( النصيحه لها وقت ومكان )
يقول : ثامر بن شبيب
كانك تبي تنصح لك انسان ياانسان
خلك معاه انسان وقت الصراحه
لا تنصحه عند الجماعه والاخوان
هذي ترى ماهي صراحه وقاحه .
اسرفت في حبك جهر مانيب مثل المستحين
اللي يحبك يعتزززي ، ويشوووش ، ويرد البراا
مشاعري لك .. لو توزّع باليسار و باليمين ؟
صاروا جميع الناس عشاق ونشاامى وشعراا
- مبارك آل خليفه
طحت في حبك الجذاب من دون غايه
أفقد العقل ساعة وأسترده دقيقه
كل من لامني قلت ادعلي بالهدايه
البحر ما يطاوع موجه . . الا غريقه
انتهى كل شي ولا انتهت ذا الحكايه
كل ما ماتت أحياها كلام الخليقه
صارت أبيات شعري فيك مثل الروايه
آخر الليل يرويها الصديق لصديقه