-

[- @itsla7ej1]

صدقة لي بعد موتي

[- @itsla7ej1]

@llsa_51 ﴿ فَاصْفَحِ الصَّفْحَ الْجَمِيلَ ﴾

فعلاً ! بعض الزلات ما تكون سوء نية، ممكن تكون تعب ما انحكى عنه فـ التماس العذر والتغاضي عن الهفوات من أجمل اخلاق البشر ، لذلك التماس العذر لغيرك مو ضعف بل اصل طيب ❤️

[- @itsla7ej1]

@llsa_51 التمنّي بداية
لكن نيل المطالب يحتاج سعي وصبر…
والأقدار تمشي مع الاثنين

[- @itsla7ej1]

الغلا في نجد فطره
من يلّوم القلب في حب الرياض!❣️

[- @itsla7ej1]

@llsa_51 مو كل قرار شجاع يكون صح، الصح هو اللي ينبني على فهم وتفكير… والتوكل يكمله، مو يستبدله
اذا نيتك خير تاكد ان الله بيكون معك
بالتوفيق

[- @itsla7ej1]

لما تحسب
انك سجيت و سليت،

لكن يمرك اسم يشابه اسم، أو ريحة عطر، أو أغنية، أو مكان قديم
و ترجع على طير ياللي

"ردتني النسمة اللي من شذاك الأخير
مع إني لي سنين .. أحسب إني تجاوزتها"

[- @itsla7ej1]

ودعتك اللي قد دعيته بك و لكن ما أستجاب

[- @itsla7ej1]

لو كان للنسيان موعد ولا غاب
ما صرت أشوفك في وجيه المباني

يا كبر حزني يوم ناديت الاحباب
وصوت الصدى.. من حرّ فقدي بكاني

أثر الجروح اللي غفت تحت الأهداب
صحت على صوتٍ بصدري دعاني

يا من رحلت وداخل القلب لك باب
قصة وفى ما صاغها شخص ثاني

[- @itsla7ej1]

يا ليت للذكرى شبابيك وابواب
كان احتويت الي مضى في ثواني

وأدخل وأشوف الي رحل دون أسباب
وأضم كفٍ في وداعه نساني

وأرمي هموم كشرت لي بالأنياب
في حضن ليلٍ من ضلوعه حواني

وقفت في وجه الزمن وقفة أغراب
وعجزت ألاقي من حنيني أماني

يا لوعة المشتاق والدمع سكاب
لا مر اسمك وانكسر به لساني

[- @itsla7ej1]

يا ليت للذكرى شبابيك وابواب
كان احتويت الي مضى في ثواني

وأدخل وأشوف الي رحل دون أسباب
وأضم كفٍ في وداعه نساني

وأرمي هموم كشرت لي بالأنياب
في حضن ليلٍ من ضلوعه حواني

وقفت في وجه الزمن وقفة أغراب
وعجزت ألاقي من حنيني أماني

يا لوعة المشتاق والدمع سكاب
لا مر اسمك وانكسر به لساني

[- @itsla7ej1]

أنا ذبيح الصمت وأنت انتصارك
إنّي أموت بحضرتك وأتحرّاك

ما تدري إن الوقت بكرة مدارك؟
ويلفّ بك نفس الطريق اللي خلّاك

تسهر تدوّر في الزوايا غبارك
وتبكي على شخصٍ بعمره تهقواك

رح في طريقك دام هذا اختيارك
مير الوكاد إني بموت ما أنساك

[- @itsla7ej1]

طرد المقفّي عيب لو هو خيارك
بس البلا قلبٍ عصى الكل وناداك

يقولون ما يذري عليك إلا جدارك
وأنا جداري طاح من يوم فرقاك

وش حيلتي لا شَبّ شوقي بنارك
وأمسيت عاري وصل وأدفى بذكراك

أسألك بالله وش خذيت من قرارك؟
غير الندم ودموع قلبٍ تمناك

[- @itsla7ej1]

عفى الله عن صدر من الوقت لو ينهار
ما يشكي معاناته على بعيد وقريّب

ليا حس في حزنه توارى عن الانظار
ولا يوقع من همومه وضيقه قريّب

معه قلب ذيب ونفس طير وعزم واصرار
ومعه حسن خلق لا يعذرب ولا يعيّب

لو تحطه الاقدار ما بين نار وغار
ماهوب متردي، كان ماهوب متطيّب

[- @itsla7ej1]

مع إنّي ما عاد أعرف وين الزمن ودّاك
إلى الحين .. أقدّس ما حصل بينك وبيني

[- @itsla7ej1]

عز نفسك تـرتفع فوق الغمامي
والردي لو طـال وقتك ما عرفتـه

من شـراني شـريته بكـل احترامي
ومـن نـوى كـسري.. وربي ما ألـتفت له

المـقام اللي بـه ذلّ الـكـرامـي
عـفت مـجـلاسه.. ولـو غـالي حـذفتـه

[- @itsla7ej1]

حلم مؤلم صحاني من وسط نومي
موجود فيه شخص أعرفه زي معرفتي لنفسي
لكن التواصل منقطع ..
شفته محطم ، مو هو … ولا أي ذكرى لي منه
الوجع ما كان بالحلم … كان بداخلي، ينهش قلبي قبل عيوني
ألم موجع

يا رب اجعله خير

[- @itsla7ej1]

دخيل المكان اللي جمعنا ولا هو إعجاب
إذا لي معزه طاري البعد لاتطريه

لو تشوف وضعي عند ماتلتقي الاهداب
لك الله لو لك نيةٍ بالجفا تلغيه

أنا وأنت غايب كن وسط العيون تراب
تنام الخلايق ولا انا النوم مالي فيه

ذبحني غلاك اللي سرى مـثل سم الداب
طفح بالعروق وكل ماوافقه ينهيه

[- @itsla7ej1]

رحلت وما تركت الا سوالً يطلب استفسار
متى كان الوفا طعنة تسلت في شراييني؟

ألا يا كايد الهقوة ترا طبع الزمن دوّار
لابد اللي سقيته لي تذوقه بكاس يديني

فمان الله والدنيا مرايا والوجيه كثار
تبي تلقى بشر واجد ولكن ما تلاقيني

[- @itsla7ej1]

جيت للموعد أسابق لفتة الأنظار
وجيت ولا لقيت إلا طيوفك يوم تدعيني

رسمتك في سواد العين دارٍ ما وراها دار
وأثرك الغريب اللي نوى بالبُعد ينهيني

تعذّرت بظروفك ما ورا كثر الظروف أعذار
ولو إنك بغيت الوصل دليتها عناويني

[- @itsla7ej1]

إن كان بعدك في قوانينك جميل
ترى غيابك في موازيني قهر

أنا بوجهك من غرابيل الرحيل
ومن عاذلٍ قلبه من القسوة صخر

عطني من وصالك ولو ذرّة دليل
تحيي عروقٍ جفت من قطع المطر

لا تترك الخفّاق في نارك قتيل
يكفيه من جورك تناهيت وسهر

يا وجد حالي وجد من قلبه عليل
شاف الهوى في دنيته لمحة بصر

[- @itsla7ej1]

لوووعة قررررف

[- @itsla7ej1]

و الحاصل الآن
اني أبي سلامه خاطري بس
- ماعاد ابي حتى اللي يداريه