جبخان 𓅓

[جبخان 𓅓 @jobkan5]

الكرامة تغني الآنسان لو انه فقير
والقنآعه في صدور الكبار أكبر غناة

[جبخان 𓅓 @jobkan5]

يا مرسلين الرسايل بين حينً و حين
مال الرسايل ، أهميه مَلم تُس��لم
َ
إليا نزف كل جرح ، ودمّعت كل عين
ما عاد تدري من الظالم ، من المنظلم
َ
من كثر ما بنّجوا مشاعري الراحلين
لو تقطع عروق قلبي ، ما شعرت بـ ألم

من علّق أحلام عمره ، في قفى الغايبين
بـ يموت ، ما حقق مْن احلام عمره حلم

[جبخان 𓅓 @jobkan5]

بدى الليل ياخذني عن العالم السالين
لين اني تحلويت السهر والكرى عفته

ماغير اتعزز بـ الصبر بين حين وحين
على الغالي اللي مر له عام ما شفته

وانا العاشق اللي يعرف حدود نفسه زين
وتقاليد و سلوم القبايل موقّفته

يسوقه هوى نفسه على تبعة المقفين
و وقف مبتلش ما بين عقله و عاطفته

[جبخان 𓅓 @jobkan5]

بدت رحلة هوانا والهوى مركب بدون عنان
يسوقه طيشنا اللي له على درب الهوى سيره
..
على درب الغرام اللي لو العالم بدون الوان
تشوف الوان ورده تغري الرسام وتثيره
..
كتبتك في قصيد يرجع الناسي من النسيان
ونسيت اعلمك معنى الكلام وقو تاثيره

[جبخان 𓅓 @jobkan5]

يامطوّل الغيبه متى تطرق الباب
اللي مضالي من حس��فه تكفّي

بيني وبينك بعد و دروب و عتاب
كثر الخطوط اللّي على بطن كفّي

أعطي على جيّتك مليون ترحاب
ولا أدري تجي وألاّ النصيب متوفّي

أحترت فيك أشد من جرّة الدآب
ماتنعرف هو جاي و ألاّ مقفّي

[جبخان 𓅓 @jobkan5]

اقابلك فـ الحلم واعيش وافـل
وارجع علـى الواقع بكل انـكسارا

واصحا على صوت المنبه وقم صل
واقفل على حلمن بصدري توارى

ما ودي اسرف وسط الاحلام وامل
ويفنـى رصيـد احلامنـا فالمهـارا

وتـووه في درب المحبين واضل
تـوهـة مسيحيّــن بدين النصارى

[جبخان 𓅓 @jobkan5]

ضعت بين المرحبا والهلا والشامتين
والاناقه ، والحلا ، والاصاله ، والنبل

العيون اقوى من ام خمس ومن المارتين
والشفاة الين من الورد لا منه ذبل

لا حكى ودك يعيد السوالف مرتين
ولاسكت كنك تهايق على قمّة جبل

مالقيت اشرّ واخطر من التفاحتين
كب تفاحة نيوتـن .. وتفاحة أبـل

[جبخان 𓅓 @jobkan5]

ياوليف الخاطر اللي يوم رحت
لو سلوا كل الاوادم ماسلى

جيت تستدرجني شوي ونجحت
وانا شفت عيونك وجاني بلا

ودي انك مادريت اني فرَحت
وانك اجمل من عرفت من الملا

لو تشوف بنظرتي " الاعجاب بحت "
مستحيل اجيب لك سيرة غلا

الاعتراف لمن تحبه " مال سحت "
يفسد ايام المحبة من / الى

[جبخان 𓅓 @jobkan5]

شكيتك عليك البارحة والسبب كوبلية
على صوت ذكرى بعد غنت وش أخباري

على حطة ايّدك يعتريني ضباب التيِّه
ألملم بقايا قوتي .. وادفن أسراري

تمنيت اجسّ القلب مع جرحك اللي فيه
واغْسله مثل ما تغسل التوبة أوزاري

مادامك تبي تبكي على اللي مضى ها ليه؟
تخليني اكحل رمشك الترف بْ��عاري

[بوح غفراني @bo77_1]

اي والله أحبش ، واحنّش ، وأحاتيش
وابرك ليالِ العمر . . لحظة قبالش .

[جبخان 𓅓 @jobkan5]

طواري الليل مامنها نجااه وهروووب
لامرت الداله المرتاااح نووومه سسرا

تقول بيني ومن بين الطواري حروب
حروب ماتعترف في الي يررررد الببرراا

يلعبي الوقت ماهيب الغزال اللعوب
مخلي الحب لي مده وجرححي برااا

حتى لو الشوق بين مثل عين الكذووب
العمر لاراااح من يقدر يرردهه وررراااا ؟

[توآق @twaa8_]

لاتحسب انْك اثرت فيني بالمعاتب والعتاب
ماراح تلقى غير ظلَك بـ الموادع يتبعك

من يوم شفت القمَر يجتاح في جالَه سحَاب
عرفت بـ ان اللي قدَر ينثرك يقدر يجمعك

ما فيه داعي تكتب الاعذار في وجه الغياب
دامك مْقفي ويش اسوي بالعذر ؟ خلّه معك

[توآق @twaa8_]

على مهل .. ما بقى موضع ولا فيه جرح
خلي يدينك تغاضى .. عن كثير الملام

في سرمد الليل مريتي على كف .. صبح
و في حرب الأوجاع .. مريتي حمامة سلام

وإن كان صوتك خرير الماء على جال سفح
فأنا ضميت لحروفك.. يا شحيح الكلام

معك تناهيدي الولهى ما تحتاج شرح
خليني أكتب قصيدة في عيونك و أنام

[توآق @twaa8_]

أذكر اني كنت أخاف من الغياب
المخيف . . . أني بديت اتعوّده !

[توآق @twaa8_]

لي عام والعاطفه ماخلّت سهادي
تشكي من الريح قبل الريح تطرقها

عليك ياللي تجيك الخيل فالوادي
ماهمّها لو مجيّ السيل يغرقها

الصورة اللي حفظها الشوف لأحفادي
رمادها في عيوني وأنت تحرقها

إن خاب لي فيك ظنّ وخنتني، عادي
الشمس بآخر صباح تخون مشرقها

_مساء الخير☕️

[‏‏﴿‹ طآيش ♔ @Tayish0]

ضع اخوتك في المقدمة دائماًً
فهم امتداد لحب والديك الذي
لا يغيره شيء، اللهم اخواني وخواتي لا تكسر قلبي بكسرهم ولا تحزن فؤادي بحزنهم ولا تريني بعينهم ظل دمعة اللهم جبراً بقلوبهم يليق بك، مسرات لا تشبه الا عظيم عطاياك

[‏‏﴿‹ طآيش ♔ @Tayish0]

من رضي بقضاء الله
أرضاه الله بجميل قدره..

فاللَّهُمَّ لك الحمد على كلِّ شيء..
لك الحمد على النصيب و القدر المكتوب، ولك الحمد على كلِّ ما مضى و كلِّ ما تبقى و كلِّ ما هو آتٍ..

اللَّهُمَّ لك الحمد حتى ترضى، ولك الحمد اذا رضيت، ولك الحمد بعد الرضا، ولك الحمد على كل حال

[‏‏﴿‹ طآيش ♔ @Tayish0]

يالله ياللي .. كرم عفوه يجريني
على ذنوبٍ ماهوب ادنى ما يسترها

مافيه خوف أكثر من الموت بيجيني
ومافيه أمان .. أطيب من الله بيغفرها

أشوف بأحلامي دروبٍ تسليني
أفرح بها واتجاهل .. ضعف مصدرها

أكيد فالواقع دروبٍ توديني
يا رب تلهمني الرشد .. أتخيرها

[‏‏﴿‹ طآيش ♔ @Tayish0]

بعد طالت مشاوير الحياة وسجوّ السالين
نويت اعيش فـ الدنيا و اسايرها ولا امداني

ترجعني لـ خيبات الظنون و زلة الغالين
و اطوّفها على شان الهوى ماهو على شاني

و انا ماني غشيمٍ فـ التعامل و اعرف الغاوين
اجامل و اتشيّم و الخطأ ماهو بـ يخفاني

[‏‏﴿‹ طآيش ♔ @Tayish0]

والله ان مالي ورى من تجاهلني لزوم
لو وداده مثل خضر الفياض الغايمه

كان له نفسٍ بخيلة لي نفسٍ تشوم
لا تغرّه روحي اللي عليه مهايمه

#صباح_الخير

[‏‏﴿‹ طآيش ♔ @Tayish0]

لسان الصدق مايصلح مع الكذاب والمزاح
خذ العلم الوكاد اللي صدر من كل وجداني

انا ما همني من جرب العشره معاي وراح
اقف عندي على وضح النقا وإلا تعداني

ترا مافيه نجمٍ تشتكي منه السماء لا طاح
مصيره فوق الارض ويختفي عن شوف الاعياني