جميل سعد الذيابي

[جميل سعد الذيابي @jamelsaaad]

طعن العدى مايعتبر عندي غريب
بيني وبين أعداي مرفوع العتاب

مير البلاء لن جات من رجلً قريب
اللي تجيني ما حسبت ألها حساب

هذاك جرحً ما يداويه الطبيب
يبقى مكان الجرح حتى لو طاب

دايم تشوف الاثر حتى لو يطيب
وخطرً على عضون يصيبه بالعياب

[جميل سعد الذيابي @jamelsaaad]

كل بابً ينفتح واجب عليك تسده
قبل بابً ينفتح من غير هذا ثاني

وكل حقً للعرب ثابت عليكم سده
لا تحاقر رجل صاحب حق مهما كاني

أطلبه بالطيب والمعروف والا رده
ماش حقً للعرب يروح بالمجاني

مايروح الحق غصبا لو تطول المده
دام قايدنا محمد والملك سلماني

[جميل سعد الذيابي @jamelsaaad]

سبحان علاّم السرائر في القلوب
لو ما نطق عبده يعرف اللي نوى

أحد من أخلاقه ومن طيب محبوب
شيّ من الله فارضه ربي غلىّ

ورجال حبه لجل حاجات محسوب
ماهوب لجل الله والا هو من حلىّ

وربي يعرفك تحب بقلب والا كذوب
والناس تحسب جميع الحب كله سوى

[جميل سعد الذيابي @jamelsaaad]

عليك برجال الكرم والشجاعه
اللي لهم بالدين والطيب مشهود

وأعلم يقين وخل عندك قناعه
مافيه رجل بخيل وضعيف محسود

فإن شفت رجل يعذربونه جماعه
تراه محسودً على الدين والجود

فاصبر وزيد الصبر والطيب طاعه
لو كان ما تجني من الطيب مردود

[جميل سعد الذيابي @jamelsaaad]

ياعزيز النفس لا تطلب من الدنيا بخيل
كيف تطلب من بخيلً ما نفع قرايبه

أطلب الله ربك المعبود مداد الجزيل
والله الرزاق ربً ما يخيب طالبه

واحتزم باللي يحب الطيب كساب الجميل
مايحسب كل شيً يصرفه في واجبه

[جميل سعد الذيابي @jamelsaaad]

يارب عبدً ساجدً لك يسالي
شاف العمار مع الليالي مدابير

وقصرة خطاه اللي منول طوالي
واللي منول سود راحت مغاتير

وطالبك بالجنه وتحقيق أمالي
وفي كل مجلس دعوةً من هل الخير

وخسران رجلً ما يعشق المعالي
والا ذخر له في المراجل مواثير

[جميل سعد الذيابي @jamelsaaad]

سلام ياموطن هل الدين الاخيار
ياغلى وطن تشرق على ظهره الشمس

في السبع مامثلك على الخارطه دار
وحنا حماتك زال باقي لنا رمس

ويغلى ملوك الارض في كل الاقطار
نفداك ياسلمان بالمال والنفس

ويامحمد الممدوح يالقايد البار
لك عهد منا العام ومجددين أمس

[جميل سعد الذيابي @jamelsaaad]

ياللي تسولف في المجالس وتغتاب
وتعد فعلً ماله أثبات واسناد

أوصيك خلك واقعي واحسب أحساب
ترى العرب فيهم عوارف ونقاد

فاحذر تميدح في المجالس بالاكذاب
وتخوض في أعراض الاجاويد الامجاد

المدح في اللي للمواجيب كساب
جديد والا في القدائم وينعاد

أبيات م ق

[جميل سعد الذيابي @jamelsaaad]

ياعظيم ورب عبدً بطاعتك أستعان
خايفً يارب من نارك ومن ذنبي يزيد

مدنا بالدين والدينا ونطلبك الامان
كلها نحبها يارب وامالي بعيد

وفي الختام أطلبك عفوك وفوزً بالجنان
تغفر الذنب القديم وتغفر الذنب الجديد

[جميل سعد الذيابي @jamelsaaad]

كلبونا من كلام المغرضين نعاني
وكل رجاّل يخاف الله عنده غيره

ما يحب اللي يخون الدين والاوطاني
والملوك العادلين وطيبين السيره

عاش قايدنا محمد والملك سلماني
والوطن مافيه فوق الارض مثله ديره

[جميل سعد الذيابي @jamelsaaad]

كلبونا من كلام المغرضين نعاني
وكل رجاّل يخاف الله عنده غيره

ما يحب اللي يخون الدين والاوطاني
والملوك العادلين وطيبين السيره

عاش قايدنا محمد والملك سلماني
والوطن مافيه فوق الارض مثله ديره

[جميل سعد الذيابي @jamelsaaad]

يا رب تجعل لنا عندك مقام وقبول
وتغفر لنا كل ذنبً في حياتي جنيت

ويالعبد ما غير تقوى الله ودينك حلول
ربك إذا جيت تائب من ذنوبك نجيت

الباب مفتوح للي يطلبون الدخول
مافيه حارس يردك لن سجدت ودعيت

ويالعبد مهما صعدت اليوم بكره نزول
وما تزرعه في حياتك بعد موتك لقيت

[جميل سعد الذيابي @jamelsaaad]

النفس للدين والارزاق محتاجه
وان كان تقدر على الثنتين فاكسبها

الدين عز الفتى والمرجله تاجه
فاوصيك بالمرجله والدين تكسبها

وان شفت دنياك قدمك دوم منعاجه
تفقد. النفس وش فيها وحاسبها

وقم في آخر الليل واطلب ربك وناجه
وشف حاجةً غير الاولى ثم جربها

[جميل سعد الذيابي @jamelsaaad]

أعرف أن العبد مهما عاش للقبر محمول
وكل شيًً قدم عيني بالكتاب مسجلات

وان نشدني ربي المعبود عنها وش نقول
ياكريم الوجه عفوك وفي القبر الثبات

وانصحك يصاحبي تطلب الله بالقبول
وقدم التوبه ويغفر لك جميع الاولات

[جميل سعد الذيابي @jamelsaaad]

كل شيً له علاج وحطله ربي حلول
غير موت الناس ماله علاج ولا نجات

والله أن العبد ميت ولو عمره يطول
تابع الحالات والواتس كم اليوم مات

الليال جداد والعمر يومًي في نزول
والبنادم مايحسب حساب المقبلات

مادراء أن المال واصحابه بعد مده يزول
غير شيً قدمه من حساني باقيات

[جميل سعد الذيابي @jamelsaaad]

نوفي حقوق الرجال وعندنا ماتضيع
وإذا تجمل رجالً في كا فيتها

أنا وفي غير مع ناكرين الصنيع
ومن ينكر الطيب والمعروف ماجيتها

واللي على شان دنيا للكرامه تبيع
واللي يخون الوطن والدين عاديتها

واللي يخون الصديق وللامانه يبيع
ماله عليّه حقوق أن كان خليتها

[جميل سعد الذيابي @jamelsaaad]

يارب بعد العصر قدام الغروب
في يوم جمعه فيه دعواتً تجاب

وانت الذي بيديك مفتاح القلوب
وفي ساعةً تفتح بها كل الابواب

نسالك الجنه وغفران الذنوب
والعفو في مافات في يوم الحساب

في ساعةً صم الحجر فيها يذوب
من عظم هول اليوم فيه الطفل شاب

[جميل سعد الذيابي @jamelsaaad]

كل رجلًً يالمكارم والمراجل وده
وفيهم اللي قادرين وفيهم العجزاني

المراجل ضلع محتاجً جهود وعده
وصنف واصل قمته واصناف قول لساني

فيهم اللي كل حقً للرجال يسده
وفيهم اللي ما يفيدك والثنين أخواني

ماعرفت الطيّب الا يوم وقت الشده
بالتجارب والشايد كل شيًّ باني

[جميل سعد الذيابي @jamelsaaad]

يالله ياللي خلقت النار والجنه
ولكل وحده فريقً داخلً فيها

وحده لاهل طاعتك واللي على السنه
والثانيه للعصاة الرب حاسيها

أمنت بك ياكريم ومحسن الظنه
يارب نفسي على طاعتك تهديها

يالله لك الشكر يالمعبود والمنّه
واللي يجي منك يامعبود راضيها

[جميل سعد الذيابي @jamelsaaad]

كل بابً ينفتح واجب عليك تسده
قبل بابً ينفتح من غير هذا ثاني

وكل حقً للرجال اللي تطالب سده
لا تحاقر رجل صاحب حق مهما كاني

مايروح الحق غصبا لو تطول المده
دام قايدنا محمد والملك سلماني

كل حقً للرجال اللي مثبت رده
لاتحسب أن الحقوق تجيك بالمجاني