مابه لقى '

يحزنّي ان الشعر ما فيه مفعول

[مابه لقى ' @janib__]

ضيعت ..
باب الحب بينك وبيني
حتى مفاتيح الأمل صارت تضيع !

مدام قلبك صايـرٍ ما يبيني ؟
أبنهي الي بيننا من مواضيع

وأحصل الي بـ الغلا مشتريني
قلبٍ يبادلني المحبه ولا يبيع

أببتعد .. و أبعد بعد، لا تجيني
خل العلاقة تنتهي دون توديع !

[مابه لقى ' @janib__]

@m_ha12d تسلم، صح بدنك🙏🏻

[مابه لقى ' @janib__]

وجيتي .. وش تبين الا عناي، وغربتي، وبكاي ؟
وشعرٍ كل ما ابعد عنه، غير يجيب لك طاري !

سألتيني عن اخباري وقلت : ان الحزن مركاي
من ادنى حاجة أتضايق، كأن الضيق إجباري !

وسألتيني عن اشعاري وقلت ان الشعر بلواي
تبين الشّعر؟ .. هاك إياه واخذي آخر اخباري

انا اخترتك وانا ما كان .. لي نيّه .. ولا لي راي
وانتي؟ تملكين أشياء .. طبي بس واختاري ..

من الصبح الكئيب آحن، لين اقبل على ممساي
انا كيف اوصلك وانتي .. تبيعيني وانا شاري ؟

أحبك، واكرهك، واسعى لـ وصلك، واشتهي فرقاي !
و اعيش بـ لخّبطه .. ما بين ( فعل اليد، وافكاري )

اعرف الي مضى منك، وبديت اعرف وش الي جاي
ولا ابغى اكرر الغلطة .. تعبت اكرر اعذاري !

رضيت اعيش من دونك .. لو انك عالقٍ جوّاي
لزوم اكمل الخطوه .. أبرحل واقبل اقداري

( بروود ) ولا غدت تفرق، ولا تغري جميع أشياي
انا ادري منت لي نابت، لو انها ( تكثر امطاري ) !

[مابه لقى ' @janib__]

على الله ..
يختفي كل الشعور الي احسبه مات
وانا من قسوة ايامي، احسب انك تنسيني

كثير أشياء لو تدري ( أبيها تأتي وما جات )
وكثير أشياء لو تدري ( بدون اتعاب تأتيني )

يا كيف اعكسهن الثنتين، واسرق باقي اللذات ..
وأعيش من العمر لحظة بـ قربك بس تكفيني !

حبيبي .. والهوى بعدك خُرافه، كلها كذبات !
يمر الحب في صدري، وحبك ساطين فيني

تعيش الناس بـ الحاضر وانا عايش على الي فات
إلين الحين انا اتذكر .. لو أنك ماذكرتيني !

خذاك الوقت من عندي، و قفيتي بلا رجعات
وانا من وين ماوجّه .. ( طريقي لك يوديني )

رحلتي .. وانكسر ظهر الكلام وماتت الأبيات
وأحبك امس من بعدك، إلين اليوم تبكيني !

على الله ..
يختفي كل الشعور الي احسبه مات
وانا من قسوة ايامي؟ ( أمانه بس مريني )

[مابه لقى ' @janib__]

ولا يفيد اليوم صدر الشمالي
الحرب، ماهي قابله هُدنه وصلح

حلاك، صاير مرّ ماهو بـ حالي
وايديك صارت أشبه بـ شوكة الطلح !

تجرح .. بدون شعور ولا تبالي
وانت اكثر الي يدري ان ( ديرتي ملح )

[مابه لقى ' @janib__]

إذا على الغيبه
انا اقدر بدونك ..
أصد عنك .. لين ما جرحي يهون.

غيبي .. وزيدي في غيابك طعونك
وخوني بعد عيني ثلاث، اربع عيون

ماهو على شانك .. انا ما اخونك
انا اساساً شخص ما أعرف اخون !

[مابه لقى ' @janib__]

سنة مرّت ..
ولا جيتي، غريبة من بعدك الدار
وطول الوقت منتظرك، ولا فكرت تأتيني

يمرّوني بعد هجرك، وتكثر حولي الزوّار
حشى والله من بعدك، ولا به ناس تغريني

تعبت بعالم الوحدة ..
وتضحك حولي الأحرار
تعبت أكذب على نفسي، وأقول: أنساك يمديني

وليه العالم ببهجة، وتنبت حولي الأزهار ؟
وأنا حظّي بلاني فيك، دوم الحظ مشقيني

أحاول أزرعك وردة ..
وتطلع وردتي صبّار
وأحاول أقطفك دايم، ولكن تجرح إيديني

واحاول أكتبك دايم، واجمع لك من الأشعار
وتقريني بضحكة سنن، دام الضحك يبكيني !

بدربي تصبحين أظلم، لغيري تصبحين أنوار
وتعرفين الطريق اللي يضيع، وما تدلّيني

ثقل وجهك بذاكرتي، وما خلّيتي التذكار
ورغم هذا الثقل كلّه، عجزت أنزعك من عيني

حبيب الأمس والغربة ..
إذا همّك وش اللي صار ؟
ترا هالبعد حطمني، وذبل زهرة سنيني !

[مابه لقى ' @janib__]

درب المواصل، والمفارق تدلّه ..
أيضًا، ولا تحتاج بـ الصده أسباب

أبعد، وغيب العمر والوقت كلّه ..
ولا تجي بـ شعور باهت، وكذاب !

[مابه لقى ' @janib__]

انا .. بعد غيبتك مخنوق
وانتي على البعد ما لنتي

ما اقسى من البُعد ..
غير الشوق
وما اقسى من الشوق ..
غير انتي !

[مابه لقى ' @janib__]

كل يوم .. اقول اني اببدا من الأن
وكل يوم .. اقول اصبر، وباقي شويّه

وكل يوم اقول الوضع، بـ يزين لو شان
وكل يوم اشوف الوضع يصعب عليه

مرات، احس اني قوي قدر الأمكان
ومرات .. احس انها عزومي رديّه

ومرات، احس بـ ( فارسٍ بين فرسان )
ومرات .. احس اني بليا هوية !

ايه اخ يا شين ( الأسف بعد خذلان )
وايه اخ .. يا شين اليدين الخليّه

عجزت أقسى، يوم انا حدي إنسان
واطالع بـ درجي .. بقايا هديه !

يهون .. كل الكون من بعد ما هان
وتضعف جميع أشياء كانت قويه

قفلت من دونه مفاتح .. وبيـبان
وحلفت ما افتح له لو اقطع يديه !

[مابه لقى ' @janib__]

ما قوى يحمل على كتفه امانه
انقطع حبله .. وهو حبله متين

كلمتينٍ ..
كانت بـ طارف لسانه
وما نطقها .. رغم قِل الكلمتين

خان حظه ..
لين غامر بـ الخيانه
وصار واحد من ألوف العابرين !

[مابه لقى ' @janib__]

@4_ri25 ههههههه الله يكفينا الشر

[مابه لقى ' @janib__]

رغم الغياب .. انا أعيش بـ خيالي
لو كنت يا بعدك وطول سكوتك !

من قسوة الدنيا .. وضيق الليالي ؟
ماني بحاجة شي ( محتاج صوتك )

[مابه لقى ' @janib__]

@2ilhn صح بدنك، تسلم❤️

[مابه لقى ' @janib__]

على الطاري ..
تبي تعرف وش الي بـ الغياب يصير
بعد ما كنتي اللهفه .. وكنتي كل لذاته

أشطْر لك سكاكيني .. وازود لك من التشطير
ويردد عقلي لـ قلبي :
تفضل ذوق طعناته !

وتسير الناس بـ الضحكه، وانا الي عاجزٍ لا اسير
وانا الي كل مـ أكتب لك؟.. يرد الحرف ما جاته !

[مابه لقى ' @janib__]

انا الي ما وصلت اول، انا الي دوم كنت اخير
( ويطول الدرب مدامي، عجزت ألقى نهاياته )

كثر ولا نقص حكـيي .. عرفت اني بلا تدبيّر
اثر من عاش من دونك؟ يموت بدون رغباته!

عسى حزنٍ يجي منك؟ ( يجي من بعده التكفير )
وانا العبد الضعيف الي .. يكثّر من مُناجاته

[مابه لقى ' @janib__]

قديمك ضيع الوجهه، بعدك ولا لقى عنوان
ورغم كثر العرب حوله؟ .. كأنه جالس لحاله

يدور للوصل فرصه، يعاني لوعة الحرمان
و يحاول قد ما يقدر .. يمد أيده ولا طاله

يضيّع يومه يحاول .. يزين وضعه وما زان
ويشد حبال حظّه بس .. دايم يرخي حباله

يعيش بذكريات أمسه، بعد ما طول الفقدان
ويضيق إليا طريتي له .. ولا به شي يحلاله !

[مابه لقى ' @janib__]

الليل .. مطفيه انواره
والحزن يا طول مشواره
ألفّ .. من حاره لـ حاره

تعبت، وأتعبني الترحال

سعيت .. والوقت بهذلني
والضيق عن ضحكي أشغلني
والي قبل .. كان يسألني ..

ما عاد ينشد عن الاحوال !

مرهق واعاني من التفكير
ما فيه لا حل .. لا تدبير
يا ربي اهدأ واصير بخير

يارب ارجع خلي البال.

[مابه لقى ' @janib__]

الهدية، لغم قابل للانفجار

[مابه لقى ' @janib__]

رضيت اعيش من دونك .. لو انك عالقٍ جوّاي
لزوم اكمل الخطوه ..
أبرحل واقبل اقداري

( بروود ) ولا غدت تفرق، ولا تغري جميع أشياي
انا ادري ( منت لي نابت ) لو انها ( تكثر امطاري ) !

[مابه لقى ' @janib__]

جزء من النص مفقود ..

اضيق .. لا مرّ الهوى ذكرياتي
والي غدا عمري وعقلي عشانه

عطيته اغلى ما ملكت بـ حياتي
ولا كسبت الا الغدر والخيانه

خلاني اندم بين ذاتي و ذاتي
وقفى .. ولا خالط لساني لسانه

ورددت في لحظه ..
يسولف سكاتي
الظاهر ان البُعد .. حانَ اوانه!

وقفيت انا ما بين كرّه، وغلاتي
وذكراه ما زالت بـ وسط الخزانه

[مابه لقى ' @janib__]

خايف .. يروح العمر دون امنياتي
واخاف حلمي ما يجي في مكانه!

واخاف ما أخشع، وازل بـ صلاتي
واخاف قلبي .. لا يخل اتزانه

واخاف اموت .. ولا احصل نجاتي
واخاف اضيع بـ لحظة الاستهانه!