سعـد

ما طاح من النجوم أخفّ للسماء .

[سعـد @jrhdg]

اما تدري بأن الفجر آتِ
يمحوا عنك آثآر الشتاتِ

تفائل يافؤادي لا تُبالي
و دعّ عنك أنكسار الذكرياتِ

سيمضي الكرب مهما أشتدّ يوماً
ويأتِ الخير من كُل الجِهاتِ

هي الدنيا سرور وأنكسار
و ربّ الكون ربّ المكرماتِ

[سعـد @jrhdg]

لو ما أستباح العيون اللي بكت في رجاه
ماضاق صدر الرياض وضاق صدر الخُبر

خذ كل شي وعطاني خنجرٍ من جفاه
توغّلت في ضلوعي قفلتين و شبر

هوايةٍ يسّتلذ بها وهو في صباه
والظاهر انها تبي تكبر معه لاكبر

[سعـد @jrhdg]

أنتظر ميعاد هاتفكم
يالغلا ما أمل طرياكم

في الزمان اللي يناسبكم
ياغناتي لاعدمنـاكم

في الحشا مرسى مراكبكم
أنتظر في شوق ملفاكم

قلبي او فكري يداعبكم
مع نسيم الريف لي ياكم

[المُصْحَف @AlMosahf]

{اذْكُرُوا نِعْمَةَ اللَّهِ عَلَيْكُمْ}

[سعـد @jrhdg]

كُل ساقٍ سيُسقى بِما سقى
الدنيا ستدور ، والمشاهد ستُعاد
والأدوار ستتبدل
من قَهَرَ سَيُقهر ، ومن ضَرَّ سَيُضر
ومن ظَلَمَ سَيُظلم ، ومن عابُ أبتلى

« فإن الله يُمهلَ ولا يُهمل »

[سعـد @jrhdg]

ترا الشكّ ودا له رياجيل يمّ شهار
تربّع أبليس بروسها لين خرّبها

مع الدرب الأيمن رحّ وخلّ الشكوك يسار
تراها بعيده عنك وانتّه تقرّبها

عطيناك بشتٍ ماتخالف به الأنظار
نقينا المشالح لين جبنا لك أطيبها

وقبلت الهديه ثم مدري وش اللي صار
لقيناك يوم تصلي العيد قالبها

[سعـد @jrhdg]

لك الله ماشغلني غير حبّك لين سمّ الحال
وتوّسدت الجروح وقلت ديني عند ديّانه

ترا كلٍ يطيب الا صويب الحب ماله فال
يميل مع الهبوب اليا ذكر جرحه وخلّانه

تنازعه الطواري لا أنتصف ليله ودمعه سال
تذكّر واحدٍ زوّد جفاه وقلّل أحسانه

[سعـد @jrhdg]

هي تنتدبر او أقفت مالها دبره ؟
ليت الليالي تقدّر غربة الساري

مدري من اللي من الثاني نفذ صبره
لا يازمن منهو البايع من الشاري

لا الوجه وجهك ولا النبره هي النبره
مدري ولكن طرا لك يازمن طاري

ماني بـ جاهل على الشدّات تختبره
تشّتدّ ياوقت وأصراري هو أصراري

[سعـد @jrhdg]

صاحبي يلبس البرقع ماهي عادةٍ له
مير أخذ سلم جيرانه وصارت طبيعه

هيه ياللي مكلفكم على برقعٍ له
وسّعو قرضته ترا عيونه وسيعه

فصلو له حريرٍ ناعم ما يمله
حيث بشرة خدوده بالتأثر سريعه

صاحبي لاهرج تشفق على هرجةٍ له
من حلاوة كلامه كن هرجه يبيعه

[سعـد @jrhdg]

- صباح الخير
تذكّر ان الرحله اللي خايف تبدأها
ممكن تكون أنجح رحلات حياتك

[سعـد @jrhdg]

وانا على سلْم الرجال المسمين
كسّابة الثنتين دنيا وديني

اللي بما قرّو تقر الموازين
فعلٍ ضرو به من قديم السنيني

[سعـد @jrhdg]

تلعب بي الدنيا وانا كنت أحسب ان الحظ قام
الله يعوض خير في جهد اليدين العامله

[سعـد @jrhdg]

الا يابعد ناسٍ تكبّر على ويش
لاشافت الناصي تلوّت خششها

لو يملكون ارقام الاموال حتى ايش
درّ الحماره دوب يكفي جحشها

و روس الظبا ماذكر فيها عراميش
لو هي على الزيله كبارٍ شوشها

— عبدالله ابن عون

[ســيـن 🗝️ @asal21__]

@3jm7_ كان في قلبه لقلبي محنيّة
يدري ان الحال عقبه مهوب اللي

وكان لي عنده علومٍ خصوصيّة
احضنيها يالهبوب احتراماً لي

وارسليها عبر الاقمار سريّة
هو طبيبي والرسايل علاجٍ لي

ولا يواخذني على قلة الجيّة
ود عيني مير ماهو بجايٍ لي

[سعـد @jrhdg]

واليوم وصلت بيننا مثل الأجناب
ذاك الغلا ياضيعته ياسفابه

باكر اذا جينا لهم مثل الأغراب
من عقب ماكنّا الأهل والقرابه

الأمر لله كل شيٍ له أسباب
ولا الهوى وش لي على هجّ بابه

[سعـد @jrhdg]

نويت مرباع الغضي سيد الأحباب
قصدي يزول الجرح وزاد ألتهابه

جيت وبقايا نارهم حول الأطناب
بيت الشعر مطوي وباقي زهابه

اقفت ركايبهم ومني الهدب ذاب
من دمع يسأل وأنذهل بالإجابه

على غزير الدمع ضمّيت الأهداب
صدّيت لين الدمع يقفي سحابه

[سعـد @jrhdg]

منهو اللي طلّع الموتى من أجداث ونصايب
عيّف الحيّ الحياه و حطّ للميت قناعه

المهم اني معيف وخاطري سامح وطايب
مابقى عندي من أصناف الطموح الا القناعه

[سعـد @jrhdg]

حتى الصراحه بيننا
صارت صعيبه بـ دربنا

وان كان ودّك تبعدين
صعبه انا أنسى حبّنا

مايعني هذا ترجعين
في دنيتي بلقى الهنا

[سعـد @jrhdg]

مانت بـ هوى قلبي ولانت بـ طبيبي
كويتني واليوم بكويك بالنار

انا جفيتك مانفع فيك طيبي
عفتك ولو دمعك على الخد مدرار

[سعـد @jrhdg]

الحزن في صوتك أزعج ساكني
لين صار الكون من حولي حزين

غصب عنّي حزن صوتك هاجني
لين خلّى عاصي المعنى يلين

وأمتثل حرف القصيد وعادني
وأنسكب حزنك على شِعري حنين

شلت انا حزنك وحِزنك شالني
تكتم الصرخه وينساب الأنين