.

@iok_90

مُحب للشعر

نجد العذيه 📍

Joined September 2022

56 Following

139 Followers

524 Posts

Pinned Tweet

@iok_90

8 months ago

" معلقها على الله و يترقب ل الزمان الجاي و دار الحول ما خفْفْ عناه ولا ومن خوفه "

سـحم @sa7am_1

8 months ago

« لو ان الحب في مبداه مثل الحب في مبداي ما يترك عاشقه و يروح و يوقف مع ضروفه »

@iok_90

about 19 hours ago

وصل الكلام .. آخر حدود الميانة واللي تعثر قام واللي .. قسى حنّ مافيه احد ، يستاهل انّك عشانه تعيش راجي فضل وتموت ممتنّ ودّك ترجّع ، ( كلّ شيّ ) بـ مكانه بسّ المسير لوين والخطوة لمنّ لا خانك اللي كنت خوفه وأمانه بـ يخونك التعبير ويخونك الظنّ - محمد بن ماجد | @imoh656

130

@iok_90

about 19 hours ago

يالساكت ، اللي لا تعايش ولا مات ولا انتصر ولا رضى بانهزامه هذا الضجيج اللي زرع فيك الإنصات ما يذبح ، الا من يثير اهتمامه عط الوجع فرصة يطيب ، وعط الذات فرصة تعدّيك العتب والملامة يمكن يجي و يعيفك كلّ الاصوات صوتٍ يخاف انّه يكمّل كلامه رقيق ، لا رتّل عليك العبارات لبّس تجاعيد السنين ، ابتسامه يقينك اللي مابعده احتمالات و امانك ، انّك ما تحس بندامة حتى جروحه يوم يجرح سهالات من الجروح اللي ما تترك علامه يبشّرك بـ اخر فصول المعاناة و تبشّر ، ايّام العمر ، بالسلامة ما يستفزك غير ميعاده ان فات ولا يهمك غير يوم القيامة - محمد بن ماجد | @imoh656

983

@iok_90

2 days ago

من البارحه وانا انتظر حزة المنهاج لو الذكريات تحاصر القلب وتدكه اشوف المشاعر كنها زحمة الحجاج واقول المشاعر قدست بس في مكه ..! عشان النديم اللي عطيته وانا محتاج وعمرت حبه وسط قلبي واخذ صكه احنه من الزله ومن هرجة الهراج وابكي عيون اللي يقولون لي بكه ولاهوب شرط البعد يطفي الغلا الوهاج ابن عون كان مولع بـ طيره وفكه يا شين الوصال اللي يجي من وراه ازعاج خصوصاً مع اللي .. يفتح الباب ويصكه وانا اهون علي يقفل الباب بـ المزلاج ولا يتركه مردود .. في سده بلكه فراقٍ غلانا فيه اساسي وطلق حجاج ولا وصلٍ يجلس غلانا على الدكه لازاد العتب قل الغلا حسب الاستنتاج لو ان الغلا مثل السمن داخل العكه عزمت وقطعت الراي حين الصباح انباج وحصنت قلبي يوم وريته السكه مدام المرض تستخرج الناس منه اعلاج ابا استخرج الراحه من الضيق والتكه توادعت " انا وياه " منعاً لكل احراج ..! وحفظاً لـ ماء الوجه والخوف والشكه وداع السجين اللي بعد وصله امر افراج توادع مع اصحابه .. وقلبه يبى الفكه ..! - عناد الشيباني | @enadm1

iok_90's tweet photo. من البارحه وانا انتظر حزة المنهاج
لو الذكريات تحاصر القلب وتدكه

اشوف المشاعر كنها زحمة الحجاج
واقول المشاعر قدست بس في مكه ..!

عشان النديم اللي عطيته وانا محتاج
وعمرت حبه وسط قلبي واخذ صكه

احنه من الزله ومن هرجة الهراج
وابكي عيون اللي يقولون لي بكه

ولاهوب شرط البعد يطفي الغلا الوهاج
ابن عون كان مولع بـ طيره وفكه

يا شين الوصال اللي يجي من وراه ازعاج
خصوصاً مع اللي .. يفتح الباب ويصكه

وانا اهون علي يقفل الباب بـ المزلاج
ولا يتركه مردود .. في سده بلكه

فراقٍ غلانا فيه اساسي وطلق حجاج
ولا وصلٍ يجلس غلانا على الدكه

لازاد العتب قل الغلا حسب الاستنتاج
لو ان الغلا مثل السمن داخل العكه

عزمت وقطعت الراي حين الصباح انباج
وحصنت قلبي يوم وريته السكه

مدام المرض تستخرج الناس منه اعلاج
ابا استخرج الراحه من الضيق والتكه

توادعت " انا وياه " منعاً لكل احراج ..!
وحفظاً لـ ماء الوجه والخوف والشكه

وداع السجين اللي بعد وصله امر افراج
توادع مع اصحابه .. وقلبه يبى الفكه ..!

- عناد الشيباني | @enadm1

605

@iok_90

3 days ago

ضايق البال ما ينلام لاعلن رحيله يكفي ان الظروف تشن حرب الأباده واقع الي سعى لاحلامه المستحيله يمكن يموت قبل يبين موقف حياده النزيه يتسامى من دروب الفشيله لو ما يقطع ضماه و لو ما يبلغ مراده من مشى العز مع دمه فصيله فصيله ودك اسمه ليا من مر .. ما مر ساده ما لقيت أبعد من الغايه الا الوسيله وما لقيت أقرب من الحزن غير اعتياده ضحكتي كل ما زادت بنسبه قليله قالو الظاهر ان جرحك برا قلت عاده لو سنين أغترابي مرت بظرف ليله كان لبسّت الايام القديمه قلاده في ممر المطار اشوف نفسي قتيله هو ممر الشقى ولا ممر السعاده الغريب ان رجع من بعد غربه طويله يمكن يعيش غربه ثانيه .. في بلاده الطواري ليا مرّت بـ خطوه ثقيله رجعت ذكرياتي من شريط الأعاده اعذريني على كثر الوله .. يا جميله الامل كل ماقرّبت .. يبعد زياده ادري ان الهوى دايم هبوبه عليله بس منك الهوى يفتن لاذعذع براده الغلا مستحيل بيوم نخلي سبيله ليه لا ؟ والمحبه أكبر من الإراده مابرد حيل عاشق شاف فـ الوصل حيله لو على شهدك يعانق حروف الشهاده ان تبيّن جبينك .. من خلاف الجديله قلت ليت القمر ينزاح .. و تطل غاده - حمود بن فارس | @bn_mq7s

@iok_90

3 days ago

"سرى الليل وش غير الحماسه وابو تمّام نديم الورق ، والحبر ، والقهوه السادة بصدري كلام وفي خيالي وصل و اوهام لو اخير منهن ( دمعةٍ فوق سجّادة ) انا اكثر بشر تغريه الاحلام والاحلام يموت الولد من دونها ما ادرك مراده ! ما عاد ادري شلوني من الفقد والالام قعدت آتجنب سطوة الوقت وعناده يالايام .. وش باقي تخبين يالايام ؟ عسى باقيً من ديرة الوصل نشاده مضى عام عقبه عام واليوم ثالث عام ولازلت بقدام الطواريق وجداده يـ ماعذبك ( وانت تهب حتى مع الانسام ) ويا ما اقساك (وانت تغرب الشخص ببلاده) تكلّم .. تحرّك .. سولي شي .. انا منضام غدى السهر مهنه والتملل غدى عاده احبك بشر .. ماني بحبك من الاصنام علامك تضيم انسان تقدر على اسعاده تشوف الغريب اللي عدى لك وطاح وقام سؤاله وش اللي ينفعك من توجاده تحسب القصيد الهام ! والله مهو بالهام قصيدي شعورٍ ما عرف وش هي ابعاده كتبت ..، ومليت الارض شعر ووله وهيام ولا طعت فيك الناس .. والناس نقّاده مثل من ملى الدنيا لحون وصدى وانغام لو انه تشتت بين ( ورده ومياده ) .. من الشعر ماخلد بشر واستمر ودام ولولا (شعر ابن زيدون وش حجم ولاده ) لو اضيع بك من ضاع فيك انت ما ينلام وش اللوم ونفوس المحبين منقاده ياكم من صحيحٍ .. يقتله منك السلهام وياكم من مريضٍ .. منك والصبر مافاده لك قلاده .. ان حبيت صارت عليك حزام ولي الصبر .. لو نارك على الكبد وقاده .. يا كثر الفتن من غرّتك لاسفل الاقدام وجهاد الفتى نفسه (عليك اعظم جهاده) اشوفك .. وطن وتشوفني رحلة استجمام واشوفك عمر وسنين ماهي بمنعاده معي قلب واحد .. لو تقسمه خمس اقسام بحبك بكل اقسامه الخمس وزياده " - بندر الدويش | @bdweesh

682

@iok_90

5 days ago

عز الله ان الضيق واصل مواصيل والهم اشوفه حطني في عيونه عيونه الي من كبار الفناجيل جارت على قلبي وهزت ركونه ماهي عيون ام الرموش المضاليل الي جعلها الله علي حنونه ياحضكم بقلوبكم يامهابيل الظاهر ان الهم ماتعرفونه مايعرفون الهم غير الرياجيل لو انهم والله مايستاهلونه لاكن يكفا روسهم تالي الليل يدرورن النوم ماياجددونه احدن يحسب لليال المقابيل واحدن يحسب وش بقى من ديونه من قسوة الدنيا يحسون بالميل يصارعون الوقت ويكافحونه الصدر للاسرار والمتن للشيل والي يبونه مايطيحون دونه ان بانت الشده على بارد الحيل زادتهم الشده ثبات وخشونه على اللوازم كن يجرفهم السيل سلمن من الجدان مايتركونه مربحينن تاجر البن والهيل حافظ طلبهم من كثر مايجونه يذكرهم التاريخ جيلن بعد جيل الي بدم قلوبهم يكتبونه رغم الضروف القاسيه والغرابيل واجب على المطعون يجحد اطعونه راس الطموح يعانق الجدي وسهيل واللاش راسه ماتعدا متونه - وصل العطياني

533

@iok_90

5 days ago

البال ،،، مزحوم والافكار مزحومه قامت تداحم ماعاد اللقى لها راعي لو فيه احد ( يشتري له ) قلب بهمومه نوزع قلوبناا ،،،،،،،،،، جمله وقطاعي قدامك السوق واللي يعجبك سومه حنا مسويين ،،، تخفيضات ونراعي يانايم القلب جعل النومه النومه القايله ،،،، عانها صكت وانا واعي واللي ماجرب جنون الشعر مالومه يتركني مع الجنون ،،، اسنع اوضاعي احيان احط البحر ،، نصين واعومه واحيان ادف النجوم البيض بذراعي الحر مهما يحوم ،،، ويبعد الحومه ابعد مسافه وصلها تحت ميقاعي ياليتني ،،،،، في السما نجمن مع نجومه اضمن لك إن تطرب الجوزاء على ابداعي وسهيل ياخذ علومي واخذ علومه احسن من علوم ناسن مالهاا داعي اشوم عنها لو ان الكبد مقسومه انا رجل مستحيل اغير اطباعي تقدير للشايب اللي حافظ سلومه نصايحه كل يوم ترن في اسماعي ياناس قلنا لحوم الناس مسمومه الياا متى والخبول تصيح وتعاععي المستحي يستحي حتى من هدومه والخبل يسرح ويمرح بإسمه رباعي واللي تروح غفال تجيك ماسومه واللي عليها ووسوم اتروح امزاعي يافالح الراي احب اعطيك معلومه اليوم بعض اللحى ديكور اصناعي واللحيه اللي على رجال محشومه نحشمه مثل ابن حنبل والاوزاعي الطيب يبين فيه الطيب من يومه ترى مورايه ماتخفى على الواعي واللحيه اللي على زنديخ مظلومه ظالم بختها خبيث بالردى ساعي في غرة الغافلين مسلط سهومه يقتل مع القاتل وينعى مع الناعي جرثومتن ،،،، ماتقارن بإي جرثومه تحير الطب حتى الطب الاشعاعي - وصل العطياني | @alotayyani

911

@iok_90

6 days ago

انا مستعد اتخيل انك معي و اعيش مثل ما تخيلت الفراق و بغيت اموت - عناد الشيباني | @enadm1

209

@iok_90

6 days ago

سرى الليل وانا أرقبك يا بارد الذعذاع و صدري حزين و سيرة النوم مرفوضه ماغير اجتلد و أقوم و أهدّي الأوضاع ورغم الهدو أحس في داخلي فوضه اشك الجبال احيان ماهيب فوق القاع تقول انها بين السراجيف معروضه صدوف الدهر تأخذ من الراحه استقطاع مثل بنك الإنماء يوم يستقطع قروضه أنا فاقد من ضلوع صدري ثلاث ارباع و نفسي من اللي شفت ماهي بـ محظوظه ياوجدي على عمر فقدته و حلمٍ ضاع ومن ضاع حلمه مستحيل احدٍ يُعوضه ياليت الزمن نقدر نسوّي له استرجاع لكن دبرة الله فوق الإنسان مفروضه سمحنا من اللي عايش جو الاستلكاع و عقليته عقلية الطفلْ ف الروضه ما ندري طويل لسان ولا طويل ذراع اليا صار ف أعراض البشر يعلن عروضه قواعد سلوم الناس من راي و استطلاع عسى من سعى في كسرها ينكسر حوضه اشوف الجفاء يشرى واشوف الجميل يباع وانا اخاف بكره لا يصير الردى موضه :) - جراح العتيبي | @AL___9999

@iok_90

6 days ago

يالبيه يـ إللي من سبب ضحكة محياك يصير الحزن .. لـ مواجهي مامعه قدره جمالك مسبب في جمال الجميع ارباك مع انهم .. مغن الزين لكنك ( الندره ) سواياك ف الحساد من فضل من سوّاك مخلي كيانك فوق و اهل الحسد حدره وجودك معي يلغي تواجد هذاك و ذاك ولا عاد يطري لي وفاء غيرك .. و غدره طبيعي من يخاوي طيوفك هنا : وهناك يشيلك ف عينه مثل ما شالك ف صدره من المستحيل ارعى لي إنسان ما يرعاك لو انّ اقرب العالم .. يمسك نزل قدره وش الصبح كان الصبح ما جاب لي طرياك ووش الليل ؟.. كان الليل مايكتمل بدره يهون العمر لـ الجيد الاتلع و عود الراك وعلى ثغرك اللي منه يقطر عسل سدره عساني فدى لـ إحساسك الواثق الشكاك وعساني فدى لـ عيونك النعّس الخدره يضيع الشعور اللي مايكتب عشان رضاك مثل ضيعت المعروف ( ف العالم الودره ) - ناصر بن مفلح | @nassre_

@iok_90

6 days ago

من مجريات الوقت لادارت رحاه صرنا نحسّ ان الطمأنينه كمين حتى الحزن يبي من الواقع نجاه ما يزبن إلا ، في صدور الطيبين ! اللي عيونه ماتشوف إلا .. عناه ماعاد يثر في محانيه .. الحنين من صدّ عن غاليه .. لا بيّن جفاه يقدر يصدّ مُن الملاّذات اجمعين نتيجة الخذلان يا ظبي الفلاَه تلويحة كفوف ، و بقايا راحلين اللي عطيناه الثقه .. ربي عطاه فرصه وحيده ماتكررها السنين حنّا ثقتنا غاليه .. مثل ( الحياه ) ماتنعطى للشخص نفسه مرتين - فيصل بن نمّاس | @faisalnmaas

931

@iok_90

7 days ago

خابرك ليل.. وأنسامك قديمة عوايد والمداهيل تنشد وأنت صمتك جُبلة ما مضى لي وراك إلاَّ يدين الشدايد وحاجةٍ بين شرهة خاطر، وبين خِلّه! البدو داخلي شدُّوا.. وعادوا فرايد وأنت يا كثر وُجهك ف النجوم المطلة كلَّ ما مرَّ سِرب من الظباء قلت: قايد وكلما مال غصن من الشجر قلت ظله فيك ما شدَّ روحي -فيك- غير الرغايد والمشاريه، وأطراف الحديث المقلة كني أمرَّ صوتك.. وأنت صوتك طرايد لين تسكن [ولَع] وأسرق من الوقت جُله! لو تريَّثت، ما هدَّ الجبال النوايد ضحكةٍ تسرق من الليل نور الأهله! رد وُجهك.. وأسخّر من الأرض كايد هات عذرك وأهيّل لك من الصبح دلّه! ودِّي أنسج لك من أبيات شعري قلايد ودِّي ألبّسك من نفحة الطيب حلة! جيت ما كنَّك اللي غاب -والشوق عايد!- غبت ما كنك اللي جيت -ب الشوق كله!- يوم لاحت بروقك واستثارت الوعايد كيف مرَّت بنا عوج السنين المخلة؟ طارقٍ بابك من العام ﴿طَرَق الشهايد﴾ وأنت واقف على باب الزعل دون زلة معي لأجلك كثير أشياء وحقّ، وقصايد ما تبي خذه -واللي ما يناسبك خلّه! - محمد السلطان | @9jilq

@iok_90

7 days ago

تجلت ملامح غرة تجلي الديجور من ينام ليلة قام فيها البدر بدري عسى كل يوم يجيبها سَرْمَدي النور وإذا الليل وياها عسى الليل ما يسري هنوف خطاويها على المسك والكافور ربيبة دلال وفارع وعودها مبري لقاها يخَلّي خاطر المكتئب مسرور ونداها يخلي كل رشّة مطر تغري تمنيت لو عطري من الجاعد المنثور ومن خدها قوتي ومن ريقها خمري زهى في ترايب نحرها وادي البلور يسيل الشفق في تربته والذهب يجري على جيدها لو ذاب سلسالها معذور أنا يوم ما أكتب فيه الأشعار وش عذري تقول : أنت شاعر ؟ قلت للفاتنات الحور تقول : أنت عاشق ؟ قلت لمعنق العفري أنا والقصيد وقلبي المنهي المأمور فدا قالت أنت إنسان مجنون قلت أدري وش يرد عقلٍ في غرامك غدى مسحور أنا شفت لي شي على البال ما يطري فتني بهاك ولا على الفاتنات قصور أسرني هواك ولا أعرف وش يفك أسري على الروح صرتي كتك الحاجب المنصور يا مستولية { زهراي } ردي علي قصري معك كم تمنيت الدقايق تكون شهور دقيقة معك عن كل ما فات من عمري تقولين طرفك هام في عقدي المغرور أجل كيف لو شفت القلادة على خصري مفاتنك مسرح حسن وعيوني الجمهور تصفق لها نبضات قطعة ورى صدري عطيني وعد لو كذب يشعل بصيص النور وإذا قلت : وينه ؟ ماطلي فيه وأعتذري أحبك وأشوف إن العمر في مداك يدور حنيني على لقياك ما يسعفه صبري عسى الليلة اللي تفرش أحلامنا بالدور سماها يتوه الفجر عنها ولا تسري - سعود مهدي

@iok_90

8 days ago

اثر المعارك مهي دايم بخشم السلاح اشد من خشمه الفتاك خشم الظبي - سعود خضير | @saud3660

172

@iok_90

10 days ago

على لساني كلام و جوف صدري بحور بحورً من العطش لا تروي ولا تبل صدورنا [ فايضة ] و رْحيّ بقعا تدور والله ما يامن صدوف الوقت غير الخبل سود الليالي تحفّر للسعاده قبور هدت ضلوعي و حطت للهموم سطبل موردات الهموم اللي تفج النحور اللي لو تواجه طويق المسمى ذبل الوقت كـ السيل مال السيف فـ الوقت دور لو كان بـ السيف كان اخذت حقي دبل لكنها بـ الصبر .. والله يعين الصبور اللي فـ عينه سهاد و فوق صدره جبل - سـحـم

سـحم @sa7am_1

11 days ago

صدورنا [ فايضة ] و رْحيّ بقعا تدور والله ما يامن صدوف الوقت غير الخبل - سـحـم

992

@iok_90

10 days ago

الشاعر المبدع .. يشد المبدعين اللي من الحكمه .. تخط انامله مثل الخَيّال .. اللي يسر الناظرين صامل .. وهقواته بعاد وصامله ماحترت فالشعر المجمل من سنين بيني .. وبينه معرفه .. ومزامله اعامل بطيبه .. جميع ( الطيبين ) واللي ماهوب اللي مانيب اعامله ترا الردي .. عرفه ضياع ونقص دين ماهوب مثل المسك واللي حامله ولا انت ياللي نص نص : وبين بين ماجيتك تخلص .. غرض ومعامله خابرك كان الوقت شين او كان زين هامل .. وتتبع لك وجيهن هامله ماعندك الا !.. ذكر فعل الميتين ومجامله ؟.. ماعاد فيه مجامله خساره .. اكتب فيك كلمه كلمتين وشلون اسوي بك قصيده كامله ؟ - ناصر بن مفلح | @nassre_

@iok_90

11 days ago

واقلبي اللي ممتلي رهبه وخوف يا كم تكاسل للحياه وكم نشط على كثر ما واجهته من الظروف من رحمتك يا رب عمره ما قنط ماعاد لي في سالفة عمري شفوف امرّها مرور من مرّ وفقط من اول أحط النقط فوق الحروف واليوم خليت الحروف بلا نقط ماكل صح يجنّب الناس الحسوف الصح في الوقت الغلط يطلع غلط تقول في راسي ترزام القنوف يا ليت في قلبي شعيبٍ منبسط ترى المسافر ما يمل من الوقوف الا الوقوف اللي على سير الشنط وترى الكتب للناس ماهي للرفوف وترى الكريم اللي ليا اعطى ماشرط الحب ما فيه اقوياء ولا ضعوف فيه القلوب تصير قلب وتختلط يا سيّد الباقي من اداب الوصوف عيونك الفصحى وانا شاعر نبط اللي على عنقك من اللولو يطوف والله لو انّه من احساس انفرط على السمار اللي من البيض امخطوف والا على عودٍ من الله منربط ان كان قلبك لا يحن ولا يروف تبنا من الجد وقلبناها عبط - ناصر مناحي | @Nmnaa7y

@iok_90

11 days ago

يا بسمة العمر دام إن الأمل له شعاع لاتتركين .. إبتسامة عاشقك ( تنسرق ) ما عاد عندي طريق .. إلا طريق الضياع من يوم حطتني الفرقى .. على مفترق ! الصلح مرغوب ب القدره و ب المستطاع نبي لنا !... حل يرضينا ( بـ كل الطرق ) ف الذاكره صوره و ف الصدر مثل النزاع اخاف !.. حتى ( شريط الذاكره ) يحترق بكيتي و شفت في وجهك ( رسالة وداع ) الدمع مثل الحبر .. و الخد مثل الورق إللي يحبك .. يجي له فيك " حب إطلاع " أنا أول إنسان في حبك .. يحب الغرق ! العشق لا صار نقطة ضعف عند الشجاع وشلون يقوا على ألطف بنت و أنعم و أرق تطرين .. و تصير لهفة خاطري بـ إندفاع و أعيش في حاله من الشوق و من الأرق تعالي !.. و حقك إن عاتبتي " الأستماع " ماهوب لازم على شان ( الزعل ) نفترق شعور قلبي على .. شوف العيون الوساع عزالله !.. إنه على باقي المشاعر ( فرق ) - تركي بن جويعد

@iok_90

19 days ago

مرَّ يوميْن.. وجروح الحبايب مقيمة والمساري طوال وعابث الجِفن غاوِي يا أكثر اللي سكن فيني جمايل وشيمة بارِقك شدّ.. والسيل المبدَّى سناوِي جعل يسقى ليَالينا الملاح القديمة يوم كان الهوَى بين الرِّضا، والرجاوي صوتك اللي عطى كلّ المشاوِير قيْمة كيف شذَّت عن حقوقه كبار الهقاوي ناوي البال ما لي في البسيطة وِسيْمة غير جرحٍ نحَى فيني.. وقلبي نحاوِي! وجهك أرقّ من صوت النديم لـ نديمه وجهك الغيم والماء والهوى والحراوي لو يعاودني أسوْق المعَاذير ديمة لو يناديني أعوِّد رقيق وسماوِي لو تحايلت فيك وجِيت صوت، وعزيمة فزّ بين الضلوع العوْج: حرٍّ نداوي! ما بقى للعرب غير الديار الوِخيْمة! ولا بقى لي سوى غصنٍ عليه المناوي.. عاقدٍ نية الميراد في صدر غيمة والظمأ في مداهيل النشامى حداوي تاركٍ خلفي الدنيا وأهلها ظليمة.. أتردَّد وأقول: إني على البعد قاوي! وأتعرَّض مشاويره.. وشرهة نسيْمه وأنطح الضيق وأحدّ اللَّيالي: فداوي كلَّ ما حطَّت ركابي على البِيْد: خيمة جيْت جيَّة كريم.. وغبْت غيبة حيَاوي آه من حاجةٍ فيها المسَاعي، غنيمة وقَّفت دونها سِرْبة رجال، وعزاوي.. بس أنا نفسي أعلى من مقام الهزيمة ما تنازلت عنها لو ضميْري خلاوي.. قد تردَّدت بين الحقّ فيك، وصميْمه قبل لا أطيح في غفلة هدبك متساوي يأخذ القلب ويذبّ الوَعر، والخريمة كنّ قلبي معه ما له عروق.. وعراوي! كلّ ظلٍّ غصونه في حضورك كرِيْمة ما أرتوَى وأنت في كل المشارِيه راوي وادي الذلّ شرَّاب الهوى.. ما يهيمه لو يعوِّد بعد بِيْض الليالي: جلاوِي كنت للشعر، وأنفَاس الوِصال، ونعيمه صرت عرقٍ تحت صدر المسافات ذاوي لا تعذَّر بـ موت إحساسك، وفي هشيمه.. والمسرَّات عجلى مثل عجْل الخطاوي لو تقول: الظروف كبار، وأرضي محيْمة قلت: أنا عارف إنك من نهارِين: ناوي! - محمد السلطان | @9jilq

.

@iok_90

Last Seen Users on Sotwe

Trends for you

Most Popular Users