SIRAJ Al YAMI

ما بغينا من الوصّال إلا وصالك.

[SIRAJ Al YAMI @iv0qq]

الحور من جنة الفردوس يمكن رموك
للأرض يا جادلٍ فيك الشموخ الأبي

عليك وصفٍ يحيرني وهيبة ملوك
نوادر الوصف منك سابيتني سبي

وسامتك والثغر ولا الحجاج الضحوك
دمار شامل تراجف منه حتى ركبي

شكراً جزيلاً ماهوب لك لأمك وابوك
أجمل سلالة بعد طوفان نوح النبي .

[SIRAJ Al YAMI @iv0qq]

وفر جميع اللي بتقوله لانك
جرحتني البارح فداك البارح

صحيح احبك واعشقك واحنك
ودي اشوفك كل يوم فارح

ولا دريت اني مخيب ضنك
الا بعد ما شفت بالك سارح

قبل اتسمح منك وارحل
بصارحك لوني ما اعرف اصارح

من كثر ماني اتحسس منك
حتى الكلام الزين منك جارح

[SIRAJ Al YAMI @iv0qq]

حمامةٍ ناحت عصر يوم الاثنين
ناحت وطارت ولا انا رحت فيها

من سبّتك يا ماخذ البعد روتين
اقر الرساله واسمع اللي يليها

مع كامل الخذلان لي حول شهرين
حتى اتصالاتك معاد احتريها

كانت لي اقرب الاتصالات والحين
صارت من اللي لم يرد عليها :)

[SIRAJ Al YAMI @iv0qq]

@JahezApp طلب من عندكم طلب له الحين اكثر من 40 دقيقه ما وصلنا اول مره واخر مره اطلب

[SIRAJ Al YAMI @iv0qq]

الا يا مديري في العمل والعلوم عفاك
اليا جيت بسجل خروجي لا تمنعني

انا واحد حده زمانه على حيكاك
من الضيقة اشوف البسيطه ما توسعني

نصيتك ما عن مانيب في كلشي انصاك
لكن جابني نوع من الضيق يدفعني

لا تكثر على كثرة تفاصيلك وحكاك
انا عايف جو المدينه لا تقنعني

وعندي رساله من طويل العمر تنصاك
يسلم عليك العود ويقول لا طلعني

[SIRAJ Al YAMI @iv0qq]

تمادي ياخـشف الريم لين الكلام يطول
مـساء وصباح النور واخـباري اخـبارك

عليك الـحنين اللي يتجدد لادار الـحول
لو اني مغني ماقـدر اعزف على اوتـارك

جـمالك ، يتـيه عـقل ويحرك الـمشلول
تـقول اللّٰه ،، من الناس ميزك واختارك

ياحظ الحظيظ اللي يشوفك ياذاك الزول
،، يـاحـظه ، ويـابخـته .. وياحـظ زوارك !

اشـوف الـحمام اللي ذهـلني وانا مذهول
يـوقـف عـلى شـباكـك ،، وتـاركِ جـارك ؟

طـبيعي اشـوفك شـي نادر ذهـب او لول
يازيـن الـهبوب .. وكـل نسمه من ديارك

تـقول الـشعور الـلي ف قلـبي دبيك خيول
ياليت الصدف تجمعني ف درب مشوارك

لـون العـقول احـيان تبـحث عن المعقول
تـراك الـوحيد الـلي مـن الـناس بخـتارك

حبـيبي انا للـحين عـايش عـلى المـجهول
، يضـيع الـعقل لاشـاف نـور مـن انـوارك

تـثير الشـكوك وتبـعد اكـثر مـن المسئول
لو اني جـبرت الـقلب ماقدر على جبارك

من الـمستحيل انـي ب خـليك يالمجمول
انا اقـرب مـن يـدينك ومـن صـكة زرارك

[SIRAJ Al YAMI @iv0qq]

قصيدة الليلة:

عسى دربٍ خذت رجلك عليه اقفايه و معواد
يفيض من النبات و يجري الما العذب بعروقه

مداهيله .. مراويح السحاب و غاية النشّاد
و ظلٍ يرسم اشكال الطيور العابره . . فوقه

شعوري يوم اقصّر خطوتي . . و أطوّل المقعاد
شعور اللي طرق باب البخيل و ضاعت حقوقه

انا الضامي على ضفاف الفُرات .. الجايع فـ بغداد
انا المنفي عن بلاد العرب . . من غاب فاروقه

لا زلت أحتاج وجهك .. لـ السهر لـ الشعر لـ الميعاد
وصوتك . . لجل احرّر عبرةٍ فـ الصدر مخنوقه

ياليت اللي مضى لي من عمر معك . . معك ينعاد
و أشوف اللحظه اللي من شريط العمر ، مسروقه

وثوبك يوم يطرقه الهوى .. انا على استعداد
اعرف الغصن وش خالص ثمره و يانع عذوقه ؟

اقول اني بشوفك فـ المنام .. ان غبت كالمُعتاد
وانا حتى المنام اللي بشوفك فيه ما أذوقه ! "

[SIRAJ Al YAMI @iv0qq]

من ضاع في وجهك يشوف أن الضياع
أجمل من العودة وألذّ من الوصول

فيك الحياة الفاخرة شكل .. وطباع
تاخذ تفاصيلك من الأربع .. فصول

مبسم صغير وخشم وعيونٍ وساع
ورمشٍ طويل مكحل بنسبة كحول

وخصرٍ يمر بفقر وردوفٍ .. شباااع
وشلون جمّعتي السمانة والنحول

خلّيني ابحر معك وافلّ الشراع
مسافة الرحلة معك ودي تطول

أنا الحبيب اللي معاليقه جياع
للجمرتين اللي وراها.. صف لول

وأنا الذكي وأنا البطل وأنا الشجاع
لكنّ قدم عيونك اصير مهبووول

[SIRAJ Al YAMI @iv0qq]

بعد سالت بـ قلبي كل ذكرى قديمه
ما لمحتك توادع شفت عينك تنادي

صوتك اللي عشقت ووجهك اللي اهيمه
‌« سافروبي وانا اول مغترب في بلادي »

" قالو الصبح تنسى " قلت ليه الظليمه
كيف ابنسى من اللي صورته في فوادي ؟

كيف رمشك تخلّا والليالي كريمه ؟
كيف شمسك تفيّا في كفوف الايادي ؟

فالمبادي نسامح كل طعنه يتيمه
والاصيل المفارق ما يخون المبادي

تدري ان العواقب في غيابك وخيمه
والشعر خاب طنّه والشعور اعتيادي

صاحبي جرحك اللي صاح بي لا تديمه
" انت ما كنت عادي " لجل اسمّيه عادي

[SIRAJ Al YAMI @iv0qq]

من دافع الود .. مدري دافع الأشتياق
أقبلت و الشوق ماحوله شكوك : وزلل

أبني عليك إختلاف ( الراي ) والأتفاق
رغم إختلاف المبادي و إختلاف الملل

التضحيه معك .. لو تبلغ محيط الآفاق
ماهيب واجد على إللي يسهجون الحلل

الحب فيه الوصل والبعد نفس السياق
يحط ف القلب ثقب !.. وف الخلايا شلل

ياغاية الروح حسنك واصل أوسع نطاق
يعني جميله .. ماتحتاجين لا أبها الحلل

لو قالو الناس فيك إللي لا يمكن يطاق
ابشرك كل ماقالو ؟.. ما يسوى ( هلل)

مافيه مثلك مشى من تحت سبع الطباق
من ساكنين الخيام ؟.. وساكنين الفلل

الــساعه إللي مــعك " بداية الأنطلاق "
و الساعه إللي بـدونك ؟ كــلبوها ملل

أخــاف و أضـيق و الأنـسان لا خاف ضاق
ب الذات لا جاني الطاري ب الأمر الجلل

حـنا رياجيل ؟.. لــكنّا نخاف " الــفراق "
إللي ما خــاف الفراق : أكيد عنده خلل

[SIRAJ Al YAMI @iv0qq]

تعب ليل الأمل وارتاحت الهقوات
ولا عاد الصباح بـ حروة انسامك

حبيبي والسنين اردى من اللحظات
بعد ما مدّتك جت تسرق ايّامك

تجي مثل الجروح اللي تجي بسكات
واجي مثل الغرور ان ضمّ سلهامك

طويتك واللقاء ما صافح الومضات
سكت و دمعتي ما ضمّت اكمامك

أحسّك تهمة الماضي بدون إثبات
وانا حجّة قضيّة حاضر آلامك

جهلت البعد لكن دلّت الخطوات
عرفت القرب لكن تاهت أقدامك

تعدّيتك وقلبي في مدى الغلطات
يعاتب كلّ شيء الّا انت ما لامك

غديت أوّل قصيدي وآخر الحسرات
وانا ذكرى مساك و مشرق احلامك

سمعتك يوم لحّنت الهوى اللي فات
تغنّي والحزن يرقص على أنغامك

تذكّرت الطموح و قسوة العثرات
وسنا وجهٍ ذبل في ومضة عتامك

إذا كان الصدى تلويحة الأصوات
بصفّق لـ الرحيل وبسدل لثامك

ابتذكّرك لا عاش الشعور و مات
وتخيّلني اليقين بـ رحلة أوهامك

ما دام إن العمر مثل الفرص فوّات
أبلحق ما بقى وانت الحق اعوامك

فمان اللي بـ أمانه تسكن الآهات
خلاص ابيات شعري عافت إلهامك

[SIRAJ Al YAMI @iv0qq]

وين راحت بك الدنيا ياذاك الغزال
ملّ حظٍ وقف مير الزمن قارده

رحت من غير لا تسمع جواب و سؤال
و تعبتني عليك أفكاري الشاردة

أتسمع لضحكاتك معي بالخيال
و أتحفى طيوفك صادرة واردة

البلا ماهو بحبٍ وليد الليال
البلا في ظنون البيئة الطاردة

خل كل الظروف اللي خذتك و تعال
ودي أسهر معاك الليلة الباردة

[SIRAJ Al YAMI @iv0qq]

يا قلبي لا تحايل لـ المقفي واقصر المشوار
تهيّا لـ الغياب ولا يردك لـ اللقى نوحي

اذا هاذي بداية حبنا , كله تعب واضرار
اكيد نهايته صعبه وانا خايف على روحي !

بعد زاد الوله والشوق جيتك لكن اللي صار ؟
حسافه ليه هديتي بعد ما جيتك صروحي !

يا قرة عين من حبك , تراني حافظ الاسرار
لا يمكن تطلع الاسرار في جدي وفـ مزوحي

يجيني طاري التشتيت , والفرقا بدون انذار
امانه معك اذا الفرقا تريح خاطرك روحي !!

اذا قلبك يعاهد , فـ المحبه ما يبور وبار
انا يوم احفظ عهود المحبه ويش مصلوحي ؟

تشوفين الزمان المر , فيني يوم لف ودار
علامك مثله تسوين ما ضمدتي جروحي ؟

لا تبدين العذر ما فـ المحبه والوصال اعذار
انا عن وصلٍ ينقص مقامي مبعد شبوحي !!

[SIRAJ Al YAMI @iv0qq]

@itr7al الانستقرام وبسسسس👏🏻👏🏻👏🏻

[SIRAJ Al YAMI @iv0qq]

بين الصبر والصمت والخاطر الشين
ما قلت .. يا ليل العنا وش جرالي

و من كثر صدماتي بناسٍ عزيزين
قمت أتحرى صدمتي من ظلالي .

[SIRAJ Al YAMI @iv0qq]

من المرحبا والشوق لين السلام الحار
وله نبرتك .. كانت وسيله لـ غاياتي

دخلت الهوى طيش وملذات وأستهتار
ولقيت أنه اكثر شي سيطر على ذاتي

ما عاد ألتفت لـ الزين لو يلفت الأنظار
فدتك العيون اللي تبي كل نظراتي

وش أقول فيك وكل ليلة تعبت أختار
وتحيّرت في وصفك بعد حيرة أبياتي

لك الطله اللي كنها الصيّب المدرار
ومجيك يرد الروح يـ آخر محطاتي

تفز الحدايق ورد ، لو قالوا أنك .. مار
مثل ما تفز من السواليف ضحكاتي

وعلى عرش شعري كنت أطرّيك بـ استمرار
و أقول القصيد العذب و أرزّ راياتي

يعرفك غياب الشمس يا غاية السمّار
ومن يعرفك يخاف الغيابات ويحاتي

جعل ليلةٍ فارقت عينك .. و أنا محتار
فدا الليلة اللي جابتك عند خطواتي

[SIRAJ Al YAMI @iv0qq]

مـافيـه داعـي تهـل الدمع من شاني
بكره يقولون ليه الحب بكّيته

أنا تمنيت تذكرني وتنساني
وأنته ياليتك تمنى اللي تمنيـتـه

رسايلك جات بين أسمي وعنـوانـي
وتعلقت بين ضيعته و دلیته ..

بعض البشر لو يدوّرني مايلقاني
وبعض البشر لويجاذب سيرتي جيتـه

لا تنشغل خلّنـي يـاسـيـد خـلانـي
استسمحك وقتي اللي معك مضيّته

قل فارس الحلم خليته وخلاني ..
أو قول بالعكس خــلانـي وخـلـيـتـه

ياسيفي ودرعي وخيلي وميـدانـي
البيرق المنكسر لرضاك رزيته

أموت من ضيقتي مير الله أحياني
وجوارحي معك لاحيه.. ولا ميته ..

[SIRAJ Al YAMI @iv0qq]

ارسلت لك واجد ولارديت
صبح على يوم الفراق ومس

انا تراني من غلاك ازريت
وبحاول اجس المفارق جس

كانك ليا ذاللحين ماحسيت
والله العظيم انك ماعاد تحس

ما ابيك تتبعني ليا قفيت
ابيك تذكرني بالخير وبس

[SIRAJ Al YAMI @iv0qq]

المكان اللي بدون شعور مريته مسير
ذكرياته قبل لا نكبر على أيامه كبيره

كل شيٍ في مكانه يوم جيته ما تغير
وكل شيٍ فيه روح و كل شيٍ فيه سيره

كل شيٍ غير أنا وياك يالخشف المذير
من تغطرسنا وحملنا الزمن ذنب وجريره

الغرور اللي حدانا عن بعض ملعون خير
ما تركنا للأسف حتى تركنا بألف حيره

آسفين لكل يومٍ حاول يمر و يغير
وآسفين لكل شخص وآسفين لكل ديره

الغلو فـ الأنتظار أستنزف العمر القصير
مرت أيامٍ غنايمها ولو عادت كثيره

ليت نرجع مثل ماكنا وأشوفك ياصغير
جاي في نفس المكان ورايح بنفس الوتيره

صاحبك ماعاد عنده عمر يندم و يتحير
يايكون اليوم أسيرك ياتكون اليوم أسيره

لا تخيرني شف اللي تشتهي وانت المخير
الشغف بيني وبينك في لياليه الاخيره

[SIRAJ Al YAMI @iv0qq]

أخذ حقك يا مساي الصبح له قصه طويله
تستحق التضحيه .. و إلالتفاته .. و العنايه

من كثر مانيب عايش نشوة الذكرى الجميله
كني إللي ماخذٍ .. حقه بما فيه " الكفايه "

الهوى ماهوب علّه !.. لو " تفاصيله عليله "
الصحيح أشوف تعريف الهوى مثل الهوايه

بـ آتقدم لين أجيب الكايده .. و المستحيله
التقدم لـ الهدف !.. ماجوب و الصده جنايه

أوّل ( الأمال ) كانت بين يوم !.. و بين ليله
و أخر الامال .. من عندي " إلى مالا نهايه "

يوم أعلق مجمل احلامي على طارف جديله
من ورا عيني طموح : و من ورا صدري روايه

من يقول إن البدايه شي !.. ما تلقى مثيله
هذا أنا في كل يوم أعيش لذات البدايه

القبال إللي يكفي في عيوني عن " قبيله "
حطه الله لـ الجمال إللي يشد العالم آيه

لامشى و العود مابين أعتدال : و بين ميله
لا غرابه لو يطول الصمت و تطول الحكايه

ما سمعنا فـ الوجيه يضيع غواي : و دليله
و في حرم وجهه سمعنا عن ثلاث الآف تايه

العيون الناعسات .. إللي محاجرها ظليله
لو لمحها الأمي أبدع فـ الكتابه : و القرايه

مستحيل يشوف مثله فـ البشر نسبة قليله
مايشوف أشباهه إلا فـ الصور : و فـ المرايه

فـ المحبه ؟.. لا مراد ولا سبيل : إلا سبيله
أعشقه و أشوف وجهه كل مطلع صبح غايه

[SIRAJ Al YAMI @iv0qq]

مرحبا يا اصدقاء يقول لك ...

-

الطيبه الزيده ما ندري هي عيب ولا شي زين ،
من وجهة نظري الطيبه الزيده زينه و جميله
ولكن تعطى لمن يستحقها .. وهذي ترجع للعقليه

في مجريات الحياة العقل دربه دليل
اسرافك الزايد بطيبك بلا فايده

حاول تجي معتدل ويصير مالك مثيل
ما ينكب الطيّب الا الطيبه الزايده .