متعب العطاوي

" شعور وذائقه "

[متعب العطاوي @ixquii]

ربّاني الشعر يوم الشعر سلّاكم

[متعب العطاوي @ixquii]

خبريهم ياطيور الصبح عنّا
لا شربتي الماء من كفٍ كريمه

[متعب العطاوي @ixquii]

الا يا وليفي سيطرتكم تولتني
كتب حبكم في القلب وموضحٍ كتبه

اشهّد على حبك ملوكٍ على متني
ويشخط ضميري من ونينٍ تنهت به

اراعيك بـ الذكرى وذكرك يقوتني
ولو غاب ذكرك ويش عاد اتقوت به

انا لا بغيت اسج عن صورتك جتني
مع الطيف والا علمك الناس ما جات به

[متعب العطاوي @ixquii]

اشرب من دلتك لو كلها سم
ما اهز فنجالك ولا اقول كافي

ما دام من يمناك وتقول لي سمّ
بسم الله اشرب كل سمّك عوافي

[متعب العطاوي @ixquii]

اشيل ما شالته ظهور البعارين
ماهوب انا اللي ما تشيله عظامه

والشمس غابت فوق روس الضلاعين
وليل الهموم اسدل علينا ظلامه

وبكره ما ندري تطلع الشمس من وين
والله ما ندري لو تقوم القيامه

[متعب العطاوي @ixquii]

اما نعيش بـ عز في راس قمّه
والا على الايام ما به حسافات

[متعب العطاوي @ixquii]

ما بين حلم الادمي والعزيمه
حذفة عصى للي يروم الصعيبات

وان كان بدلت العزم بـ الهزيمه
قبر الفشل وان طحت به قيل موّات

عمرٍ بليا حلم ما فيه قيمه
كنّه شبيه القاع ما يظهر نبات

واحلام عمرك لا تعوّد عقيمه
والمجد كايد ما يجي بـ السهالات

[متعب العطاوي @ixquii]

احمل طموحاتي على كف الايام
واقابل الدنيا بـ صبر وشراسه

وما زلت اعاني من شقى جور الايام
ولا زالت الاحلام قيد الدراسه

[متعب العطاوي @ixquii]

لا تعنّز على كتفي وانا طايح
اصبر شوي لين الله يزيّنها

[متعب العطاوي @ixquii]

ترا يا ابو فيصل طول عمر الفتى مشوار
سرحت بـ عسل وامسيت في يدين عسّالي

ولا تنفع الدنيا ليا صار لك ما صار
نهار الفراق ورايع الفي ينزالي

ترا فـ الرجال معبّر الصاع والقنطار
و احد يكتلي و احدٍ من الناس يكتالي

لكن اضرب الكايد اليا عمست الابصار
ليا من ولد اللاش شال القلص فالي

[متعب العطاوي @ixquii]

مضغوط نفسياً ومرهق من العام
اكافح اخلاقي واجاهد مزاجي

لا قلت هانت والمسرات قدام
خيّم على عيني ما يعقّد حجاجي

[متعب العطاوي @ixquii]

البارحه يوم المخاليق رقاد
ما طب حلو النوم عين الشقاوي

صبري مثل صبر المهادي ولا فاد
واليوم انا للصبر ماني بـ قاوي

وقفت للدنيا على كل مرصاد
واثر السعاده ما تجي بـ المناوي

[متعب العطاوي @ixquii]

قلته وانا من عزوةٍ مزحميه
الاد روق مخرّقين الطوابير

خصٍ بني عمي ذخاير عطيه
متيهت سحج البكار المعاشير

فعولنا تشهد لها العرفجيه
وفي ضفنا تغزي شيوخ مشاهير

تشهد معارك تين والجوهريه
وابن رشيد اللي غزانا على النير

وحنا سوا ما عندنا عنصريه
برقا وروق مسمرة نجد تسمير

[متعب العطاوي @ixquii]

تزاحموا ضدي ملاعين الارقاب
كلٍ يبي حقة بـ ضربة يمينه

وحوّلت محوالٍ على كل الاشناب
واخذتهم في ملعبي حصة رهينه

وخليتهم طعمٍ من الناب للناب
ودعست فوق ارقابهم من غبينه

ماني ولد قومٍ تبهذل وتنساب
انا ولد قومٍ فعايلهم سمينه

[متعب العطاوي @ixquii]

انا ولد روق ولده تخسى العواذل ويخسون
ناسٍ تحسب قلوبنا سهله وصيدة من يصيد

للقلب بين ضلوعنا قاضي وزنزانة سجون
وسلوم وعلوم ومبادٍ قيدها حكمه جويد

[متعب العطاوي @ixquii]

اقبل الصبح بعد الليل بيّح كنيني
لين دمعي تعذّر ثم مشى في سبيله

[متعب العطاوي @ixquii]

مشاعري بين القلق والارتياب
متى يموت الشك ويعيش اليقين

ما كنت اهاب وتالي الايام اهاب
ما اخاف فيني ضعف اخاف ان فيّ عين

اطرد ورا احلامي تقول اطرد سراب
ومعلق امالي على بكره تزين

شيبت من قلبي وانا توي شباب
عندي جهالة قلب لو عقلي رزين

[متعب العطاوي @ixquii]

ان حضرنا ندحم القوم بـ الجنب المتين
وان جرحنا يبطي الجرح منا ما برى

ومن تقدم من عتيبه ترانا فايزين
كلنا بـ الاسم والفعل والراي خشرى

يا عتيبه تاج راسي كعام العايلين
فزعة المضهود لا رد مردود البرى

عزوةٍ ما تنحني للخصوم ولا تلين
تصطفق من قمة طويق الى قمة كرى

[متعب العطاوي @ixquii]

متى تنفرج وافر من حزني القتال
واراهن على مستقبلي وانطل احزاني

ما عاد اعشق الماضي ولا اداني الاطلال
احس ان عمري راح وابغى عمر ثاني

[متعب العطاوي @ixquii]

الايمان بالله لا ضعف يضعف الرجال
دخيلك يارب البيت لا يضعف ايماني

يا غيّاث .. اغثني والله اني وصلت لـ حال
ما يفهمني الا واحدٍ جاه ما جاني

[متعب العطاوي @ixquii]

يا مل عينٍ لو ان الناس هجّاعه
تسري عليها الطواري لين تفحمني

بي علةٍ بين عوج الصدر واضلاعه
واليا صحت ما تجنّب لين تعطبني