ٍ

[ٍ @iumtiri]

مستحيل البدائي يـفهم الابّداع
لو تبسّط له الفكرة على المسحوب

ما شرهنا على المتبوع و التبّاع
لو تشـرّه علينا قالبين الثوب

نملك أسلوب للي يـعـرف الاسنّاع
بس ما نملك لعقل العفّون أسلوب

[ٍ @iumtiri]

و في عز شدتها قلبناها ترف
Nothing is difficult

[ٍ @iumtiri]

الوقت .. لو غير مفاهيم و طبوع
أبقى الذي ما غير الوقت طبعه
يوم الليالي جفوة أحباب و ربوع
" ما بار بـ أحبابه .. ولا خان ربعه "
يا اللي تشوف العمر تابع و متبوع
أنا أشوف العمر موقف و سُمعه

[ٍ @iumtiri]

بعض العرب يبيله قطعة لسان
ودّك مع لسانه تقطع لهاته

يمشي وينشد: وش بلا فلان وفلان؟
كنّه مخاشر كل شخصٍ بحياته

فلان معرّس، ليه ما جاه عيال؟
وفلان تاجر، وين ودّى زكاته؟

وفلان حالق لحيته، وين الإيمان؟
وفلان مات أبوه، وش هي وصاته؟

[ٍ @iumtiri]

المحبّة شي عادي، والعداوة شي عادي
والقلوب لها نظر ، وحسّاسها مثل المنبّة

حبّ من ودّك تحب ، وعادِ من ودّك تعادي
بس عيب إنك تشوّه سمعة اللي ما تحبّه

[ٍ @iumtiri]

يارب ثبّتني على الدين بالذات
ولاتشمّت بي الهزال الضعافي

رزقتني سمعة وجاه وصداقات
وعرّضتني جاير وباير ووافي

وعطيتني هيبة وطيبة ووقفات
والذكريات مبسمات الأشافي

رزق النهار إليا كسبناه مابات
بجيوبنا تصبح ثقالة خفافي

نعّطي ليا قفّت... ونعّطي ليا جات
ماعندنـا فى الحالتين اختلافي

[ٍ @iumtiri]

الشعور المختلف دايم معاك أحسه
ينعكس في وجهي وحلو الكلام الليّن

أنت حبك لو ورا حدب الضلوع أدسه
لا ضحك وجهي سعادة والله انه يبيّن

[ٍ @iumtiri]

لو شحّت نجوم ليـلك لا تحايلها
لا ترجي اللـيل نجمة والقمـر باكر

تنتظـرك اشياء كثـيرة .. ما تّخيلها
بعد التعب مالك الا طيبة الخاطر

[ٍ @iumtiri]

كنت أقول إني لو تضيق الوسيعه ما أضيق
وأكتشفت ان البني آدم ضعيف ولو قوى!

والله اني كنت ادف طويق وأطيـّح طويق
لين صرت أطيح لو يلفح طرف ثوبي هوى

[ٍ @iumtiri]

أنا الذي ما أبدي على الناس سرّي
من خوف سودان الوجيه تحكي به

- منهجية ثابتة لـ بندر بن سرور

[ٍ @iumtiri]

يظن انه ليا اقفى بيلقاني وراه ظلال
وانا والله ولا مهتم ولا معبر ولا داري

حياتي مابها وقت يضيع بصجه وهبال
يجي غيره وثم غيره ولا توقف على الساري

من اقفى معاه الله ولا له عندنا وصال
نبيع اللي يبيعونا ونوقف دوم مع الشاري

[ٍ @iumtiri]

الليالي تدور ولا تفيد الحسايف
وكل خلٍ بيلقى فعلته في خليله

الوعد لا وقفنا يوم عرض الصحايف
واحدٍ في ظلال وواحدٍ في مليلة

يوم تلقى كفوفك من ذنوبك غرايف
يوم كلٍ يشيل اللي فعل في شليله

كل كلمة بلعنا شرّها بـ الكلايف
جعلها بالصحايف عند ربي ثقيلة

- بشاير المقبل رحمة الله عليها

[ٍ @iumtiri]

خل السُكوت يسود كل المواضيع
أنا أكبر من الُّلوم ومن التشكِّي

من أبسَط حقوق الكلام إنّه يْضيع
الواقع أصدق من يقيني وشكِّي

لا تنتظر مني عِبارات توديع
ما عندي إلا الضحكة الِّلي تبكِّي

[ٍ @iumtiri]

ياكثر ماقدمت لكن تحسفت
وعقب الندامه ماتفيد الحسايف

أقول لاي انسان اشوفه تشرفت
واثر الشرف ماهو لكل الطوايف

ناسٍ تقول انك عليهم تعرفت
وناسٍ تصافحهم بعالي النوايف

[ٍ @iumtiri]

الغيم مايحزن على موت الأشجار
والشمس تشرق لي وتشرق لغيري
والناس تتزاحم على شرب الأنهار
وأنا مكفيني عن الناس.. بيري
ويوم الطيور تهاجر وتقطع ابحار
أنا مبرقع داخل الصدر طيري
ماني لكل مضيّع دياره ديار
ولا هو ضروري كلٍ يذوق خيري
أنا فدى اللي ينتظرني على نار
إن غبت عنه.. مايعوّضه غيري

[ٍ @iumtiri]

والله لو تملك من المال مليار
وأنت قليل الدين مالك سعاده

ان كان تبغى لك معزه ومقدار
خل أجتهادك في كثير العباده

ترا صلاتك هي نجاتك من النار
وعدوك الشيطان واصل جهاده

وأطلب ولي العرش لا صرت محتار
هو الذي يغفر ويرحم عباده

[ٍ @iumtiri]

" مابين الصعب وبين الخوف والتجريب
أحاول ما أميل بيوم ولا تتشرد أفكاري

أمر بمرحلة صح أو خطأ أو صدق أو تكذيب
كأني تايه في شيء ولاني عارف أقداري

أنا يارب ما أدري وش اللي ينكتب بالغيب
ولكن رحمتك أكبر من اللي فيه أنا داري "

[ٍ @iumtiri]

" والله اني حاسدٍ مثقاب الإبره
يومه أوسع للهوى من ضيق صدري "
- محمد البندر و أنا

[ٍ @iumtiri]

التغافل عن ضجيج المجتمع وإزعاجه
لذةٍ من ذاقها .. ما عاد فرط فيها

[ٍ @iumtiri]

إن طاب حظي معك شفتك وشفتيني
ولاعاد يبقى من الأحلام .. غير انتي

وإن كان ماطاب حظي لاتحرّيني
والله يسعد عيونك وين ماكنتي

— عبدالاله الرّماحي