"اللهم أنَت ربِّي، لا يخفى عليك ما في قلبي، فاللهم طمأنينة منك، وغنى بك .. يارب أعوذ بك من ضيقة القلب، وشعور لا يُشكى ولا يفهم .. اللهم أرِح قلبي بما أنت به أعلم، ولا تجعلني أشكي لمن لا يخشى عليّ من حزني ..
اللهم إني أُفوض دنياي كلها إليك"♥️
أنا مش هعافر في حاجة تاني، اللي ليا نصيب فيه هشوفه، ويادوب هعمل الجهد اللي يريّح ضميري وبس، لكن مش هضغط على نفسي ولا هتحمّل فوق طاقتي ولا هسعى لإصلاح الكوكب كُله لوحدي، كفاية بقى فرهدة ومُعافرة على الفاضي.. الواحد حرفيًا ضيّع من عُمره كتير في الولا حاجة!
أواسي نفسي دائمًا بأن الخير فيما اختاره الله، وأنني مأجورة على صبري وتحمّلي، وعلى ظروفي الصعبة، مأجورة على حزني وقلة حيلتي، ومأجورة على الرضا في الأوقات الصعبة.. أواسي نفسي دائمًا بثقتي في الله، ويقيني بأنه سيعوّضني عن كل شيء.
أنا حالياً في مرحلة اسمها "مش عارفه" مش عارفه استنى ولا امشي ، مش عارفه أنا كويسه ولا لأ ، مش عارفه أخد أي قرار في حياتي ، مش عارفه أفكر ، مش عارفه أنا عايزه ايه ، مش عارفه أصلاً كل اللي أنا فيه ده ليه ، إحسَّاس مؤذي الحقيقه ومخليني مش عايزه أي حاجة غير إني أختفي..أختفي وبس
الحياة مبقاش فيها وقت ولا نفس إنك تعمل حاجه غصب عنك ، أو تقبل وضع إنت مش مرتاح فيه ، لازم تغير أي حاجه مش مرياحاك ، و متقولش مضطر أو ظروف ، متجيش علي نفسك عشان خاطر حد أو حاجه أو وضع مش مريحك ، حتي لو هيحصل إيه ، دي حياة واحدة و بتتعاش مرة واحدة.
الفكره كلها ان قلبى مبقاش فيه حيل لاي حاجه مزيفه خلاص ، لا قادره اقعد قعده مش مرتاحه فيهااا ، ولا اشيل شيله مش بتاعتي ، ولا احب حد مش مقدرني ، ولا اعاتب اللى مش مهتم بزعلي اصلا، ولا اتكلم مع حد مش طيقاه ، ولا اجي ع نفسي اكتر من كده .
عرفت إزاي أنسحب بالتدريج و أقلل تعاملي مع أي حد قليل الذوق أو طريقته مش كويسة معايا،،
مبقتش بقول أنا متضايقه من كذا بقيت بقلل التعامل بس،
"عشان إحنا مش هنغير الناس"..
ف مرحله كدة ف العلاقات بنسميها الفصلان إن ال قدامك يكون إستنزف كل رصيدة من الحب والفرص عندك ودة هتبدأ تلاحظه لما تلاقى نفسك بقيت تستخسر فيه العتاب وتدريجياً وجودة ف حياتك بشكل كلى مبقاش يفرق لا بخير ولا بشر من كتر خزلانه قلبك طرده من جواه ومستحيل بعده يحصل اى تراضى مهما حاولت 🫴