يالله لا تجعلنا من اللي طاعوا إبليس الرجيم
أهل الوجيه المشمئزه.. والنفوس الطامنه
لا ضاعوا أصحاب اليسار من الطريق المستقيم
ألطف بنا .. يا الله .. ويامنّا مع المتيامنه
البنات اللي يدورون الوظيفه دواره او يحطونها شرط من شروط الزواج ما ادري كيف يفكرون
لو كنت بنت مابي اتوظف اصلاً ابي اكون مرتاح بالبيت ومصروفي يجيني لين عندي وانام واصحى متى ما ابي
عاطل؟
استلف مبلغ من اهلك
سجل في وقت اللياقة الاحمر
رح الفروع اللي في احياء الاغنياء بمدينتك
رح المسبح كل يوم الصباح اول ما يفتح النادي
سولف مع الشيبان الاغنياء في المسبح
كون علاقات .. خلهم يوظفونك
سدد السلف من اول راتب
مبروك
والله اني احب الانسان المكافح فالحياة حتى لو انه مايجني ثماره ولا يعيّن شي ، يطيح ويقوم لين تزين اموره .. كل شي ولا الضعف والمهونه وتصير عاله على اللي حولك ، وحتى الاسلام حث على القوه والمؤمن القوي خير من الضعيف
امانتك امانه مُوت لا تطلب الاجناب
لو انه مايبقى معك الا (يدك كُلها)
يا اخوان ويا اخوات احسنوا للصغير والكبير ، واقاربكم واللي عنده وظيفه يتفقد احوال اللي حوله ويعطي والديه واخته واخيه والعاطل وان ما لقى ما يِعطَى فيعطيهم كلمة طيبه ويكف الاذى عنهم بلسانه ويده .. وعلى ما قال المتنبي لا خيل عندك تهديها ولا مال، فليسعد النطق ان لم تسعد الحال