سعد الدوسري .

شـاعـر .

[سعد الدوسري . @jll502]

صباح الخير 🤎🤎

[سعد الدوسري . @jll502]

معقول احد يمشي معي وين ما اروح؟
معقول انا امشي معه وين ماراح ؟

[سعد الدوسري . @jll502]

ويلي على اللي غطاها الستر والعفه
ما غير من بيت ابوها لبيت جدّتها

من دونها الشايب اللي هي في ضفّه
والديره اللي غذتها ؟ مااا تعدّتها

يا كثر ما فالشوارع خذْت من لفّه
كله على شان خطوتها لا مدّتها

لو تستر الخشم والحجان والشفّه
البرقع احيان يفضح نوض خدّتها

[سعد الدوسري . @jll502]

جميع الدروب اللي تجيها تنابت ورد
وجميع الوجيه اللي تقابلك محظوظه .

[سعد الدوسري . @jll502]

ياما على صدرك غدينا مجانين
وياما على عنقك سهرنا ورقنا

وياما على ردفك نسينا القوانين
وياما تحت خصرك رفعنا وذقنا

[سعد الدوسري . @jll502]

مستعد أكسي نحرها بـ سبع معلقات
كلها في مجدها
والجمال الأُنثوي

[سعد الدوسري . @jll502]

منتوقة العنق ما في زولها غلطه
ما كنها إلا تسحر عين كل من شافها

[سعد الدوسري . @jll502]

يا بنت ياللي زينك بدون .تحديد
اغويتي الشيخان و اهل الفتاوي

مالك شبه في الغيد ياشيخة الغيد
و اسمك هو العزوه نهار العزاوي

أيّات لون يصير له معك تمجيد
و يدور ..حوله .. حول ٦٠ غاوي

تبختري ..في كل ليله مع .العيد
بـ الأبيض وبـ الأحمر وبـ السماوي

[سعد الدوسري . @jll502]

يقوي عزوم الرجل في مطيحه
عزوم ناسٍ معلقين الرجـا فيه

[سعد الدوسري . @jll502]

راح رمضان الله يشرّف لياليه
من بعد ماعالج جروح ومواجع

ياكود جرحٍ كل ما حلّ طاريه
ماينثني عن ضربتي ويتراجع

تمكّن بصدري ومحدٍ يداويه
الا ( يـد ) اللي راح ماهوب راجع"

[سعد الدوسري . @jll502]

@GoldenDose الكلمات هذي كنت اسمعه اول وكانت تاثر فيني كثير وطريقه ابو نايف يوم يغنيه كان باين عليه التاثير فيه واليوم سمعته يقول قصته وكنت شاك انه كاتبه عن قصه وطلع احساسي في محله 💔

[سعد الدوسري . @jll502]

حار فكري فيك مدري ويش اقول
يـ جمال اهل الجنوب مع الشمال

فيك من زود البهاء شيءٍ يهول
لو يشوفه عاقل صابه هبال .

[سعد الدوسري . @jll502]

قبلة الله على وجهٍ يسد وينوب
عن أمهار الجزيره و أزين أفراسها

تلبس الجاذبيه والغنج لبس ثوب
وصيت أهلها عباةٍ تستر لباسها

كل عرقٍ جذبها نخبوي ومحسوب
فخمةٍ بالجمال و فخمه بساسها

غيدٍ أخاف من شدة ترفها تذوب
لا طواها الحنين وطال هوجاسها

[سعد الدوسري . @jll502]

النفس طابت والحياة أجبرتني
اساير أيامي على قدر الإمكان

والوقت قاسي والظروف أتعبتني
والحظ مايل عن مساره ولا زان

حتى الليالي من هناها نستني
ماكن لي قلبٍ للأفراح شفقان

زادت غرابيل الزمان وعصتني
ماصدها موقف ولا حاجة إنسان

[سعد الدوسري . @jll502]

افز لك كل ماتطـري على بـالي
فزة شجيعٍ سمع نخوة ولد عمه

وإن غبت كني وحيدٍ بالخلا الخالي
أضيق لو كـان كـل النـاس ملـتمه

[سعد الدوسري . @jll502]

الطواري كل يومٍ تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
ما نسيتك شاء من شاء وأبا من أبا

ولو ما يبقى من الوصل إلا الصدوف
مرحبا بالصدفة اللي تجيبك مرحبا

[سعد الدوسري . @jll502]

والله لا عين الصقر .. ولا عيون الغزال
ما يشبه لـ عينك الا عينك الثانية

[سعد الدوسري . @jll502]

عيوف مايملا عينها شي إلا ابلج مدهوش
يحط القمر والشمس في راحت يداها

[سعد الدوسري . @jll502]

الخصوم اللي تصيّد من ورانا مستجنّه
ما لقت شيء يقال ولا لقت عيبٍ يذاعي

[سعد الدوسري . @jll502]

عانقيني لين أذوب من الهوى يا ريما
الصباح هذا مثير وعاشقك ، متمادي