Jarnwarng

Alternative Writer | Graphic Addict | English Instructor | Podcaster | Public Speaker | Gooners

[Jarnwarng @jarn_warng]

ຖ້າມັນໜັກ--ວາງລົງກ່ອນ.. #jarnwarng #podcast #Laos

[Jarnwarng @jarn_warng]

ຕອນທີ່ຖືກຖາມວ່າ
ໂຕເອງເປັນຄົນດີຫລາຍຫວາ?
ຕອບໄດ້ເລີຍວ່າ--ບາງເລື່ອງກະດີ
ບາງເລື່ອງກະບໍ່ຄ່ອຍດີ
ບາງເລື່ອງກະດີກັບບາງຄົນ
ແຕ່ບາງເລື່ອງກະບໍ່ໄດ້ດີສຳລັບບາງຄົນ
ດີເປັນບາງເລື່ອງ
ແລະ ດີນຳເປັນບາງຄົນ!
.
#jarnwarng

[Jarnwarng @jarn_warng]

ຄັ້ງໜຶ່ງ ຂ້ອຍເຄີຍຕັ້ງໃຈຖ້າຜູ້ຍິງຄົນໜຶ່ງດ້ວຍຄວາມຫວັງວ່າລາວຈະກັບມາ, ສຸດທ້າຍລາວກໍກັບມາອີ່ຫລີ, ແຕ່ກັບມາພ້ອມຜູ້ຊາຍອີກຄົນ ແລະ ຂ້ອຍເຊື່ອວ່າຄົນນັ້ນແມ່ນ 'ຄົນຮັກໃໝ່ຂອງລາວ' ນ່ະຕອນນັ້ນ ຂ້ອຍເຮັດໄດ້ພຽງແຕ່ຍິ້ມໃຫ້ແບບຝືນໆ ແລ້ວເອົາໂຕເອງອອກມາເພາະຢູ່ບ່ອນນັ້ນລາວບໍ່ຕ້ອງການຂ້ອຍແລ້ວ..
#jarnwarng

[Jarnwarng @jarn_warng]

ມີກຸ່ມ WhatsApp ກຸ່ມໜຶ່ງທີ່ລົມກັນປົກກະຕິຢູ່ຕະຫລອດ, ແຕ່ຢູ່ມາກຸ່ມນີ້ຄ່ອຍໆງຽບ ແລະ ບໍ່ຄ່ອຍມີການເຄື່ອນໄຫວ, ເລີຍສົງໄສມາຕະຫລອດຈົນໄດ້ມາຮູ້ນຳຫລັງວ່າໝູ່ທີ່ຢູ່ໃນກຸ່ມນັ້ນມີອີກກຸ່ມໜຶ່ງທີ່ມີສະມາຊິກກຸ່ມຄົບໝົດທຸກຄົນຍົກເວັ້ນເຮົາຄົນດຽວ--ໃຈແຂງປານໃດກະອາດຈະມີເສຍຄວາມຮູ້ສຶກກັນແນ່ແຫລ່ະ!

[Jarnwarng @jarn_warng]

ທຸກຄົນຄາດຫວັງຢາກເຈິໃຜຈັກຄົນໜຶ່ງທີ່ຄົບກັນຄັ້ງດຽວແລ້ວໄດ້ແຕ່ງງານເລີຍຫັ້ນແຫລ່ະ, ແຕ່ໃນຊີວິດຈິງມັນບໍ່ມີໃຜໂຊກດີແບບນັ້ນທຸກຄົນດອກ ແລະ ແຕ່ລະຄົນຄົງຈະບໍ່ມີທາງທີ່ຈະໂຊກດີໃນແບບດຽວກັນທັງໝົດອີກ--ເພາະຊີວິດຄູ່ທີ່ແທ້ຈິງແລ້ວ ມັນບໍ່ແມ່ນເລື່ອງທີ່ງ່າຍຂະໜາດນັ້ນ..
#jarnwarng

[Jarnwarng @jarn_warng]

ຮູ້ຈັກຍອມຮັບໃນສິ່ງທີ່ກຳລັງເຈິ
ແລ້ວຮຽນຮູ້ທີ່ຈະໃຊ້ຊີວິດກັບ
'ສິ່ງທີ່ຍັງເຫລືອຢູ່'
ນັ້ນແຫລ່ະຄືສິ່ງທີ່ຄວນຈະເຮັດ..
#jarnwarng

[Jarnwarng @jarn_warng]

ລຸກໆ!! ໄປເຮັດວຽກ
ເຮົາຍັງບໍ່ທັນລວຍເທື່ອ!!
#jarnwarng

[Jarnwarng @jarn_warng]

ຕອນນັ້ນຂ້ອຍໄດ້ພະຍາຍາມເຕັມທີ່ແລ້ວ, ຂ້ອຍຍັງຖ້າ, ຂ້ອຍຍັງຫວັງວ່າເຮົາຈະກັບມາເປັນຄືເກົ່າໄດ້, ແຕ່ຄວາມເປັນຈິງມັນບໍ່ແມ່ນເລີຍ, ທຸກຢ່າງມັນໄດ້ປ່ຽນໄປໝົດແລ້ວທັງຄວາມຮູ້ສຶກ, ຄວາມຄວາມຄາດຫວັງ ແລະ ຄວາມສຸກຂອງເຈົ້າມັນບໍ່ແມ່ນຂ້ອຍອີກຕໍ່ໄປແລ້ວ, ນັ້ນຄືເຫດຜົນທີ່ຂ້ອຍກ້າຕັດສິນໃຈທີ່ຈະພາໂຕເອງອອກມາຈາກຈຸດນັ້ນ..

[Jarnwarng @jarn_warng]

ສ່ວນປະກອບໜຶ່ງຂອງການມີຄວາມຮັກ
ມັນຄື 'ຄວາມເຂົ້າໃຈ'
ບໍ່ວ່າຈະມີໃນປະລິມານທີ່ຫລາຍ ຫລື ໜ້ອຍກະຢ່າ,
ມັນຍັງຄົງຈຳເປັນຕ້ອງມີ--ຈຶ່ງຈະໄປກັນລອດ..
#jarnwarng

[Jarnwarng @jarn_warng]

ຖ້າຮູ້ສຶກວ່າຂ້ອຍຍັງບໍ່ແມ່ນສຳລັບເຈົ້າເທື່ອ ກະບອກເລີກກັນໃຫ້ເຂົ້າໃຈດີໆໂລດ, ຢ່າທົນຝືນກັນໄປແລ້ວຍັງໄປລັກມີຄົນອື່ນແບບນັ້ນ, ຂ້ອຍເປັນຜູ້ໃຫຍ່ຫລາຍພໍທີ່ຈະຟັງເຫດຟັງຜົນຢູ່ ຖ້າມັນໄປກັນຕໍ່ບໍ່ໄດ້ກະພຽງບອກກັນໃຫ້ຊັດເຈນ--ບໍ່ຕ້ອງຄົບຊ້ອນ..
#jarnwarng

[Jarnwarng @jarn_warng]

ຕອນທີ່ກຳລັງຄົບກັນຢູ່ນີ້ ຂ້ອຍເຊື່ອວ່າເຈົ້າຄົງຈະຍັງຄິດເຖິງຄວາມຊົງຈຳ ແລະ ເຫດການທີ່ຜ່ານມາກັບຄົນເກົ່າຢູ່ ເຊິ່ງຂ້ອຍພໍເຂົ້າໃຈໄດ້ວ່າທຸກຄົນມັນສາມາດມີຄວາມຮູ້ສຶກແບບນັ້ນໄດ້ໝົດລວມເຖິງໂຕຂ້ອຍນຳ, ແຕ່ຂ້ອຍກະຫວັງວ່າເຮົາຈະຮັກ ແລະ ເຄົາລົບກັນຫລາຍພໍທີ່ຈະ--ບໍ່ສະແດງອອກຈົນເຖິງຂັ້ນທີ່ບໍ່ໃຫ້ກຽດກັນ..

[Jarnwarng @jarn_warng]

ການທີ່ບໍ່ມັກຄົ້ນໂທລະສັບແຟນນັ້ນ ມັນບໍ່ແມ່ນວ່າເຮົາຢາກເປີດໂອກາດໃຫ້ເຂົາໄປລົມກັບຄົນອື່ນດອກ ເຮົາກະພຽງຢາກສື່ເຖິງຄວາມໄວ້ໃຈ, ການເຄົາລົບ, ການໃຫ້ກຽດໃນພື້ນທີ່ສ່ວນໂຕຂອງເຂົາ ແຕ່ຖ້າເຂົາເລືອກທີ່ຈະໃຊ້ຊ່ອງວ່າງນີ້ໄປນອກໃຈເຮົາ, ນັ້ນກະສະແດງວ່າເຂົາຄົງບໍ່ໄດ້ຄິດເຖິງຄຸນຄ່າໃນການໃຫ້ກຽດນັ້ນຂອງເຮົາອີກແລ້ວ..

[Jarnwarng @jarn_warng]

ກ່ອນຈະຄົບກັບໃຜຈັກຄົນໜຶ່ງ ເຮົາອາດຈະເອົາປັດໄຈອື່ນມາຕັ້ງເພື່ອຊ່ວຍໃນການຕັດສິນໃຈເລືອກຄົບນັ້ນ ມັນກະບໍ່ຜິດດອກ, ແຕ່ເມື່ອໄດ້ມາຄົບກັນອີ່ຫລີແລ້ວ, ເລື່ອງທັດສະນະຄະຕິ, ວຸທິພາວະ, ນິໄສ ແລະ ພຶດຕິກຳສ່ວນໂຕ--ມັນສຳຄັນຫລາຍພໍສົມຄວນໄດ໋..
#jarnwarng

[Jarnwarng @jarn_warng]

ບໍ່ແມ່ນທຸກຄົນທີ່ຈະຈິງໃຈກັບເຮົາຄືທີ່ເຮົາມອບໃຫ້ເຂົາ ແຕ່ເຮົາກະຈິງໃຈນຳເຂົາໄປກ່ອນໂລດ ແລະ ບໍ່ແມ່ນທຸກຄົນຈະເວົ້າຄວາມຈິງນຳເຮົາ ແຕ່ເຮົາກະຊື່ສັດກັບເຂົາໄວ້ກ່ອນໂລດ.. ເຖິງວ່າຫລາຍໆເລື່ອງຈະບໍ່ໄດ້ຕອບແທນເຮົາໄດ້ດີຄືທີ່ເຮົາມອບໃຫ້, ແຕ່ເຮົາກະຄວນເຮັດໜ້າທີ່ຂອງເຮົາໃຫ້ດີ ແລະ ເຕັມທີ່ໄວ້ກ່ອນຫັ້ນແຫລ່ະ..

[Jarnwarng @jarn_warng]

ຫາກຂ້ອຍເຮັດຫຍັງທີ່ມັນເປັນການລໍ້າເສັ້ນເຈົ້າ, ເຈົ້າທ້ວງຕິງຂ້ອຍເດີ້, ຫາກຂ້ອຍເວົ້າຫຍັງທີ່ຂັດຕໍ່ຄວາມຮູ້ສຶກຂອງເຈົ້າກະບອກຂ້ອຍເດີ້, ແລະ ຖ້າຫາກວ່າຂ້ອຍເຮັດຫຍັງລົງໄປແລ້ວມັນເປັນການທີ່ບໍ່ໃຫ້ກຽດເຈົ້າ ເຈົ້າເຕືອນຂ້ອຍນຳເດີ້, ຂ້ອຍອາດຈະຂາດສະຕິໃນບາງເທື່ອ, ຖ້າມີຫຍັງຜິດພາດໄປ ຂ້ອຍຂໍໂທດເຈົ້າຈາກໃຈເດີ້..

[Jarnwarng @jarn_warng]

ຕອນທີ່ມີກັນຢູ່ນີ້ ເຮົານຶກເຫັນຄຸນຄ່າຂອງກັນ ແລະ ກັນບໍ່ຄ່ອຍອອກດອກ ເພາະເຮົາຮູ້ສຶກຊິນເຄີຍກັບມັນຢູ່ທຸກມື້ຈົນບາງຄັ້ງເຜີຫລົງລືມໄປ, ກວ່າຈະມາຮູ້ສຶກໄດ້ກໍຕໍ່ເມື່ອໃນມື້ທີ່ເຮົາບໍ່ມີກັນອີກແລ້ວ.. ສະນັ້ນ, ຈະຮັກສາກັນໄວ້ແຕ່ເນີ້ນໆ ຫລື ຈະໃຫ້ຮອດມື້ທີ່ແຍກທາງກັນໄປແລ້ວຈຶ່ງມາໂຫຍຫາ--ລອງທົບທວນຄືນໃຫ້ດີໆ..

[Jarnwarng @jarn_warng]

ຢ່າງໜ້ອຍກະໃຫ້ຮູ້ວ່າ
ຕື່ນມາມື້ອື່ນແລ້ວຊິເຈິຫຍັງ

ບາງຄັ້ງ, ຄວາມກັງວົນທີ່ຕື່ນມາແລ້ວ
ບໍ່ຮູ້ວ່າມື້ອື່ນຊິເປັນແນວໃດ
ມັນກະໜັກໜາສາຫັດອີ່ຫລີສຳລັບບາງຄົນ

ຈັ່ງໃດກະຂໍອວຍພອນໃຫ້ນອນຫລັບ
ເພື່ອໃຫ້ມີກຳລັງພໍທີ່ຊິລຸກຂຶ້ນມາໃນມື້ອື່ນ

ຂໍໃຫ້ມື້ອື່ນເປັນມື້ທີ່ດີສຳລັບທຸກຄົນ
ທີ່ຊິອອກໄປທຳມາຫາກິນ

#jarnwarng

[Jarnwarng @jarn_warng]

ມື້ທີ່ຂ້ອຍພ້ອມທີ່ຈະຢຸດທີ່ເຈົ້າ ແຕ່ເຈົ້າຍັງຢາກຊອກຫາຄົນໃໝ່ໄປເລື້ອຍໆດ້ວຍເຫດຜົນທີ່ວ່າ ເຈົ້າຢາກມີຕົວເລືອກທີ່ດີທີ່ສຸດສຳລັບໂຕເອງ ເຊິ່ງມັນກະບໍ່ແມ່ນເລື່ອງທີ່ຜິດ, ແຕ່ໃນມື້ທີ່ຂ້ອຍຢຸດແລ້ວເຈົ້າພັດບໍ່ເອົາ, ຂ້ອຍກະຫວັງວ່າເຈົ້າຈະບໍ່ກັບມາໃນມື້ທີ່ບໍ່ເຫລືອໃຜ ເພາະຂ້ອຍຄົງບໍ່ແມ່ນຕົວເລືອກສຸດທ້າຍຂອງເຈົ້າ

[Jarnwarng @jarn_warng]

ຫາກມື້ໜຶ່ງເຈົ້າໄດ້ພົບຄົນທີ່ດີກວ່າ, ຖືກໃຈຫລາຍກວ່າ ແລະ ເຮັດໃຫ້ເຈົ້າຮູ້ສຶກມີຄວາມສຸກຫລາຍກວ່າ ເຈົ້າຈະເລືອກເຂົາເລີຍກະໄດ້ ເພາະຕໍ່ໃຫ້ຂ້ອຍຫ້າມໂຕເຈົ້າໄວ້ແຕ່ຂ້ອຍຄົງບໍ່ເກັ່ງພໍທີ່ຈະຫ້າມຄວາມຮູ້ສຶກໃນໃຈຂອງເຈົ້າໄດ້, ຖ້າຫລາຍໆຢ່າງເຂົາເຮັດໄດ້ດີກວ່າຂ້ອຍ, ເຮັດໃຫ້ເຈົ້າຍິ້ມໄດ້ຫລາຍຂຶ້ນ--ຈົ່ງເລືອກເຂົາໂລດ

[Jarnwarng @jarn_warng]

ໃນມື້ທີ່ມີເຂົາຢູ່ແຕ່ກັບລະເລີຍຕໍ່ເຂົາ, ເຮັດນິໄສບໍ່ດີໃສ່ເຂົາຍ້ອນເຊື່ອວ່າເຂົາຈະຮັບໄດ້ຕະຫລອດ, ເຊື່ອວ່າເຖິງຜິດກັນຮຸນແຮງຊໍ່າໃດເຂົາກະຍັງຈະກັບມາງໍ້ ແລະ ມາຂໍຄືນດີນຳ, ຄວາມຮັກທີ່ດີມັນບໍ່ຄວນຈະເປັນແບບນັ້ນ ແລະ ຄົນຮັກທີ່ດີເຂົາກະບໍ່ຄວນຕ້ອງມາເຈິການກະທຳແບບນັ້ນອີກ, ຢຸດເຮັດຄືເຂົາເປັນສັດລ້ຽງໄດ້ແລ້ວ..