مُنعزل ☪︎

[مُنعزل ☪︎ @ixx_93]

- الليل هذا غيييير .. ساعاته ثقال
قلبي وقف .. حارس .. على بوابته

واحس بالغربة واحس اني سؤال
تاهت على وجه الزمان .. إجابته .

[مُنعزل ☪︎ @ixx_93]

- لا شعرت ان المواصل يذل النفسّ
كابر حتى لو أنك من الشوق ميّت .

[مُنعزل ☪︎ @ixx_93]

سيرة ذاتية :

- انا لي قلب لا يخدع ولا يكذب ولا ينهان
كريم في عطاه .. ويبتعد لا شاف ما يكره .

[مُنعزل ☪︎ @ixx_93]

اصبحنا واصبح الملك لله امّا بعد :

- يا الله إنّك تغفر لمن هو نسى يستغفر
و ترحم اللي ما ترك ذرّيةٍ .. تدعي له .

[مُنعزل ☪︎ @ixx_93]

هالفترة بالذّات زلة زلتين والثالثة :

- أجفاك وأنساك وأقطع عرفك وعادي
لو إن صداقتك منقوشه ومنطبعه .

_ الواحد يالله يداري روحه .

[مُنعزل ☪︎ @ixx_93]

عموماً الإنسان يمر بضغوطات نفسيه
مما يؤدي للعزله وضيق الخاطر

وقيل على سياق ذلك :
- ضايق وحالي ماش وعلومي علوم
ودي اهج من ضيقتي ومن هدومي

مرهق واعاني هم .. واطيح واقوم
يا ضيقة الخاطر عن الصدر قومي .

[مُنعزل ☪︎ @ixx_93]

- يشد فيني الحنين لماضي أيامي
وأحن له كثر ماهو داخلي يقسى

مهما تمر السنين وتمضي أعوامي
مازلت مشتاق إلى أيام لا تُنسى .

[مُنعزل ☪︎ @ixx_93]

- وفري كل الكلام المغلف بالحنين
تحسبين انه " يأثر " وانا متشاينه

مامشيت الا وانا عايف ، وعندي يقين
القلوب ان ذاقت الغبن ، ماهيب لاينه

رحت لا مكسور خاطر ولاشكلي حزين
وحافظً قلبي من العابثين .. وصاينه

وكنت طيب معك لاخر دقيقة وش تبين
يكفي اني رحت: ماقلت لك ياخاينة

[مُنعزل ☪︎ @ixx_93]

- حصيلي من الفرقا مواجع و دمعٍ حار
و تنهاتةٍ توجع — ضلوعي و تحييني

علىَ اللي رحل مني و قفّى و أنا محتار
و هو قد حلف لي قبلها ما يخليني ! .

[مُنعزل ☪︎ @ixx_93]

- جرحك تبيّن على الوجه وعلى النبره
الكل شافوه و انت تقول وش يعني !

هذا القسى فيك ما اعرفه ولا اخبره
بس اعرفك واحدٍ ما كنت توجعني .

[مُنعزل ☪︎ @ixx_93]

- الشوارع كئيبة .. و المدينة تحيّر
والقلق منتشر ، بين البشر والمباني

أختفي ، وأتضايق ، وأحترق ، واتغيّر
في مكاني واحس اني ماني في مكاني

ليت الأيام ترجع بي يوم إني صغيّر
للهوى .. للفيافي .. للصبا .. للأماني

الشغف قل .. والعمر القصيّر قصيّر
غير هذا العُمر .. محتاج لي عمر ثاني .

[مُنعزل ☪︎ @ixx_93]

قاعدة ثابتة :

- العشرة الي صابها قل تقدير
نكسي لها ثوب الفراق يحشمها .

[مُنعزل ☪︎ @ixx_93]

- من قلة النوم وجهي صـار متغيّر
ذابل وشاحب وانا عارف وش اسبابه

عز الله اني بحاجة .. نومة صغيّر
كبس عليه المنام .. ونام بثيابه .

[مُنعزل ☪︎ @ixx_93]

- يوم فضلت انعزالي على كل اجتماع
استرحت وصارت الراحة ألزم ما علي .

[مُنعزل ☪︎ @ixx_93]

- أحس إنّي بديت أتثاقل الخطوة
كأن الأرض ما تتحمّل أقدامي

تسيّرني مقاديري على القسوة
مع إني ما قسيت إلا على أحلامي

عسى ما بيني وبين الفرح فجوة
عسى ما ينتهي صبري وأنا ظامي .

[مُنعزل ☪︎ @ixx_93]

- أنا من كثر ما عشت الجروح اللي من الخلان
أخاف أحس بالخذلان من ظلي وهو ظلي .

[مُنعزل ☪︎ @ixx_93]

باب ما جاء في الأمل :

- لو تقتحمني عاصفة و تزلزل أركاني رياح
صوت الأمل فيني يقول إن العواصف .. بتهدا .

[مُنعزل ☪︎ @ixx_93]

- تعبت احاول في وصالك ولافاد
الظاهر انه بالجفا زان وضعك .

[مُنعزل ☪︎ @ixx_93]

- لا تكبّر الهقوة ترى الناس تخذلك
وخل الثقه بحدود واحسن نواياك

واحرص على فعلٍ جميلٍ يجمّلك 
وخلك كريم أخلاق والطيب مبداك .

[مُنعزل ☪︎ @ixx_93]

صباح الخير أمّا بعد :
- فوّضت لك يا خالقي .. دقّ الامور وجلّها .