𝗡𝗮𝗶𝗳 .

لي سنين .. أمثل مجتمع ما يمثلني .

[𝗡𝗮𝗶𝗳 . @itffz]

والله إنه أشد من شوف الجنايز
شوفـة المحتاج لا قـام يـتـردد

_ راشد بن قطيما

[𝗡𝗮𝗶𝗳 . @itffz]

لا صارو العقال بثيـاب جهال
كلٍ على كيفه يدربـي علومه

صكيت سمعي عن سواليف الانذال
الحر ماياقع على عش بومـه

لو كل خبلٍ ننشد الناس وش قال
يمدي يدينا بالحديد محزومه

والحق له بين الرياجيل معدال
كلٍ من المقسوم ياخذ قسومه

ماعاد هي لحية عمى كل من عال
مادام الاجرب في يدين الحكومه

[𝗡𝗮𝗶𝗳 . @itffz]

ليتك ردي وأقول ماهي غريبه لكنك أطيب من عرفته بدنياي .

[𝗡𝗮𝗶𝗳 . @itffz]

@aShi3ar اضحك واداري عباد الله واجاملها والله على نعمة الكتّمان قايدني .

[𝗡𝗮𝗶𝗳 . @itffz]

ان فعلنا نفعل الطيب فيّ سر وجهر
ماندور من ورا الناس شكر ولا مديح .

[𝗡𝗮𝗶𝗳 . @itffz]

قولو لبنت الطيب لاتاخذ الاش
ترا الضحيه في النهايه ولدها .

[𝗡𝗮𝗶𝗳 . @itffz]

مايوجع الطيّب إلا قلبه الطيّب
ولاّ الخساير فدى راسه ورجلينه

[𝗡𝗮𝗶𝗳 . @itffz]

عساه يوخذ فالضحى قولوا امين
اللي بنات الناس شغله وهمه

احدٍ يحاول ستر عذراء البعيدين
و احدٍ يحاول فالردى بنت عمه

قد قالها بندر قبل عدة سنين
يثور معها الحرّ ويثور دمه

ولا الردي لو مرته بين قوسين
تزول عن عينه نزول المغمه

يابنت شومي عن اهل الضعف تكفين
مالك ومال اللي قريب مجمّه

[𝗡𝗮𝗶𝗳 . @itffz]

يضحك ليا صكت عليه الطوابير 
طير السعد قلبه من الخوف خالي .

[ويليام شكسبير @Wam_Shakespeare]

بعضهم يبتسم لك…
فقط ليتأكد أنك لا ترى خيانته.

[𝗡𝗮𝗶𝗳 . @itffz]

« انا ولد عودٍ عريبه مجانيه »
من نسل قومٍ تارد المجد بعزوم .

[𝗡𝗮𝗶𝗳 . @itffz]

قالو علامك غادي اليوم شيبه
توك شباب ومالين راسك الشيب

ان كان شيبك فاقدن لك حبيبه
ياما فقدنا والليالي تجاريب

قلت الهواء كبيت خبثه وطيبه
لا والهواء ماهو حرام ولا عيب

عيب فراق اهل العلوم العجيبه
اهل النخاوي عند عوج العراقيب

حي تجيب له المكاسب نصيبه
وحي نصيبه لا يودي ولا يجيب

[𝗡𝗮𝗶𝗳 . @itffz]

مات البخيل . . وضاع مالٍ تعب فيه
ومات الكريم وعاش ذِكره مع الناس

[𝗡𝗮𝗶𝗳 . @itffz]

تـردّيت لـكنّي تـردّيت فـي رجــــال
لـيـا طـبت عـلّم وان تردّيت مـاعلّم

[𝗡𝗮𝗶𝗳 . @itffz]

@reiii70_ شكلك فالنهايات

[𝗡𝗮𝗶𝗳 . @itffz]

سأكشخ صباح العيد كشختا لم يكشخها المتكشخون ثم انام .

[𝗡𝗮𝗶𝗳 . @itffz]

@cljiqq الله يجمعكم في جنة عرضها السماوات والأرض

[𝗡𝗮𝗶𝗳 . @itffz]

على عيد انكساري في غرامك قبل تسع سنين
تذكرتك وقلت أكلمك والنيّه النيّه !

الو لبّيه يا أغلى من ذبحني قبل عام الفين
ومت ولا حييت ألا على ذكره وطاريّه

أحبك وين ما سجّت عيوني في الزمان الزين
وسجَّجني الزمان اللي متاهاته خيالية

– ضيدان بن قضعان