S

يموت العزيز بعزته ما انحنى له راس ! ويموت الذليل .. ولا انقذت عمره الذله

[فهد بن محمد بن بدن @fahad_subai]

تعبنا نجامل عالمً مالها معروف
علينا ولا ادري ليش حنا نجاملها

وانا ما اتحمل هرجة الجاهل الملقوف
اليا قام قدامي علومه يزعبلها

ترانا نعرف ونفهم السالفه ونشوف
لكن الضعوف نطوفها ونتجاهلها

ماهو كبر لا واللي خلقني ولاهو خوف
لكن الأوادم عوجها من يعدلها لشاعرها

[. @3Z____27]

ما يستفزّ الركود الا هبوب البراد
ولا يستفز القلوب الا غياب الوجيه

يا مطوّل الغيبه ابعد فالطريق و تماد
ماعاد لك ما تلفّت له ولاتحتريه

حنّا كبرنا على المشروه و الانتقاد
سمّه تغافل ، تجاهل ، سمّه اللي تبيه

حتى الرفيق السنافي والرفيق الحشاد
من خيّب الظن منهم ما شرهنا عليه

يمرّنا يعتذر عقب الزعل والعناد
ويروح من عندنا ما سمع شرهه و ليه

أن قال : كبوة جواد .. نقول : كبوة جواد
وأن قال : طيحة جمل قلنا : جمل ماعليه

-مبارك بن رادعه

[S @iui5o2]

كل يبي الشيخه ويبغى الاماره
ويدور الرزه ، على كل ، مرقاب

هاقي ، بنفسه ، هقوة"مستعاره
ماطالها جده على خيل واركاب

#عبدالله_ضويحي

[فالح بن قشعم @falehqasham]

نبي الجماله ونتجمل مع الناس
ومن دون ستر وجيهنا ماذخرنا

احيان نقضي لازم معرّب الساس
واحيان نسعى فالطلب وايعسرنا

يلومنا فاعذارنا بعض الاجناس
والا بعضهم لاعتذرنا عذرنا

لو الامر ف ايدينّا كان لاباس
بس المصيبه عند من لااعتبرنا

وحنا يالولا مشكلة طيب الراس
ماكان جيناله ولا شيف اثرنا

[S @iui5o2]

مرحوم ياللي كل ماجيت برثيه
عجزت اعبر بالحكي والكتابه

اللي خذاه الموت ماني بناسيه
وعقبه تجرعت الحزن والكأبه

الفقد موجع والقدر راضيّن فيه
والدمع يذرف مثل وبل السحابه

يالله ياللي نلتجي به وندعيه
تغفر ذنوبه ثم تسقي ترابه .

[S @iui5o2]

من لا يعز اخوه ويقدّر اخوه
يندم ليا بانت صواديف الايام .

[S @iui5o2]

ترا الأخو ضلعٍ على مرّ الأزمان
يحميك من صلف الرياح الشديده .

[معكاز | شعر @M3kkaz]

ضايقن صدري لي ايام مدري وش بلاي
ضيقتن فالصدر عيت تفارق وتغدي .

[S @iui5o2]

أضرب العالم أنا يمناك منت لحالك
ابتسم جعل الوجيه المبغضه يفدونك

و أن تكدر خاطرك .. ولا تعكر بالك ؟
والله اني لا اقلب الدنيا و اوقف دونك

[معكاز | شعر @M3kkaz]

اخوي الكبير ومحزمي لـ الدهر لا مال
قدومٍ ليا كبرت الأمور يتنطحها

ولا جاء موقفٍ يبحث خفا الرجال
يشمر يدينه محزمي ما يبطحها

[سمان الهرج @fahad33931]

من تجمــل لايقول انه تجمل
العن من الحاجه المنه عليها •
•
حاجة ماهــوب قاضيها مجمل
لاتدورها ورى اللـي لك عليها
•
•
الكريم اللـي من القل يتجمل
حاجة عنده ماهو معيي عليها
•
•
لــويحـده مايـحده بـيتـحمـل
سود الله وجه من حده عليها •

[S @iui5o2]

"نحنُ ﻻ نكتمل بأحد، وﻻ نضيع من دُون أحد، نسعد بمن بقى، وننسى من نسى."

[S @iui5o2]

ظروف الزمن قامت تدافَع علَيّ ارتال:
وانا قمت اشدّ القلب بالصبر وادفعها

تحاول تهدّ الحيل، وتْحدّني للجال:
ولكنّي اضحك، وابدي العزم واصفعها

حقيقه لقيت ان "التأنّي، وطول البال":
لمن حدّته دنياه! يلقى منافعها

[S @iui5o2]

والله انك يا رفيقي محكحك ومعروف
سيفن مجرب ابو تم وابشر يا بعدي
ٰ
كل ما ضاق الزمان واجحدتني الظروف
خابر اني لا نصيتك ابشر بسعدي

[ناصر الشهابله @nasseryam1]

لي رفيق ٍ بيني وبينه خلاف
ضاقت الدنيا عليه أمس ونصاني..!!

كِبْر في عيني ... وزال الإختلاف
يوم عاده هاقي ٍ فيني ..وجاني..!!

[S @iui5o2]

عليك الله يا وجهٍ أحبه بكل تفاصِيله
احبه بالقسى واللين واحبّه بزعله ورضاه

[S @iui5o2]

هقيت فيهم واختلف " ظني "
ماعاد باقي فالصدور اسرار
ٓ
جالس على مركاي وأغني :
أثر الرجال مْن الرجال اتغار

[S @iui5o2]

لا شان وجه الوقت و الحقني شقاه
ما شان وجهي فـيّ وجيه الطيبين .

[S @iui5o2]

مالي على سود الليالي ملامه
انا مشاريهي على بيض الايام