرّت ؟
قلبً عشق وجنْتك مع طرفك الساهي

ألـطـف من الغيمه البيضا ليا درّت
واحلا من السكر اللي فـ اٰخر الشاهي ..

[نّايـف .. @inx_730]

ماني بـحـبـك شـوّي الا عـلـيّ الـحـرام
انك ( دواي ) و هـوى نفسي ومشهاتها ..

[نّايـف .. @inx_730]

يا مبـتدا النـور الاول بيـن ذيك الشفاه
تفدا ظهورك وجيـه الـعالم العـابسـه

الوجه من كثر ما الله زايده من ضـياه
شكيت بـ ان القمـر يمشي على اليابسه !

[نّايـف .. @inx_730]

" الولاء لعيونها السّود ، والخصر النحيل "

[نّايـف .. @inx_730]

مرحـبـا وجهك ، ويا ( لبيه ) ، وأثني له سلامي
المشاعر ماتبي منك ... سوى إنك ( تعذرها )

مشكله لا جا بـ يوصف لك مدى نورك ظلامي
صاحبك تاه بـ تفاصيلك ! وحاول ! ما حصرها

شايفك محصور في حسنك ، وأنا فيك مترامي
بعتبر إنك ( جزيره ) … وأعتبر إني ( بحرها )

[نّايـف .. @inx_730]

الغلا ما ياخذ الا . . معاليق القلوب
والعرب ما عندها الا ما عند قلوبها :)

[نّايـف .. @inx_730]

لذيذ المعنّق ليّن العود رطب الساق
هضيم الخصر عذب اللمى كامل الزينه

رعاه النسيم اللي رعى مزهر الاوراق
ومن أطيب بكور الوسم تروى بساتينه

تفرّع بخدٍ مستدير ونحر براق
وجديلٍ سرق من داجي الليل ثلثينه

وتمايل بعودٍ مابه الا عظام ادقاق
عليه الهوى لاهب رجّح موازينه :)

[نّايـف .. @inx_730]

حبيبتي والهوى شرقي وقلبي لعوب
انا نطحت الهوى كنّي مناطح جبل

ما يستفز الشعور ويستفز القلوب
الاّ أنـتِ وطلّتك و الـ Espresso دبل

[نّايـف .. @inx_730]

قالوا حبيبك يسمع الشعر قلت أيه
يقراه بـ عيوني قبل تسمعونه

لـولاه حـتى طـاري الشعـر ما ابيـه
مير أكتبه من شان خاطر عيونه

هو روح شعـري وأمنيـاته وماضيـه
جذع الشجر وش كان لولا غصونه

اكتب لغيره والقصايـد تجي فيـه
كن القصايد حالفه ما تخونه

متعب التركي

[نّايـف .. @inx_730]

ياللي عليك من الرضا والمشاريه
ما يختلف في حكمها كل قاضي

مرّه زعول ادناة حاجه تبكّيه
ومرّه تقول إنه على طول راضي

ارتاح من صوبي وقل ماتخفّيه
عمر الغلا ماهوب عمر افتراضي

( قلبي لغيرك شي ماهوب فـ ايديه
وأبعد عليه من السما لـلأراضي )

أبطى وهو قبلك يخمّه ويخطيه
وأقنعته إن ما كل لاعب .. رياضي

الناس من بعدك هلا وأنت لبّيه
الحاضر أنت وماضي الناس ماضي

لا تنشغل في غيرك الله يخليه
واليا ا��شغلت ابنشغل معك .. راضي

فاضي وابحاتي معك من تحاتيه
حتى لو إني كنت مانيب فاضي

[نّايـف .. @inx_730]

بعد صباح الخير ..

يا عودها .. وش قصة الارداف والخصر النحيف ؟
قدام اموت فـ حضنها والا انتحر فـ اكتافها

لا يبرد الفنجال وابلش به مثل بلشة حنيف
وآخذ بدل خمسة عشر فنجال بعض اطرافها

[نّايـف .. @inx_730]

صروح المراجل بذل يمنا وقوّ عزوم
واهلها بشوت المدح تزهى مناكبها

على منهج مطنّخ مواقف وفعل قروم
مـواقـيـفـنـا و فعولنا لا تـغـاربها

لنا فـ المعرفه وزعه وفـ السلوم س��وم
ولنا سمعةٍ ،، يفلج ،، نباها مـكـذّبها

خذينا التجارب من مجالس كبار القوم
قبل لا تعلمنا ،، الليالي تـجـاربها !

[نّايـف .. @inx_730]

« معك مـستـعـد ابـيـع عمري على اول سوم
حـيـاةً ماتكتب لـي مـعـك ما لـهـا خـانـه »