فعلًا مليون بالمية
دائمًا الشخص اللي ما فيه ذرة نضج يعتبر هذا الشيء تهديد، أو شيء يمس ذاته وشخصيته وانتقاد له هو مو للفعل، ويحاول يقلب الطاولة عشان بس يثبت لنفسه الهشة أنه على حق - ولو بشكل كاذب -
عمومًا أتوقع هذولي العينات ابتلاء من الله
هذي الفترة وصلتني لقناعة ذهبية وهي كالآتي :
اللي يبي يشوفك بنظرة كويسة بيلقى أسباب كثيرة، واللي ما يبي يشوفك بنظرة كويسة لو تجيب له الشمس بكفة والقمر بكفة بتكون كل جهودك هباء
لذلك يا إنسان لا تحاول تثبت قيمتك لأحد، المحبّ -حقًا- يخرج أفضل ما فيك، وينظر لك أفضل نظرة دون أدنى جهد
مرّات يجي شعور إني عايشة بزمن غير زمني
وش بيضر لو كنت في العصر الأندلسي واتكي مع ابن حزم ونتكلم عن الحبّ وهطوفه
وأتأمل جمال الأندلس ونقوشها والفن المعماري
وكل ما زانت الجلسة رحت لقصر الحمراء وتأملت عز الإسلام والمسلمين
أخوي الصغير قال لأبوي خلنا نتسابق قال أبوي طيب إذا سبقتك وش لي قال بعطيك ٦ ريال قال خلاص وإذا سبقتك بعطيك ٦٠ ريال
وسبقه أبوي وقال يلا وين الستة قال أخوي بالله عليك أحد يسبق أبوه ؟ أنا خليتك تسبقني
مؤسس التصريفات السليمة 😭