ٰ

[ٰ @irsl_]

عاد لاتشره على خطّي ورعش أطرافي
واحدٍ كنّه وهو يكتب .. يخيّط جروحه.

[ٰ @irsl_]

لاتحسب اني فـ البُعد بنسى غلاك
لا والذي له النفس مردوده.

[ٰ @irsl_]

ياللي على الليل الضحوك اكتب هواه
وش لي معك غير التمنّي والسهر ؟

[ٰ @irsl_]

غلطان من بالهوى يصبر على جفاك
ومسكين من بالهوى تنوي صدوده.

[ٰ @irsl_]

عجْزت عيوني على غيرك تمون
ماعرفت أنطق لغيرك بالسلام.

[ٰ @irsl_]

أحبك كثر ما ماتت على البيبان لي رجوى
تدق أبواب غفرانك إلين انشلّت إيديها.

[ٰ @irsl_]

أحبك، لو أعذارك ما هي تقنع الكذاب
أنا الصدق بعض أحيان ماودي أدري به.

[ٰ @irsl_]

العوض من مقفي الوقت مقبّلة الليال
جعل سحب الوصل تقبل تلوح بروقها.

[ٰ @irsl_]

ما سكن غيره خيالي والغلا ماهو لغيره
واحدٍ لا من طرالي جاب طاريه المسرّه.

[ٰ @irsl_]

على مشراف ذكراي القديمه..يا غيابه ناد
تراي أحتاج أشوفه لو طريقه صعب لاقدامي.

[ٰ @irsl_]

ليت ما يعوق الوصل اية ظروف
لا مسافه لا اختلاف ولا عذر.

[ٰ @irsl_]

لا يشغلك خوفك،أنا حتى الجفاف
ما غيّر أطباعي و غيّر شيمتي.

[ٰ @irsl_]

مابقى عقب وجهك وجهٍ أخشى وداعه
وين أبلقى بعدك اللي يرمّم حطامي ؟

[ٰ @irsl_]

الحنين اللي على عيوني تشوفه
ماعطاك أكبر دليل إني فقدتك ؟

[ٰ @irsl_]

ما هداك الله على قلبي تحن
وما طرالك يا بعد زولي تزور ؟

[ٰ @irsl_]

ليت الليالي في غيابك ماتطول
يوم الليالي في وصالك قصّرت.

[ٰ @irsl_]

هات مساء الخير معك و تعال
أنا من البارح أجهز لك النور.

[ٰ @irsl_]

خذني على قدّ الوله ، واشتياقي
ترى الكرم بالحب حاجه عظيمه.

[ٰ @irsl_]

ليتك تجي مع جيّت الغيم وأقول
قرّت عيون السماء و قرّت عيوني.

[ٰ @irsl_]

مجيّك مثل غيثٍ تلافت له الأنظار
سقى روحي الجدبه و حوّل على الريّه.