🦌*

[Angel @asay4l]

المعاملة الملكية والدلع
Best thing a man can do

[ّ @3illi1_]

ماجرح قلبي ولا هزّ الفراق احساسي
ذكرياتي معك أنا نادم على مجمَلها

لا تعاتبني ليا من صرت مثلك قاسي
غيّرتني مجريات الوقت ، وأنت أوّلها

[سَاره @saarr_4]

اتردّى ليه ؟ و انا مقدّر و محسوب
وليه ادقق فالخطا و الصدور مشرّعه؟

كلّ زله تطمر الدرب اعرّضها الهبوب
كني اغضّ البصر ، عن هنوف مفرّعه

- جلال العطياني

[Joory M @ThereAljoury]

أرتوي من عز نفسي و إنفرادي
ولا سألت الغيم عن برق ورعد

غيمتي راسي و مرباعي فؤادي
وما يقل الفيض لو طال الأمد

في غيابي بأس و عنادي بلادي
وفي حضوري يغتـرب مني بلد

رافع قدري عن قصار الأيادي
فوق عرشٍ ما يطوله أي أحد

من بغاني سقت له عذب الودّادي
و من تركني قلت له .. درب السعد

[مُـنـى / @meix49]

الإنسان اللي يعرف قيمة نفسه
إذا ما حصل له مكان رحب وصدرٍ يقدَّر غلاه
يختار البُعد بصمت شامخ
بدل لا يلاحق سراب المشاعر ويذّل نفسه
في سبيل الوصل

قيل في سياق ذلك/
من لا يعدّك ربح ، لا تعدّه خساره
وأرفع مقامك عن هوى كل منّان

الطيب فينا ما نبي له تجاره
اللي يبي الفرقى له الدرب عنوان

[أنا @raiil66]

«ما غير روح التحدي في عروقي تفوح
قوة صمودي على جور الزمن خارقه

هذا و أنا عزتي دايم قبالي تلوح
لين اصبحت في حياتي ميزةٍ فارقة

أرفض شعور الندم و أرفض طمان السفوح
لو كان فيه الحياة غصونها وارقه »

[🦌* @it__80]

كل حلم فاتني بالأمس وصّل له سلامي
ما على الفايت حسايف والندم قصة قديمة

أدري أن الحلم لا منّي عطيته إهتمامي
صار حلم للجميع وصار له معنى وقيمة

الخساير في حياتي ما تنزّل من مقامي
انخلقت بقلب طير وروح ما ترضى الهزيمة

[منيره المطيري @Mutairiwe]

يدور الزمان ويظهر الفرق بين الناس
ويمكن يضرك واحـدٍ ،كنت تاوي له

عداوة شريف ولاصداقة ردي الساس
تثق فيه ، ويعاملك بالغـدر والحيلة

[منيره المطيري @Mutairiwe]

ماني على تبرير الأحداث مجبور
و ماعاد عندي للتخاطب وسيله

برحل و دنياك الدنيّه تبي تدور
وتقول ليت الأرض تنبت مثيله

بـ تفقد اللي يفقدك بين الحضور
وتبحث عن شعوره بـ قصه بديله

فقد الأحبّه ما تعيشه على الفور
باكر تفوق و تجني أردى حصيله

[‏ِ @2lhajri__]

هقيتك تعتذر وتجي تراضيني وانا دمّاح
يازين العذر لا جاء من الغالين في وقته

ولا اكبر من ضياع الهقوة وقدر الكبير ان طاح
سوى اللي ماهقيت افارقه . . يالين فارقته

من يقفّي .. لايرجي من وراي استعطفه بـ إلحاح
من يقفّي .. يقفّي والسلامة في مرافقته.

[غدير بنت عبدالله @Ghabdullahq]

وجودي وجود اللي من الوقت شاف وعاف
وحنا من اللي شافت عيوننا وعفنا

رفعنا نظرنا وارتفعنا على المشراف
عن المجلس اللي جلسته ما تشرفنا

ولا حرّكتنا بالقفا هرجت الحذّاف
تركنا عليه الرد لو ما يكلّفنا

وشرهاتنا ما هي على خايبين ضعاف
ولا كأننا نسمع ولا كأننا شفنا

[هَـ @_i8ul1]

ماودي أكسر خاطرٍ كنت احاضيه
ولا ودي أني عن دروبك نحاوي

ي كم بغيت أقولك لا وقلت أيه
وأحاول أجرح لكن أجرح وأداوي

قلبي وله عاده ولانيب ناهيه
من له صلاحيه فالأمر السمااوي ؟

- مزيد الوسمي .

[مُـنـى / @meix49]

بادر و كلم صاحبك لا تخليه
هو خابر أنك تنتظر وأنت خابر

أدعس على جرح الجفى كان تغليّه
خل التعزز والثقل لا تكابر

يشفع لزلاته معك زيّن ماضيه
كانك تحبه صدق ماهوب عابر

عاده على قيد الحياة أتصل فيه
مافيه جوالات تحت المقابر

[ℬ @y7k]

دام المعاتب معك مامنه مفاد
مافيه حل الا الجفا والله يعين

اسكت وانا قلبي تحت رحمة زناد
عيب علي اسكت وانا جنبي متين

معك المحبه من نكاد الى نكاد
ولا المفارق كلمتين ودمعتين

بحن لك واشتاق لك بس الوكاد
ان العمر غالي وانا عمري ثمين.

[ْ @wj_sea2]

لم يَعد تواجدك مألوفاً

[مُبهَم @nuof1m]

« أنا لا يُرفَض لي طلب
هذا ما عيّشني إياه والِديّ »
❤️

[𝟓𝐦𝐫. @e7iiij]

القاع من تحت رجلي والسماء فوقي
ولأني بـ اعبد الوجية .. ولا أترجاها .

[العنود الواصليه @anoudfaraj]

تعلمت من غلطاتي العب على المضمون
ولا اكبّر الهقوه ولا اعلق الآمال

[َ @FariiFs]

"لبّيه" محذوفة من القاموس إلى إشعاراً آخر
إتباعاً للبيت القائل :

"صدّيت عن كل القلوب ومن دعاني قلت هاه
لبيه - ذاخرها لـ نبرتها و جرّة لحونها"

[َ @FariiFs]

"قل للظروف اللي خذت وجهّك الزين
والله إن ياتي يوم .. و اخذك منها"