ُ

[ُ @jhrnyl]

والله ان اجيك حتى لو ان دارك بعيد
صوب دارك كن سلك الحرير يقودني

ليه لا ؟ والشوق يجري مع مجرا الوريد
والطواري كل يومٍ عليك ترودني ؟

مايترجم لك شعوري سوا بيتٍ وحيد
كل ماينقصني شعور قام يزودني

معْك ادور مايجر السوالف والقصيد
ومع جميع الناس حتى الكلام يكودني

[ُ @jhrnyl]

كم مرةٍ جيتي وفي صدري كلام ٍشايله
لكن لا جت عينك بعيني ، قلت يا الله حيّها

اليا ابتسمتي ما أنشد الأيام وش هي قايله
واليا تضايقتي؟ لابو الدنيا ولا ابو حيها

- سلطان بن بتلاء

[ُ @jhrnyl]

شوفتك ما تجيُ مثل شوفة الخلقّ
وعيُونك تسوى عندي عرب بأوطانه

[ُ @jhrnyl]

قولي عن اللي بأطرف المبسم يمين
منين جات ومن متى ومن أيّ خال؟

لا تسأليني في البشر من تشبهين
انتي مثل ، للحين ما جا لك مثال

بلا حور عين .. وبلا غمّازتين
جمالك أجمل من علامات الجمال

- ناصر مناحي

[ُ @jhrnyl]

وشلون بأشرب ضحكتك واسلم من سهوم الهلاك
وانت الهبايب واللهب على بعض — ضيرّتها —

ذيّرت عن وجهي مقابيل الوجيّه وقلت جاك
مثل ما عن وجهك شغاميم العرب ذيّرتها
-سلطان الحوالي

[ُ @jhrnyl]

قبل الغروب يضيق الكون الفسيح
يوم نورك من غيابه ماشرق

اذكر قبل عيني على عينك تطيح
ماكان يلبسهاالذبول من الارق

انا بغيت اموت من شفت الصحيح
وانتي تحسبين المفارق مافرق

اهم حاجه لايجي وجهك جريح
اللي تناظره السحايب وتعرق

خلي من ينافس جمالك يستريح
من شافك ان م��طاح من طوله شرق

[ُ @jhrnyl]

وصالك يحيّي عروق الغلا اللي كلها يباس
وهجرك يذبح عروق الغلا اللي مالها والي

تراني عايشٍ في غيبتك بين الأمل واليأس
أعلق فيك أمورٍ ما تتعلق غير في الغالي

- مطرف بن شارع

[ُ @jhrnyl]

تجيبه ليال الشوق لا طوّل المشوّار
وتجيبه قصايد شاعرٍ يكتب احساسه

يعرفه قبل لا يعرف الشعر والشعّار
وقبل لا يسرّيه الشمالي بـ نسناسه

من دياره ارقب علم عسّاسّة الاخبار
عساها تجيب اخباره اليوم من ناسه

على الريح اعرّض صدري اللي كلته النار
" عساها تجيني نسمةٍ تشبه انفاسه "

[ُ @jhrnyl]

لا ذكرت الماضي إللي مضى لي في هواه
ودّي أستأذن من العقل .. وأضم الهبوبّ

[ُ @jhrnyl]

وين وجهك يابو وجهٍ ذبحني غيابه
ودّي أبيع ما تملك يدي وأستعيره

وجهٍ يخلي وجيه الأوادم تشابه
يضحك وكنّ ما يضحك من الناس غيره

[ُ @jhrnyl]

يشد الجمال القلب قدام شبح العين
مثل مايشد المشتحن نايح القمري

على ضاحك المبسم صباح الرضا واللين
من اليوم لآخر يوم محسوب في عمري

— مهدي سميطان

[ُ @jhrnyl]

قديم الود و أيَّام الصبا و الجل و الترحال
أعرفك مثل نظرات الوَله في عين متجاهل

تمهّل لا تغافلِك الليالي و السنين طوال
أنا للحين أغني في عيونك و أنت تستاهل

[ُ @jhrnyl]

احتاج صبحٍ على صوتك تباشيره
مثل إحتياج الخلايق لـ الهوا وألما

— حمد الحول

[ُ @jhrnyl]

والمحك طيفٍ يوقظ البال و يطول
للشوق مسترسل و للوجد سارد

لا زلت امنّي خاطري فيك واقول
ظنّي يجي ليت اغلب الظن وارد

محتاج لك بابٍ عن الهم مقفول
وصبحٍ ضياه من ايد الايام شارد

وليلة وصالٍ تكسي الحلم مجدول
وفجرٍ مثل فجر اول العمر بارد

[ُ @jhrnyl]

مادام الاحباب لـ بيوت الغلا تبني
لك فـ الحشى بيت من يقدر على هدمه

ماكل احبك من اي انسان ! تعجبني
مشاعري عند بعض الناس منعدمه

من يوم .. حبيتك الله لا يعاقبني
حطيت كل الحبايب " خارج الخدمه "

-ناصر بن مفلح

[ُ @jhrnyl]

في عيوني كنك المال في يدين البخيل
ما انت لاقي ضحكةٍ منك ما صرّيتها

انت ضحكاتك زهابي وانا عابر سبيل
والفرص أصعب من إيجادها تفويتها

يوم أحبك ما تخيّلت أدور لك بديل
و العلوم التاليه منك ما حبّيتها

خلّ دمعك لا يسولف ولا حتى يس��ل
من متى و عيونك تنام ما راضيتها ؟

[ُ @jhrnyl]

«أبطيت يا وجهٍ عليّ كنك، سهيل
من رحت وهمومي عليّ أتلافى»

———سلطان الحوالي

[ُ @jhrnyl]

مع الفجر أحبك قبل حتى صباح الخير
و قبل لا يغادر طير الأغصان من عشّه

أحبك كثر ماهب نسمة و غرد طير
مع إن المشاعر خلف الأضلاع منخشّه

[ُ @jhrnyl]

شرعت بيبان صدري هبوب الذكريات
كل ماكني تشاليت منك تهبني

وكل ماقلت اتماسك واحاول فـ الثبات
مرني طيفك ودنق علي يحبني
- ناصر الحمادين

[ُ @jhrnyl]

تمخطر و فوق صدر الغيد شبّ الجمر
تبجّح بـ كل ما تملك بـ حسن و بهاه

تغيض كل الزيان الغيد بيض و سمر
عطاك ربي جمال الكون ولّا حلاه

تدري وش الكارثه يا زين و ادهى و امرّ
انك طموح العشاشيق و حديث الرواه