zead

اللهم ارحم نادر

[zead @iz3_7n]

اعتقوني واتركوني فـ انعزالي
يكفي اللي راح من عمري انهابه

ايه انا مرتاح يوم اني لحالي
ونفسي ارتاحت على جو الكأبه

بايعوني بين ظني واحتمالي
ما بقى في صدري الضايق رحابه

السوال اللي قريته من خلالي!؟
ليتني مغنيه من باب الدعابه

اشرحوا لي وش فهمتم من سوالي
ودي اسمع شرحكم قبل الاجابه

من يشوف ان صدري من الهم خالي
لا يناقشني ولا يكثر عتابه

عيشتي لو عاشها واحد بدالي
كان ذاق الهم في زهرة شبابه

قلتها ما هوب من باب التعالي
الاوادم تختلف عند المجابه

عند جم الطيب ما تقصر حبالي
واثق فـ نفسي ولا فيها غرابه

النعم تحتاج واحد ضغط عالي
فزعته عجله لا وقف عند بابه

اللاوازم في حجى اللي ما يمالي
تنقضي وتزيد راعيها مهابه

بالكلام المختصر مرتاح بالي
لو ظنون الناس فيني ما تشابه

عارف نفسي وعرفي راس مالي
لو حياتي كلها راحت طلابه

بين طب النفس والصدر الشمالي
رحلة ماهيب وقفه وانقلابه

رحلة اللي راح من مرباه جالي
وما قدر يشكي على العالم مصابه

زبدة الموضوع من رحلة نضالي
غبت غيبة غالي يوجع غيابه

ولا بقى لي في حياتي شخص غالي
كلهم راحو مراويح السحابة

راحت اعصابي ضحية لانفعالي
لو علاجي فالقصيد و فالكتابه

يا خيالات الصداقه ما بقى لي
غير دعوه وانتظر وقت استجابة

[zead @iz3_7n]

حاول تخلي جلستك عند العرب ركعة وتر
خفيفة تقضي لزومك كل ما صليتها

وحاول تخلي كلمتك عند العرب ليلة قدر
كل يدورها ولا يدري متى توقيتها

وحاول تخلي كلمتك وقت العتب رشة عطر
يفطن لها المخطي ولا تندم إذا رشيتها

سعد علوش

[zead @iz3_7n]

ياما عطيت القدم لمتاهات الطريق
وياما عطتني الليال الغبر مرسولها

وياما هقيت اني الناجي وصرت الغريق
والناس لولا التجارب ضاعت عقولها

وأنا مع العز لي سيرة وحبل وثيق
وثيابي اللي علي طولي وانا طولها

ماقلت تكفى لأحد حتى وانا مستضيق
من خوف لا يحسبني دايم اقولها .

[zead @iz3_7n]

اللهم صلي وسلم على نبينا محمد

[zead @iz3_7n]

إن كانها ماجات بالطيب طيّب
حنا نحب الحاجة اللي تجي طرق

عن الردى والموقف اللي يعيّب
تردنا عادات . . . ويجرنا عرق

اليا رضينا كنها . . رش صيّب
و اليا زعلنا كنها صاعقة برق .

[zead @iz3_7n]

باقي معي ضحكه لكن بدون صوت
حاول يشوها الزمن ولا قوى

[zead @iz3_7n]

حتى أسمي كان عادي لين قلته
صار مثل العود في نغمه عبادي

[zead @iz3_7n]

الحمد لله صرت متعود على كل الظروف
لو كان نفسي في بعض الأحيان تتبع غيها

حتى الحياه اللي من أول كنت الحقها حسوف
ما عاد أفكر لا في واجدها ولا في شويها

[zead @iz3_7n]

مو شرط تصبح كل الأوقات لمّاح
" ترى التغابي من فنون الذهانه

[zead @iz3_7n]

الهنوف اللي تزين ولا تزينها القلايد
القلايد لابغيت الصدق تزهى في نحرها

والله ان الشاعر اللي مالي الدنيا قصايد
كنها تربط لسانه مثل ما تربط شعرها

الغزل صار بنظرها عادةٍ ضمن العوايد
نادر اللي لا مدح في زينها يلفت نظرها

[zead @iz3_7n]

قال السموحة كنت أحاربك لي عام
قلت السموحة منك ما كنت داري

عايض العاطفي

[zead @iz3_7n]

تجتمع فيك البراءه وكيد الغاويه
فيك غنج الغواني ومن طهر الطفل

تنشديني كيف طلتك وأنتي ناهيه
يا غزال كل ما قلت أبا أصيده جفل

[zead @iz3_7n]

كم رفيقٍ ودنا به على قيد الحياه
وكم رديٍ يبطي الموت عيا مايجيه

[zead @iz3_7n]

هنا آخر لقاء وأول محطات الاستنزاف
مكانٍ كراسيه تسولف عن أشواقي

عطيته سنين وقلب وأبيات ما تنعاف
ورجّع لي أبياتي ولا رجّع الباقي

أنا بأخر أيّامه سمعت الكلام الجاف
وكذّبت سمعي لو تشهد له أحداقي

وبعد ما نطق في تالي الليلة اسمي حاف؟
عرفت إن العربون في ليلة فراقي

[zead @iz3_7n]

@paywithtabby 13

[zead @iz3_7n]

@Tasooma1998 15

[zead @iz3_7n]

@bandar141502 16

[zead @iz3_7n]

@Villa_Capital 16

[zead @iz3_7n]

@RiyadBank 25