َ

الحـريص تورّده للموت غلطته — الوحـيدة

[َ @itsalnon]

﴿ كلُّ نَفسٍ ذائقةٌ المَوتْ ﴾
اللهّم احسْن رحَيلي إن حان وقته . .

[َ @itsalnon]

أخذني مني ومن حريتي وبلادي
وأخذ قلبي وأخذ كل اللي وراه ودونه

الغريق اللي دخل في بحر حبك غادي
ودّك إلا دوروه أهله ما يلقونه

— مدغم أبو شيبه

[َ @itsalnon]

اي والله أحب صوتك واشفق لـ سمعه
شفني من الشوق والله .. ماني بـ طيّب

الوصل من بيننا لا ينطفي شـمعـه
جدّد الوصْل لامن شفته .. مشيّب

— نداء الشُوق

[َ @itsalnon]

@absqtr86 الذوق والاحترام مطلوبين من الجميع يا يبه ولكن بعد مطلوب عدم تحويل كل تصرف عفوي إلى قضية رأي عام .. والاختلاف في تقدير المواقف طبيعي جدددداااً والناس مو نسخة واحدة من بعض ممكن نختلف على التصرف ولكن ما نختلف على أن حسن الظن والحوار الهادئ أرقى من التصعيد اللي حاصل 😄

[َ @itsalnon]

@absqtr86 انت قاعد تكبر المواضيع وتفتّح العالم على اشياء اهيا بالواقع بسيطه .. الموقف واضح انه عفوي واللوبي مافيه احد ومن باب الاستهبال لا اكثر ولا اقل وبالعكس ونعم فيهم سوا كويتي او غيره

[َ @itsalnon]

يا كيف أعيش الليَّال المقبلة بالبعد وأحتال
وإنت ذعاذيع قربك نفح .. عود أزرق وجاوي

— نواف بن سعد

[َ @itsalnon]

لقيتك أمل من ضاع عمره ورا الحرمان
وبديتك وأنا أشوفك عوض ماضي أيَّـامي

جمعني معاك اليسر عقب العسر سبحان
من يضحك الخافق بعد جرْحه الدامي

تحضَّنت وصلك كني الضامي الهلكان
يالين إرتوى في مواصَلك قلبي الضامي

عليك الغلا منساق والشوق شانه شان
وعليك الرِّضى يا واهس الشعر وإلهامي /

[َ @itsalnon]

مانيب قاطع وصل مير العزله اشبه بالنجاه
صديت معها صدّة اللي كنّه مسوي .. بلا

— مبارك بن ناصر

[َ @itsalnon]

غلاك أكبر على الواقع من الشرح و من التعبير
ليا شفت المشاعر ماتوصف قدرك اعذرها

على طاري غلاك الله يمسي طلتك بـ الخير
ياحلو الليله اللي في ملامح وجهك — اسهرها

[َ @itsalnon]

شعوري يوم أشوف إني جرحتك جرح مايبرى
شعور اللي فقد امه و ابوه بليلةٍ وحدة

— عبدالله السرحاني

[َ @itsalnon]

ياربّ وأنت الملاذ لوحدة المهتدي
يوم إن فؤادي وحيد أهدِهْ أنا مُتعبه

خلّصني من الشعور اللي يهدّ جْهدي
و متعنّي بـ شي كل الناس تستغّربه

و ارزقني الحلم و الصبر وجميل سعدي
في راسي أحلام و الاحلام — مترتّبه

تحتاج عفوك و انا اللي حسن ظنّي مدي
فيك أنت ولّا الاوادم ظنّهم ما اقربه

[َ @itsalnon]

وش تبي آمر والبيك يا الوجه الضحوك
أنت ما تستاهل تحس بـ إحساس العنا

لك بقلبي عرش الآسياد وأحكام الملوك
شيل مـن ودك تشيـل عساهم للفنـا /

[َ @itsalnon]

عرفت أختارك وقلبي على هقواه ماقد خاب
يعرفك معرفه تمحي الظنون وتقتل اوهامي

تجي كلك على الموعد حضورٍ مابعده غياب
وإلى منّي تمنيتك أشوفك واقع آحلامي

وأنا مايكتمل ليلي سوى مع ليلك الخلّاب
به مْن شعورك وحبي شعورٍ ينهش عظامي ،

[َ @itsalnon]

يدري إنّي غنوج وعنقا — ولساني عذوّب
وأدري إن لسانه العذب من العذاب مايخلى

شاعري اليوم أصبّح .. من عقب حبي طروب
يكتب جزّال القصايد بـ حسني ويعلقها على

جيدي المنتوق اللّي بأسبابه ضلوعه تذوب
مثل مايذوب الحديد من النار بيدين جهلى /

[َ @itsalnon]

تبسّمت لحديثك بسمة إللي ممتلين إعجاب
مع إن نص الكلام إللي ذكرته — مْا يناسبني

[َ @itsalnon]

أبي لي ساعةٍ تبتّل فيها للشفوف عروق
تعال و هات معك الساعة اللي نختلي فيها

تعال و ردّ عمرٍ من ربيع أيامنا مسروق
معاك أنت الدقايق كانت أيام بـ لياليها

— سعود مهدي

[َ @itsalnon]

سُكون الَّليل يلْهمني وأعيش بحالة إستغراب
ولا أدري كيف أحرِّرها ولا أدري كيف أبرِّرها

أهيم وعقلي المُرهق بليًا وعي وإسْتيعاب
بعد ما قفت عُيونك عن عيونٍ تسامرْها

بقى لي مِنك حاجه مُبهمه في خافقي المِرتاب
ليا من تاهت أفكاري طيُوفك جت تحضرَّها /

[َ @itsalnon]

لا تبكي علي لامت دونك ضحية حرب
أنا قبلها .. ميتٍ بحُبك / وأنا عايش

[َ @itsalnon]

تعدّيت معه الحد والحُب والمألوف
وأنا في غرامه صرت مؤمن بلا ملّه

تركت الكواكب خلف ظهري ولا لي شوف
سوى وجهه اللي شمس عمري تحت ظله

أحبّه محبّة من سكن في فؤاده خوف
على واحدٍ يغنيه عن عالمه كلّه ..

[َ @itsalnon]

أنا يا شرهة العمر القصيَّر .. وآخر الميعاد
أشوف إن العمر كلَّه معك ما عاد يكفيني /

[َ @itsalnon]

مع أن كل فرض ، الا اذن المذّن اصلّيه
معي ضيقة اللي مايصليه ، في وقته

من اوّل اضحّك واحدٍ ، عند قبر اخيه
وذلحين ، لا واجهني الطرب ، ضايقته

لا شفت الجماد ؟ اسمع وش يقول واحاكيه
والأنسان ؟ ما افهم وش كلامه لاناطقته

اعيش الحزن ، مع كل من يفتقد غاليه
لو اشوف غصنٍ جف ساقه ، عانقته