ــــــــــــــ

جسورٍ على الشده وصبورٍ .. على الأتعاب .

[ــــــــــــــ @iwiiip]

لقد غفرنا حتى كرهنا.

[ــــــــــــــ @iwiiip]

أنا ماهمني لا صار سيلي عارفٍ - مجراه
أبفرش ضحكتي بعيون كل اللي يمروني

أنا لاني طريقٍ محدٍ صابرٍ — على ممشاه
ولاني دربٍ اخضر كل من جوني تمشوني

وأنا ماني بـ بحرٍ كل من جاني شرب من ماه
أنا صفحه من التاريخ تذكرني — ما تنساني .

[ــــــــــــــ @iwiiip]

لو تزوّجها البخيل تمرجله وتشب ضوّه
خل عاد عيالها اللي يعرقُون في والديها .

— ناصر بن مفلح

[ــــــــــــــ @iwiiip]

آه من وجهٍ - تجهّامه مسرّه
و ضحكةٍ ما ودّك إلا تلتهمها

مرّةٍ تتهمه ظنُوني — و مرّه
أنقلب على ظنوني و أتّهمها .

[ــــــــــــــ @iwiiip]

جادلٍ فرّق هدبها جيوشٍ عن جيوش
مدهشه في كل شي والمفاتن مدهشه

كل خدٍ مستظلٍ هدب سود الرموش
ردفها ثقل ووقارٍ وفي الخصر خرِشه

ناقز الوركين خطرٍ يشوش الثوب شوش
كم تمزّق فوقهٍ — من جديد الأقمشه

في النحر عرشين ماهن مثل باق العروش
كلّ نهْدٍ —— فوق عرشه تطربش طربشه .

[ــــــــــــــ @iwiiip]

عنقا وُسيعة عين والجسم مرسوم
والخصر — مثل الداب يوم يتلوّى

كن الخصر ظامر عن الزّاد محروم
والردف - لا شال الملابس تطوّى .

[ــــــــــــــ @iwiiip]

يا هيبة العز يا بنت السّرايا والسيوف
يا ذخر من يرّكي العايل على صاريفها

يوم المعارك ودقّلات السرايا تطوف
ترعى الخطر بالمشوك في رهَا ريفها

انتي هوى البال يا منّوة بعاد الشفوف
يا بنت قومٍ على العليا — مشاريفها

عنقا يضيع بحلاها كل شاعر يِشُوف
ساطي بهاها وعذّب الزين في ريفها .

[ــــــــــــــ @iwiiip]

وقطع كبدي ردفها — كل ما بان
مهما نغض الطرف مامن سلامه

العود عود البان - والصدر رمّان
والموت شيٍ مثل صدر الحمامه .

[ــــــــــــــ @iwiiip]

« لا تحسب إن الظروف تحدّني من دونك
كل ظرف أنطحه وجهي — وأخيب ظنه

مستعد أبيع عمري لأجل - أشوف عيونك
ويش أبي فالعمر وأنت عيونك أحلى منه » .

— علي آل صبيح

[ــــــــــــــ @iwiiip]

طلّة محيا العيُوف اللي غلاها عفيف
فيها الكبر ّو الغيا و الغطّرسه و الحلا

ما بين سحر المفاتن و الضمير النظيف
وشلون ما أقول تفرق عن جميع الملا

العود ماله شبه و الوجه ماله وصيف
جمالها — يستحق التضحية و الولا

في صوتها من قناد الراس فنجال كيف
لو كان ما تنطق — إلا مرحبا يا هلا .

[ــــــــــــــ @iwiiip]

« توحشتك و أحس أن الأرا��ي تنطوي بي طيِّ
عليك من الرحابة كثر ما صرت أختنق فيها » .

[ــــــــــــــ @iwiiip]

كنت ابيك تكون شي وصرت شيٍ ثاني
والخطا ماهو خطاك انا الخطا بعيونه

يوم اهيم بصُوتك الفيروزي الرحباني
وآتخيل كل كلمة من فمك موزونه

خاب ظني —— ليت ظني فيك ماخلاني
ابني احلامي على حاجه ماهي مضمُونه

وليت ماجاني من احساس النّدم ماجاني
شيٍ يحطم صمِيم القلب — قبل ركونه .

[ــــــــــــــ @iwiiip]

الذكريات - اللي يلاعبني هواها كل حين
على مرارة قسوة الدنيا - ماهيب محلّيه

أحس بإحساس متقلّب لا سعيد ولا حزين
واعيش - وظروف الحياة معلّيه ومدلّية

تمرني لحظات ، آردد " تالي الدنيا تزين "
وتمرّني لحظات - اقول ان الامور م��لّية .

—عبدالله السراهيد

[ــــــــــــــ @iwiiip]

تعال مالي سوى طيفك رفيق و جليس
وأسبوعي يمر من دونك عذاب ونكد

ماشفت عصر الربوع وشفت يوم الخميس
أتمر كنها صباح السبت —— و إلا الأحد ! .

[ــــــــــــــ @iwiiip]

بين عفويّة - مزاجي وبين العنفوان
أعطي العالم على قدرها وأسلوبها .

[ــــــــــــــ @iwiiip]

" لي قلب من شيمته لا من جفْته القلوب
صد ومعه كلمةٍ تجرح ——— ولا قالها " .

— مطلق الجبعاء

[ــــــــــــــ @iwiiip]

« كان عمري قبل يوم اللقاء عشرين عام
ومن لقيتك صار لقياك ساعة مولدي » .

— مبارك بن ناصر

[ــــــــــــــ @iwiiip]

« أنشدوا شاري الراحة شراها منين؟
ودي أشوف راحة غير راحة يدي » .

— فلاح المورقي

[ــــــــــــــ @iwiiip]

بداية كل ثوّرة كبرياء من نظرة أسّتعطاف
وش أسوي - وانا راسي عزيز وقلبي مُوالي .

[ــــــــــــــ @iwiiip]

اعلن مراسيم الوداع ان كنت للفرقى شغوف
شد الرّحال —— ومالك الا الي يلقيك القفى

الي يجي حسب الظروف اودّعه حسب ظروف
قلبي مع الي بايع العشره مثل صم الصفى

حتى «احبك » بعتبرها كلمة من اربع حروف
وانت اعتبرها مثل ماودّك - وصل ولا جفى .

[ــــــــــــــ @iwiiip]

والله انك سالفة قلبي الوحيده
كل ما جيت أنّزعك منه هربتي
ㅤ
يا عيُون اللي محاضيبه بعيده
ما دريت اني أحبّك لين - غبتي .

- جابر البطحي