Islam Moustafa

[Islam Moustafa @islaammoustafa]

و لا مره كان سكوتي علامه رضا

[Dawlat; @Qveenism]

شوفوا الـAI ممكن يعمل أي حاجة، لايك أيييي حاجة، ماعدا إنه يكون بيمتلك عمارة وبيلم إيجارها كل أول شهر. هو ده المستقبل الحقيقي

[شلبي @IsShalaby]

هتعلم جرافيك ديزاين "ياسطا الai خد شغلك"
هتعلم UX/UI "ياسطا الai هياخد شغلك"
هتعلم video editing "ياسطا المجال مليان"
هتعلم software engineering "ياسطا الai هياخد شغلك"
ياعم ربنا ياخدك انت والai

[إيما @_6lXl]

والله يشبه شكلك لما يكون عندك إصرار على التغيير بس انت تحاول في البقعة الجغرافية الغلط

[Amro Mostafa @amro_amroz]

البؤس الحقيقي مش الغلاء والوضع الإقتصادي الصعب جداً ومعاناة اغلب الشعب،
البؤس الحقيقي هو ان ال بيكلمك عن المعاناة دي هو عمرو اديب وابراهيم عيسى!

[LAM @e0liit]

فاهماك يا اياد

[Mounir Khalifa @Mounir74khlifa]

الدور الي بيلعبه إبراهيم عيسى الآن :

عندما تتدهور الأحوال المعيشية ويحس المواطن البسيط بالضيق والإختناق ، وخوفا من تفجر الأوضاع، يسمح النظام بنقد موجه ومسيس لإمتصاص غضب الناس وتحويل الاحتقان إلى مجرد تفاعل كلامي ومشاهدات سلبية .
وردود أفعال الناس على فيديوهاته ، يعتبر مقياس للدولة لمعرفة حدود صبر الشارع والمواضيع الأكثر حساسية لدى الناس مثل الأسعار والخدمات حتى تقدر تقدر الموقف وتستبق بتعديل بعض السياسات الخاصة بالموضوع .

وأحسن واحد يقدر يقوم بالدور دا ، هو إبراهيم عيسى
لثقافته الواسعة و إستعماله لغته بسيطة تقدر توصل لكل أطياف المجتمع .

إبراهيم عيسى لا يقل خطورة عن حسنين هيكل الله يرحمه .

[مزجنجى @elnggar_saeed]

مين اللي طالق عمرو علي النظام المصري دلوقتي ؟! و لية ؟!

[Omar @omarsays_]

ايه شعور المواطن الاوروبي وهو مش مضطر لما يكبر يفكر هيهاجر فين عشان يعيش كويس ؟

[spinal man @Mahmoud59247485]

أكبر خدمة تعملها ف نفسك إنك تحاول تهدي الريتم شوية ؛ تصلي بهدوء ؛ تاكل بهدوء؛ تقرأ وردك بهدوء؛ لازم نبطل السربعة في كل حاجة دي ؛ هو احنا بنجري كده ليه ؟

[noah.jpg @NuhJouseff]

فرق توقيت

[رشدي @realroshdy]

محدش فاهم انا موضوع العمر اللي بيعدي بسرعه ده مضايقني ازاي

[alexx @freemeeee21]

تخيل بعد the odyssey و spider man تدخل فيلم محمود التاني
عايزة اغسل عيني من اللي شوفته بجد

[أَحْمَد @Theunknownahmad]

مفيش حاجة تكرم بيها نفسك أكتر من إنك تهدى، تصلي بهدوء، تفكر بهدوء، تاكل بهدوء، تنجز أعمالك بهدوء، موضوع السربعة الغير مبرره دا لازم نبطله،لازم نفهم احنا بنجري ورا ايه هنلاقي انه اللاشيء.

[عَابدِين @its_abdeen]

هواري من سنين فاتت، وهواري لسنين كتير جاية.

مبدع فشخ، وفنان عظيم بكل ما تحمله الكلمة من معنى، من أكتر الناس اللي موهبتهم بتخليك تستغرب إزاي حد ممكن يبقى عنده الحس ده كله، وإزاي الموسيقى بالنسباله تبقى سهلة وبسيطة بالشكل ده.

من وجهة نظري، هواري كان ولازال أهم فرد في باند كايروكي، مش مجرد موسيقي شاطر أو حد بيعرف يعمل لحن حلو، لأ.

تحسه عايش جوا دماغه في عالم تاني، بيسمع الأغنية قبل ما تتعمل، وبيدندن أفكارها بكل سهولة، لحد ما يحوّلها لحاجة فيها روح وشخصية وذاكرة وإحساس، ودي في رأيي واحدة من أعظم مواهب أي موسيقي.

والأهم من كل ده إن فنه له بصمة، تسمع شغله فتقدر تحس إن ورا الموسيقى دي عقل معين، وذوق موسيقي له شخصيته، ودي مش حاجة سهلة خالص؛ إنك تبقى قادر تعمل موسيقى حلوة دي موهبة، لكن إن يبقى ليك صوتك وبصمتك الخاصة وسط كل اللي بيتعمل حواليك، دي حاجة أكبر بكتير.

هواري مش مجرد جزء من نجاح كايروكي بالنسبة ليا، هو واحد من أهم الأسباب اللي خلت للمشروع ده شكل وصوت وروح مميزة، وموهبته من النوع اللي الزمن مش بيقلل منها، بالعكس، كل ما تسمع شغله أكتر وتبص على اللي عمله على مدار السنين، تستوعب أكتر قد إيه الراجل ده فنان.

شريف هواري فنان عظيم. عظيم فشخ.

[As told by Abdallah. @TheRealSadek]

حياتي اتحسنت من ساعة ما بطلت احاول ابقى ناقد سينمائي وبقيت بدخل الفيلم واطلع اقول عليه جامد او وحش وخلاص

[Khouly @MuhammadKhouly]

أول ما خرجت من القاعة بعد ما شوفت "The Odyssey" لقيت حواليا من كل حتة بوسترات لـ "خلي بالك من نفسك" و"شمشون ودليلة" و"صقر وكناريا"، وحسيت إحساس اللي هو لماذا نحن هنا بجد.

دخّلوني القاعة تاني أرجوكم.

[Hazem @Hazem_5aled]

مابحبش حد يلومني على حاجة انا ندمان عليها اساسا انا كدا كدا بلوم نفسي فا مش محتاج انت تيجي و تزودها
الله يسترك خليك في حياتك

[STITCH 🇵🇸🩺 @Ahmed_ab_saber]

جوده الحياه في مصر بشعه فشخ
انت عايش في مكان انك تكون معاك عربيه فيه بقيت رفاهيه مبالغ فيها والجواز اللي من بديهيات الحياه بقي يتعامل علي أنه إنجاز كبير والشعب اللي كان من اكتر الشعوب اللي بتضحك ودمها خفيف بقي كلهم ماشيين مكشرين وشايلين الهم
تقريبا دي أسوأ حقيبه في تاريخ مصر

[Mustafa Hosny @MustafaHosny]

يا رب احمل عنّا ما عجزنا عنه.. وهوّن علينا كل صعب.. ووسع أرزاقنا وبارك في أعمارنا.. وأصلح ما فسد فينا بقدرتك يا قدير