دبلوماسي سابقاً .

في متاهات الافكار . . وكثرة الاوهام
انقضى صبري والمزاج اختلف طبعه

[دبلوماسي سابقاً . @j_48x]

عفى الله عن حالٍ براه الزمان الشين
ولا عاد باقي من عزومه سوى صبره .

[دبلوماسي سابقاً . @j_48x]

يقول مدغم ابو شيبة :

بكيتك من الفرقا وأنا دمع عيني حار
سلامٍ على الشرهه والاخر على المنقود

يقولون من طينة محنّه وقلبك بار
لا والله من طينة عذاب وجفا وصدود

خذيت الهوى طيش وعبث حب وأستهتار
على قولة العربان ( عيب وعليه شهود )

تبريت منّي والوفا فيك طير وطار
عساك آخر العنقود منت أوّل العنقود

مخليني أعجوبة زمن في طريق المار
مضحك بي العاقل مشمت بي المقرود

لاني داخل الصوره ولا خارج الايطار
عدوّك وأنا غايب حبيبك وأنا موجود

ورغم ماتسوّي بي مسامح على ماصار
وخيرك كثير وموقفك ماعنه منشود

معك مابعد عديت عمري من الاعمار
مخليه ريشه بين أصابع هبوب النود

تذكر ولك بالذكر ( مالك من الاسفار )
تذكر وخل الذاكره بالزمان تعود

تذكر يوم أن حدود وصلك ثلاث أمتار
تخطيتها ماكنّ ذيك الحدود حدود

أحس أنّي أبحر فالسفينه مع البحار
وأنا أقول يالبّا هذيك الوساع السود

أغازل حورها وأنصب لرمشها تذكار
وأثمن عطاياها وهي ماوراها فود

تذكّر وأنا ويّاك في لمّة السمار
تقول البرا مردود أقول البرا مردود

توارت نجومه يوم لدّت لي الانظار
طلع في عيون الناس مهوب ذاك الزود

فتحت الك صدري ياحبيبي زرار زرار
هذا بيتك وبيت أمّك وبيت أبوك العود

[عليّ @qrsees]

عليه السلام إن كان عاده يبي المرجاع
و عليه الملام إذا المحبّه تجاهلهـا

_ شهر اكتوبر لك عذر .

[وهّاج @_3jim]

وعلى كل كسرة خاطر وكل جرح شعور
تمونين وقلوب المحبين دمّاحه

لو يحول دون الحلم بيدا وسبع بحور
معي مايقرّب ديرته مشي وسباحه

- صالح النشيرا

[دبلوماسي سابقاً . @j_48x]

"زاهدٍ برغبات العمر و أحارب الظلمة بنور
كريم نفسٍ .. يجمّل ايامه و هي ما تجمّله"

[دبلوماسي سابقاً . @j_48x]

- في اثبات المحبه رغم البُعد قال سعد بن جدلان /

" مُرني لا تاه دربك من زِحام الحياه
الغلا اللي رحت منه على حطت يدك"

[‏᷂عسر٨٨ @Qhta10ni]

تظاهرت الصلابه والجبل يقسم صفاه السيل
لو انّ حتى حفيف الريح يربك وقفة ظلالي

وحيد اكافح يْدين المصايب مابرد لي حيل
وانا لا مرت الذكرى عليّ تنكّس عقالي

[- @___C1o]

- عندما أخبرني أحدهم انّهُ مُعجبٌ بـ صلابتي ، شعرتُ بالرغبة في البكاء .

- دوستويفيسكي .

تقطعت كبدي من الحزن والخوف
حزني على روحي .. و خوفي عليها

بكيت حتى خفت لايطلع الشوف
مع الدموع اللي غدا الشوف فيها

أنا ضحيّة فقد وذنوب وظروف
يكفي ، لتدمير أي طيّب حديها .

[دبلوماسي سابقاً . @j_48x]

لحقت علينا شدة الوقت ياجد
مـعاد مـنا غـير مـعاد مـنا
بالله ياجور الزمن حاسب وهد
على اهل دندن وهل ابو ماتمنا
ياشينها لاصرت طيب ومنحد
القل منا والمواجيب منا
يالله ياللي بيدك المنع والمد
افزع لنا لاشحو الناس عنا

[عبدالله ، @twakt7s]

تعاتبنا بـ قسوه لين شفتك للغياب إرتحت
ذبل فيك الغلا ، و اللّي بقى ماعاد يلزمني

تساميت، و خذتني عزتي عن كل شي و رحت
و أنا في كل خطوة كنت منتظرك تكلمني
* ناصر مناحي

[دبلوماسي سابقاً . @j_48x]

عليك الغلاّ مردود يالغايب الموجود
سوالفك غابت مير طواريك ماغابت

غيابك حضورً له بصدر البيوت شهود
وش اللي يغيب ضحكتك والغلا ثابت ؟

احنك مثل ماحن وجهي من المنقود
وأعدك ليا عديت ،، الأيام وش جابت !

- ابو شيبة

[دبلوماسي سابقاً . @j_48x]

الفتره هاذي على ماقيل

مافيه أشد من المشاغل والظروف
اللي تجي في وقت واحد ،، كلها

[‏وهم @rrcv0]

أعيش في حالة استنكار ذات وشعور
و وصلت نقطه غريبة .. ما تصوّرتها

أحس روحي لحقها قِل جهد وفتور
من كثر ما احترت في احلامي وحيّرتها

أنا قبل ساعتين، وعام، وأربع شهور
نفذت من غلطة "الشاطر" وكرّرتها

[دبلوماسي سابقاً . @j_48x]

من لم يزرنا والديارُ مخيفةٍ
لا مرحباً بهِ ،، والديارُ أمان
- عباس العقاد

ما دام غبت بالساعة ام المعارك
مالي ليا زال الخطر حاجةٍ فيك
- فرحان بن قيران

[دبلوماسي سابقاً . @j_48x]

في داخلي فوضى وزحمة توابيت
موتى وجرحى وناسٍ تبكي وتداوي

مشغول فاضي ماحترم اي توقيت
كل البشر في معجمي بالتساوي

عايش على الدنيا على كف عفريت
لكن بفضل الله .. صابر وقاوي

أحيان من المسجد على طول للبيت
وأحيان لاوالله راعي بلاوي

[دبلوماسي سابقاً . @j_48x]

كما قال فيني عبدالله بن زويبن رحمة الله/

سواقه اللي من سنين الترعراع
ما تاه مع درب الجهل والضياعي

ماذاق شي من الترف والتدلاع
على التعب والهم يرقد وياعي

[دبلوماسي سابقاً . @j_48x]

لو قلت أداوي جَرحي اللي تباطاك
ما كل جرح يفيد فيه الضمادي

أعلنت حبك .. لين كلٍ تمناك
غلطة ! و غيري من خطـاي إستفادي

لو لي مثل قلبك .. تمنيت فرقـاك
و أكيد قبلك بـ الجفا صرت بَادي

حلوه عذاريبك و حلوه مزايـاك
حتى بـ يوم فراقنا كنت هادِي

[مُسْتاء. @eii7h]

كل ما يزعجني هو تحوّلي من شخص
متحدث إلى شخص صامت لو ثقل
الجبال فوق صدره ما نطق بحرف
وفي رواية اخرى:"يقولون ساكت ليه
ماتسمع الأصوات / وانا لي حوالي
عام اسولف على الصّامت".

[مُسْتاء. @eii7h]

أغلب انسحاباتي من باب:
"ماعاد اكلم ولا اسمع من يكلمني
مطفي الراس و مضيّع مفاتيحه".

[دبلوماسي سابقاً . @j_48x]

لي حوالي سنه مانيب اخوشمه
ضايق البال ماني رايق البالي

مغترب لاقريب ولاأبعد اليمه
ليتني ماقربت ومبعد اشوالي

أتصبر وصدري طافحٍ همه
فايضٍ يضرب من الجال للجالي

ضايق الصدرفالغربه ماأحديمه
بين الأجناب كنه فالخلا الخالي

منشغل بالعمل وأقوم بمهمه
ضابطٍ مايشابه رجل الأعمالي

[دبلوماسي سابقاً . @j_48x]

ياطارد السجات جاوبني الصوت
خذني معك من لاهب القيض للفي

سعيت واثر الوقت ماهوب مبخوت
القلب يبغى شي والله امر شي

ماكنت اعرف ابيات بندر ولا بخوت
الا بعد ماصلفقتني السنه ذي

كن في الصدر حرب مثل عين جالوت
نيرانها تاكل ضلوعي وانا حي

واقف على مفرق سنيني ومبهوت
مدري الـوم ولا ارقب شوي