Inderjot

[Inderjot @jugnu30]

Thank You Everyone for your love & support,I will be indebted to you forever❤️🙏🏽

https://t.co/2WhAfauckk

[Inderjot @jugnu30]

ਹੀਰ ਅੱਧਸੁੱਤੀ ਹੀ ਮਿਰਜ਼ੇ ਨਾਲ ਗੱਲਾਂ ਕਰ ਰਹੀ ਹੈ। ਓਹਨੂੰ ਇੰਜ ਮਹਿਸੂਸ ਹੋ ਰਿਹਾ ਹੈ ਕਿ ਜਿਵੇਂ ਓਹ ਕੋਈ ਸੁਪਨਾ ਲੈ ਰਹੀ ਹੋਵੇ। ਹੀਰ ਆਪਣੇ ਮਿਰਜ਼ੇ ਨਾਲ ਦਿਲ ਦੇ ਗਿਲੇ ਸ਼ਿਕਵੇ ਸਾਂਝੇ ਕਰਦੀ ਹੈ। ਓਹ ਮਿਰਜ਼ੇ ਨੂੰ ਦੱਸਣਾ ਚਾਹ ਰਹੀ ਹੈ ਕਿ ਹੁਣ ਓਹ ਮਿਰਜ਼ੇ ਨਾਲ ਮੋਹ ਤਾਂ ਕਰਦੀ ਹੈ ਪਰ ਓਹਦੀ ਮੋਹਤਾਜ ਨਹੀਂ ਰਹੀ। ਮਿਰਜ਼ੇ ਦੀ ਛੱਡ ਜਾਣ ਤੋਂ ਬਾਅਦ ਓਹ ਵੀ ਹੁਣ ਇੱਕਲਿਆਂ ਰਹਿਣਾ ਸਿੱਖ ਗਈ ਹੈ। ਮਿਰਜ਼ਾ ਹੁਣ ਆਏ ਜਾਂ ਨਾ,ਓਹਨੂੰ ਹੁਣ ਕੋਈ ਫ਼ਰਕ ਨਹੀਂ ਪੈਂਦਾ।

ਤਿੰਨ ਮੱਸਿਆ ਤੋਂ,
ਵਿੱਛੜਨ-ਵਿੱਛੜਨ ਕਰਦੈਂ,
ਵਿੱਢਾ,ਵੱਢਿਆ ਈ ਵੇ,
ਮਿਹਣੇ,ਵੰਝ,ਕਲੇਸ਼,
ਦਿਲਾਂ ਚੋਂ ਕੱਢਿਆ ਈ ਵੇ,
ਚੱਲ ਜਾ ਕਰ ਲੈ ਦਿਲ ਆਈਆਂ,
ਸਾਨੂੰ ਕਾਣੀ ਵੰਡ ਸਹੀ,
ਸੌਖੇ ਲੈ ਲਈਂ ਸਾਹ ਵੇ,
ਜਾ ਤੈਨੂੰ ਛੱਡਿਆ ਈ ਵੇ।

ਹਿਜਰਾਂ ਆ ਕੇ,
ਹਿੱਕ ਤੇ ਦੀਵਾ ਗੱਡਿਆ ਈ ਵੇ,
ਅਸਾਂ ਤੈਨੂੰ ਕਿਹੜਾ,
ਸੰਗਲੀ ਪਾ ਕੇ ਫੱਧਿਆ ਈ ਵੇ,
ਤੇਰੇ ਨਾਂ ਦੀ ਟੀਸ ਉੱਠੇ,
ਨਿੱਤ ਹਿੱਕ ਚੋਂ ਜੱਟੀ ਦੇ,
ਤੂੰ ਦਿਲ ਦੀਆਂ ਹੱਸ ਪੁਗਾ,
ਜਾ ਵੇ, ਤੈਨੂੰ ਛੱਡਿਆ ਈ ਵੇ।

ਕੌਣ ਕਿਸੇ ਦਾ ਹੁੰਦਾ,
ਕਿੱਸਾ ਵੱਧਿਆ ਈ ਵੇ,
(ਛੱਡ) ਤੁਰ ਜਾਣ ਸੱਜਣ ਦੇਸ,
ਕੀਹਨੇ ਜਾ ਲੱਧਿਆ ਦੀ ਵੇ,
ਨਬਜ਼ਾਂ ਵਿੱਚ ਦੀ ਰੱਤ ਵੱਗਦਾ,
ਹੁਣ ਨੰਨ੍ਹੀ ਜਾਂ ਦੇ ਨਾਂ,
ਊਂ ਤੇਰੀ ਮਰ ਗਈ ਹੀਰ,
ਜਾ ਵੇ,ਤੈਨੂੰ ਛੱਡਿਆ ਈ ਵੇ।

ਇਹ ਕਹਿੰਦਿਆਂ ਹੀ ਹੀਰ ਇੱਕ ਵਾਰ ਫਿਰ ਬੇਹੋਸ਼ ਹੋ ਜਾਂਦੀ ਹੈ। ਮਿਰਜ਼ਾ ਦੇ ਪੈਰਾਂ ਹੇਠੋਂ ਜ਼ਮੀਨ ਨਿਕਲ ਚੁੱਕੀ ਹੈ। ਓਹਨੂੰ ਇੱਕਦਮ ਅੰਦਾਜ਼ਾ ਹੁੰਦਾ ਹੈ ਕਿ ਹੀਰ ਗਰਭਵਤੀ ਹੈ। ਇੱਕੋ ਪਲ ਵਿੱਚ ਉਸਨੂੰ ਹੀਰ ਦੀ ਥਕਾਨ,ਓਹਦੇ ਚਿਹਰੇ ਦੀ ਲਾਲੀ ਤੇ ਹਲਕੇ ਜਿਹੇ ਭਰੇ ਹੋਏ ਸਰੀਰ ਦਾ ਕਾਰਨ ਸਮਝ ਆ ਜਾਂਦਾ ਹੈ। ਓਹਦੀ ਅੱਖ ਭਰ ਆਉਂਦੀ ਹੈ। ਓਹ ਇੱਕ ਪਲ ਵਿੱਚ ਹੀ ਆਪਣੇ ਗਿੱਲੇ-ਸ਼ਿਕਵੇ ਭੁਲਾ ਬੈਠਾ ਹੈ। ਓਹ ਸਰੀਰ ਕੰਬਣ ਲੱਗ ਪਿਆ ਹੈ,ਤੇ ਦਿਲ ਬੱਸ ਧੱਕ ਕਰਕੇ ਰਹਿ ਗਿਆ ਹੈ। ਨੰਨੀ੍ਹ ਜਾਂ ਦੇ ਆਉਣ ਦੀ ਕਿਆਸ-ਅਰਾਈ ਨੇ ਓਹਦੇ ਗੁੱਸੇ ਨੂੰ ਛੋਟਾ ਸਾਬਿਤ ਕਰ ਦਿੱਤਾ ਹੈ। ਕੁਦਰਤ ਦਾ ਨੇਮ ਸਮਝਦਾ ਹੋਇਆ ਓਹ ਸ਼ਾਂਤ ਹੋ ਗਿਆ ਹੈ। ਓਹ ਆਪਣੀ ਝੋਲੀ ਹੱਥ ਪਾਉਂਦਾ ਹੈ ਤੇ ਆਪਣਾ ਸੱਭ ਤੋਂ ਬੇਸ਼ਕੀਮਤੀ ਇੱਕ ਲਾਲ ਰੱਤਾ ਮੋਤੀ ਹੀਰ ਦੀ ਝੋਲੀ ਵਿੱਚ ਪਾ ਦਿੰਦਾ ਹੈ। ਹੀਰ ਤੇ ਮਿਰਜ਼ੇ ਦਾ ਇਸ਼ਕ ਸੱਚ-ਮੁੱਚ ਹੀ ਹਕੀਕੀ ਹੋ ਚੁੱਕਾ ਹੈ। ਫੇਰ ਓਹ ਹੀਰ ਨੂੰ ਬੁੱਕਲ ‘ਚ ਲਈ ਮਨ ਹੀ ਮਨ ਓਹਦੀ ਗੱਲ ਦਾ ਜਵਾਬ ਦਿੰਦਾ ਹੈ।

ਰਾਖਸ਼ ਸਾਧਃ

ਜੇ ਲੱਖਾਂ ਹੋਏ ਦੀਵਾਨੇ,
ਤਾਂ ਇੱਕ ਮੈਂ ਵੀ ਹੋਵਾਂਗਾ,
ਜੱਦ ਬਾਕੀ ਸਾਰੇ ਤੁਰ ਗਏ,
ਕੱਲਾ,ਇੱਕ ਹੀ ਹੋਵਾਂਗਾ,
ਸਾਹਾਂ ਦੀ ਡੋਰੀ ਨਾ’ ਨਿਭਣਾ, ਮਿੱਠੀਏ,
ਆਸ਼ਕ ਤੇਰੇ ਨੀ,
ਜਿੱਦੇਂ ਨਾ ਕੋਈ ਬਚਿਆ,
ਜਾਣ ਲਈ,ਮਰ ਗਿਆ ਹੋਵਾਂਗਾ।

ਓਧਰ ਗੁੱਕੀ ਵੀ ਹੀਰ ਨੂੰ ਲੱਭਦੀ-ਲਭਾਉਂਦੀ ਓਥੇ ਆਉਂਦੀ ਹੈ। ਗੁੱਕੀ ਨੂੰ ਆਉਂਦਾ ਦੇਖ ਓਹ ਚੁੱਪਚਾਪ ਉੱਠਦਾ ਹੈ ਤੇ ਵਾਪਸ ਆਪਣੀ ਕੁਟੀਆ ਵੱਲ ਤੁਰ ਪੈਂਦਾ ਹੈ। ਓਹਦੇ ਦਿਲ ਵਿੱਚ ਸਕੂਨ ਦੀ ਭਰਮਾਰ ਹੈ ਕਿ ਹੀਰ ਹੁਣ ਬਹੁਤ ਖੁਸ਼ ਤੇ ਸੁਖੀ ਹੈ। ਓਹ ਹੀਰ ਦੀ ਖੁਸ਼ੀ ਵਿੱਚ ਕੋਈ ਖ਼ਲਲ ਨਹੀਂ ਪਾਉਣਾ ਚਾਹੁੰਦਾ,ਏਸੇ ਲਈ ਚੁੱਪਚਾਪ ਓਥੋਂ ਚਲਾ ਜਾਂਦਾ ਹੈ।
#mahuana

[Inderjot @jugnu30]

@nswblues vs @qldmaroons..State of Origin..There are no dead rubbers in War..Let’s farewell our legends Freddy Fitler @freddyfitttler & Teddy Tedesco @jamestedesco in a manner they deserve✊🏾✊🏾

[Inderjot @jugnu30]

A trip to snowy mountains ❤️
ਰਾਖਸ਼ ਦਾ ਹੱਥ ਜੀਤਾਂ ਦੇ ਹੱਥਾਂ ਵਿੱਚ ਹੈ। ਓਹਨੂੰ ਆਪਣੇ ਮਹਿਬੂਬ ਦੀ ਤਾਂਘ ਮਹਿਸੂਸ ਸਹਿ ਰਹੀ ਹੈ। ਓਹ ਜੀਤਾਂ ਦੀਆਂ ਅੱਖਾਂ ਵਿੱਚ ਅੱਖਾਂ ਪਾ ਹਲਕੇ ਜਿਹੇ ਜ਼ੋਰ ਨਾਲ ਓਹਨੂੰ ਆਪਣੇ ਵੱਲ ਖਿੱਚਦਾ ਹੈ ਤੇ ਜੀਤਾਂ ਇੱਕ ਬਿਰਖ ਤੋਂ ਗਿਰਦੇ ਪੱਤੇ ਵਾਂਗ ਰਾਖਸ਼ ਦੀ ਝੋਲੀ ਵਿੱਚ ਆ ਡਿੱਗਦੀ ਹੈ। ਰਾਖਸ਼ ਨੇ ਆਪਣੇ ਖੱਬੇ ਹੱਥ ਨਾਲ ਓਹਦੀ ਬਾਂਹ ਫੜੀ ਹੋਈ ਹੈ। ਓਹ ਸੱਜੇ ਹੱਥ ਨਾਲ ਓਹਦੀ ਜ਼ੁਲਫ਼ ਨੂੰ ਸੁਆਰ,ਓਹਦੀਆਂ ਲਟਾਂ ਨੂੰ ਜੀਤਾਂ ਦੇ ਕੰਨ ਓਹਲੇ ਕਰ ਦਿੰਦਾ ਹੈ ਤੇ ਇੱਕਦਮ ਸ਼ਾਂਤ ਚਿੱਤ ਜੀਤਾਂ ਵੱਲ ਦੇਖਦਾ ਹੈ। ਅੱਗ ਦੀਆਂ ਲਪਟਾਂ ਨਾਲ ਆਸੇ-ਪਾਸੇ ਇੱਕ ਲਾਲ ਜਿਹੀ ਰੌਸ਼ਨੀ ਹੋ ਗਈ ਹੈ ਤੇ ਇਸ ਵਿੱਚ ਰੌਸ਼ਨੀ ਵਿੱਚ ਜੀਤਾਂ ਬਹੁਤ ਖੂਬਸੂਰਤ ਲੱਗ ਰਹੀ ਹੈ। ਓਹ ਜੀਤਾਂ ਦਾ ਚਿਹਰਾਂ ਦੂਜੇ ਪਾਸੇ ਕਰ ਦਿੰਦਾ ਹੈ। ਰਾਖਸ਼ ਦੀ ਮੰਸ਼ਾ ਜਾਣਦੀ ਹੋਈ ਜੀਤਾਂ ਇੱਕ ਹੱਥ ਨਾਲ ਆਪਣੀਆਂ ਜ਼ੁਲਫ਼ਾਂ ਇੱਕ ਪਾਸੇ ਕਰ ਲੈਂਦੀ ਹੈ ਤੇ ਰਾਖਸ਼ ਮੋਤੀਆਂ ਦੀ ਬਣੀ ਮਾਲਾ ਓਹਦੇ ਗੱਲ ਵਿੱਚ ਪਾ ਦਿੰਦਾ ਹੈ। ਜੀਤਾਂ ਹੱਥ ਨਾਲ ਛੋਹ ਕੇ ਮੋਤੀਆਂ ਨੂੰ ਟੋਹਂਦੀੰ ਹੈ। ਰਾਖਸ਼ ਓਹਨੂੰ ਆਪਣੀ ਬੁੱਕਲ ਵਿੱਚ ਲੈ ਕੈਂਦਾ ਹੈ। ਜੀਤਾਂ ਦੀ ਪਿੱਠ ਹੁਣ ਰਾਖਸ਼ ਦੀ ਛਾਤੀ ਵੱਲ ਹੈ। ਰਾਖਸ਼ ਜੀਤਾਂ ਨੂੰ ਆਪਣੀਆਂ ਬਾਹਾਂ ਵਿੱਚ ਲੈ, ਜੰਡ ਨਾਲ ਢਾਹ ਲਾ ਕੇ ਬੈਠ ਗਿਆ ਹੈ। ਜੀਤਾਂ ਵੀ ਰਾਖਸ਼ ਦੀਆਂ ਸੁਡੋਲ ਬਾਹਾਂ ਵਿੱਚ ਅੰਤਾਂ ਦਾ ਸਕੂੰ ਮਹਿਸੂਸ ਕਰ ਰਹੀ ਹੈ।ਆਪਣਾ ਸਿਰ ਰਾਖਸ਼ ਦੇ ਮੋਢੇ ਤੇ ਰੱਖ ਦਿੰਦੀ ਹੈ ਤੇ ਅੱਖਾਂ ਬੰਦ ਕਰ ਜਾਂਦੀ ਹੈ। ਦੋਹੇਂ ਇਸ਼ਕ ‘ਚ ਧੋਖੇ ਖਾਏ ਇੱਕ ਦੂਜੇ ਦੇ ਜ਼ਖ਼ਮਾਂ ਤੇ ਮਲ੍ਹਮ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।

ਰਾਖਸ਼ ਸਾਧਃ

ਨੀ ਮੰਨਾਂ ਤਾਂ ਜੇ ਰੁੱਸਿਆ ਹੋਵਾਂ,
ਲੱਭਾਂ ਤਾਂ ਜੇ ਖੁੱਸਿਆ ਹੋਵਾਂ,
ਰੂਹ ਓਹਨੂੰ ਦੇ ਬੈਠਾ ਹਾਂ,
ਜੇ ਭੁੱਲ ਜਾਏ..ਪਿੰਡਿਓਂ ਹਿੱਸਿਆਂ ਹੋਵਾਂ।

ਕਿਤੇ ਬਾਣ ਬੋਲਾਂ ਦਾ ਕੱਸਿਆ ਹੋਵਾਂ,
ਫੱਟ ਜਾ ਕਿਧਰੇ ਦੱਸਿਆਂ ਹੋਵਾਂ,
ਮੌਨ ਉਡੀਕਾਂ ਮੌਤ ਜਾਂ ਵੱਸਲਾਂ,
ਦੱਸੀ ਜੇ ਕਿਧਰੇ ਨੱਸਿਆਂ ਹੋਵਾਂ।

ਨਾਗ ਇਸ਼ਕ ਦਾ ਡੱਸਿਆ ਹੋਵਾਂ,
ਮੜੀ ਪੁਜੀਂਦੀਂ ਮੱਸਿਆ ਹੋਵਾਂ,
ਆ ਬੁੱਕਲ ਤੇਰੀ ਪੀੜਾਂ ਘੁੱਟ ਲਾਂ,
ਭੋਰੇ..ਕਾਲ ਤਪੱਸਿਆ ਹੋਵਾਂ।
#mahuana

[Inderjot @jugnu30]

ਬੀਰਾਃ

ਨੀ ਦਿਲ ਵਿੱਚ ਰੱਖੀ ਬੈਠਾ,
ਦੱਸਣੀਆਂ ਤੈਨੂੰ ਚਿਰ ਦੀਆਂ ਨੇ।
ਬੀਬਾ ਐਨੀਂ ਸੋਹਣੀ ਹੈ ਤੂੰ,
ਅੱਖਾਂ ਨਾਲੇ ਤੁਰਦੀਆਂ ਨੇ,
ਇੱਕ-ਇੱਕ ਕਰਕੇ ਗਿਰਦੇ ਨੇ,
ਆ ਟਾਹਣੀਓਂ ਫੁੱਲ ਕੁੜੇ,
ਪੱਬ ਚੱਕਦੀ ਰੱਖੇਂ ਹੇਠਾਂ,
ਲੱਗੇ ਜਿਵੇਂ ਖਿੱਲਾਂ ਭੁਰਦੀਆਂ ਨੇ,

ਦਿਲ ਰਹਿੰਦਾ ਤੱਕ ਰੂਪ,
ਜ਼ਬਾਂ ਤੋਂ ਬਾਤਾਂ ਥੁੜਦੀਆਂ ਨੇ,
ਪਾਣੀ ਭਰਨ ਨੂੰ ਜਾਵੇ,
ਸੁਆਣੀਆਂ ਤੱਕ-ਤੱਕ ਮੁੜਦੀਆਂ ਨੇ,
ਮੂੰਹੋਂ ਬੋਲ ਕੀ ਦੱਸੇ ਬੀਰਾ,
ਸਿਫ਼ਤਾਂ ਨਾਰ ਦੀਆਂ,
ਬੁੱਲ ਪਪੀਸੀਆਂ ਅਰਗੇ,
ਲੱਗਣ ਜਿਉਂ ਭੇਲੀਆਂ ਗੁੜ ਦੀਆਂ ਨੇ।

ਇੱਕ ਕਰਨੀ ਆਲਾ ਸਾਧ ਕੁੜੇ,
ਮੈਂ ਸੁਣੀਆਂ ਚਿਰ ਦੀਆਂ ਨੇ,
ਭਸਮਾਂ ਮੱਲ ਕੇ ਬੈਠੇ,
ਰਾਖਸ਼ ਦਿੱਤੇ ਗੁਰ ਦੀਆਂ ਨੇ,
ਸੁਥਰੇ ਮੋਤੀਆਂ ਆਲਾ,
ਜੇ ਝੋਲੀ ਦੇ-ਦੇਵੇ ਇੱਕ ਤੈਨੂੰ,
ਹੋਣੀਆਂ ਗੱਲਾਂ ਸੱਥ ਵਿੱਚ,
ਹੂਰ ਦੀ ਹੁਰ-ਹੁਰ-ਹੁਰ ਦੀਆਂ ਨੇ।

ਦਿਲ ਵਿੱਚ ਪੀਰ ਵਸੇਂਦਾ,
ਸਿਫਤਾਂ ਮੂੰਹੋਂ ਫੁਰਦੀਆਂ ਨੇ,
ਚੱਕੀ ਦੇ ਪੁੜ ਜੇਠੀ ਹੈ ਛਾਤੀ,
ਹਰ ਥਾਂ ਗੱਲਾਂ ਤੁਰਦੀਆਂ ਨੇ,
ਇੱਕ ਹੀ ਰੱਬ ਦਾ ਬੰਦਾ,ਕਹਿੰਦੇ,
ਬਚਿਆ ਮੁਲਖਾਂ ਨੂੰ,
ਕੋਹਝੇ,ਕਾਣੇ ਲੋਕ,
ਜ਼ਮੀਰਾਂ ਮਰੀਆਂ ਧੁਰ ਦੀਆਂ ਨੇ।

[Inderjot @jugnu30]

ਅੱਜ ਦਿਲ ਬਹੁਤ ਭਰਿਆ ਹੈ..ਪਿੰਡ ਦੀ ਯਾਦ ਆ ਰਹੀ ਹੈ। ਗਰਿਫਿਥ ਸ਼ਹੀਦੀ ਟੂਰਨਾਮੈਂਟ ਆਰਗੇਨਾਈਜ਼ ਕਰਨ ਵਾਲਿਆਂ ਦਾ ਦਿਲੋਂ ਧੰਨਵਾਦ।। 🙏🏽❤️

Attending 25th Griffith Shaheedi Tournament - Griffith Sikh Games..Thank you to the organisers from the bottom of my heart🙏🏽❤️

[Inderjot @jugnu30]

Happy Birthday Shivani Beta..May waheguru bless you with good health and prosperity in life..Congratulations to the proud parents Harpreet Singh Bhaji & Kiran Bhabi Ji❤️

[Inderjot @jugnu30]

ਕਿਸਾਨੀ ਲਿਖਤ ਨੰ: 50

ਦੋਗਲੇ

ਤੇਰੇ ਪਿਓ ਨੂੰ ਵੀ ਇਹਨੇ,ਸੜਕ ਬਿਠਾ ਕੇ,
ਤਾਂਡਵ ਕੀਤਾ ਸੀ,
ਜਾ ਭੱਜ ਜਾ ਤੂੰ ਅੱਤਵਾਦੀ ਕਹਿ ਕੇ,
ਖਾਰਜ ਕੀਤਾ ਸੀ,
ਜੇ ਸ਼ਰਮ ਹੁੰਦੀ ਤਾਂ ਨਾ ਜਾਂਦੇ,
ਲੱਖ-ਲਾਹਨਤ ਥੋਡੇ ਤੇ,
ਅਕ੍ਰਿਤਘਣਾਂ ਦੀ ਟੋਲੀ,
ਸੁਥਰਾ ਕਾਰਜ ਕੀਤਾ ਜੀ,
Insta live ਕਰੇਂਦੀ ਧੀ,
ਪੁੱਤ ਸੂਟ Bell Bottom ਦੇ,
ਅੱਜ ਤਲਵੇ ਚੱਟਦੇ ਦਿਸ ਗਏ..ਦੋਗਲੇ; ਹਾਕਮ ਦੇ।

ਅਸੀਂ ਕਿਸਾਨਾਂ ਨਾਲ ਜੀ..ਕਹਿੰਦੀ ਰੋਕਾਂਗੇ,
ਜਿਹੜਾ ਮੂਹਰੇ ਆਇਆ,ਅਸੀਂ ਤਾਂ ਠੋਕਾਂਗੇ,
ਹੁਣ ਭਿੱਜੀ ਬਿੱਲੀ ਬਣ ਕੇ,
ਫਿਰਦੀ ਜੀ-ਜੀ ਕਰਦੀ ਜੀ,
ਹਾਸਾ ਆਉਂਦਾ “ਜੁਗਨੂੰ” ਕਾਲ਼ੀਆਂ ਜੋਕਾਂ ਤੇ,
Ohh PM ਸਾ’ਬ ਨੇ ਆਏ,
ਲਿਖਦੇ ਕਾਲਮ ਜਿਹੇ,
ਅੱਜ ਤਲਵੇ ਚੱਟਦੇ ਦਿਸ ਗਏ..ਦੋਗਲੇ; ਹਾਕਮ ਦੇ।

2-4 ਖੜੇ ਸਿੰਘ ਬਾਹਰ,
ਮੇਰੀ ਮਾਫੀ ਕਹਿਣਾ ਜੀ,
ਪਾਸਾ ਵੱਟ ਕੇ ਲੰਘ ਗਏ,
ਅਸੀਂ ਕੀ ਲੈਣਾ ਜੀ,
ਮੂੰਹ ਤੇ ਥੱਪੜ ਮਾਰ ਕੇ,
ਮਾਹੂਆਣੇ ਗਿਣ ਲਈਂ “ਸੱਤ ਸੌ” ਫੇਰ,
ਓਹਦੇ ਭਗਤ ਜਾਂਦੇ ਤਾਂ ਜਾਂਦੇ,
ਤੁਸੀਂ ਕੀ ਲੈਣਾ ਸੀ,
ਸ਼ਰਮ ਹਯਾ ਨੂੰ ਛਿੱਕੇ ਟੰਗ,
ਦਿਸੇ ਨੱਚਦੇ on’em ਕਹਿ,
ਅੱਜ ਤਲਵੇ ਚੱਟਦੇ ਦਿਸ ਗਏ..ਦੋਗਲੇ; ਹਾਕਮ ਦੇ।

ਬਹੁਤਾ ਬੋਲੇਂਗਾ ਤਾਂ,
ਯਾਰੀ ਕਾਂਵਾਂ ਦੀ ਹਰ ਲਏਂਗਾ,
ਪਤਾ ਨੀ ਕੀ ਜਾ ਨਿੱਬੜੂ,
ਧੌਖਾ ਕੈ-ਕੈ ਜਰ ਲਏਂਗਾ,
ਕਹਿੰਦੇ ਕੁਝ ਨੇ ਕਰਦੇ ਕੁਝ,
ਦਿਲ ਕਾਲੇ ਸੱਜਣਾਂ ਦੇ,
ਆਵਾ ਦੀ ਊਤਿਆ ਪਿਆ,
ਵੇ “ਮਾਹੂਆਣੇ” ਤੂੰ ਕੀ ਕਰ ਲਏਂਗਾ,
ਭੁੱਲ ਗਏ ਨੇ ਸੱਭ Morals ਕਾਣੇ..ਅਲਫ਼ੋੰ ਬੇ,
ਅੱਜ ਤਲਵੇ ਚੱਟਦੇ ਦਿਸ ਗਏ..ਦੋਗਲੇ; ਹਾਕਮ ਦੇ॥

#KisaanMajdoorEktaZindabaad
#kisaanektazindabaad
#Farmers
#mahuana

[Inderjot @jugnu30]

Sydney Vaisakhi Mela Blacktown 2023

ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ

ਨਹੀਂ ਦਿਸਿਆ..ਘੁਣ ਲੱਗ ਚੁੱਕਿਆ,
ਹੁਸਨਾਂ ਦੀ ਫਿਤਰਤ ਨੂੰ,
ਰਹਿ ਗਿਆ ਸੱਭ ਅਣਬੁੱਝਿਆ,
ਲਾਂਬੂ ਲੱਗ ਗਏ ਹਸਰਤ ਨੂੰ,
ਕੁਝ ਲਿਖਿਆ..ਕੁਝ ਮਰ ਗਿਆ,
ਤੁਰਦੇ ਹੋ ਗਏ ਚੱਕ ਗੱਠੜੀ,
(ਨੀ)..ਫੱਟ ਸੀਣੇ ਸੀ..ਫੱਟ ਦੇ ਗਈਂ ਏਂ,
ਕਾਹਦੀ ਮੁਰਸ਼ਦ ਤੂੰ,
ਪਰਬਤ ਵਰਗਾ ਜਿਗਰਾ ਸੀ,
ਜੱਟ,ਥੰਮ ਤੋਂ ਹਿਲ ਗਿਆ ਨੀ,
ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ,
ਰਾਤ ਦੇ ਪਹਿਰ..ਬੁਲਾਉਂਦੀ ਆ ਜਾ ਮਿਲਜਾ ਨੀ।

Future Plan ਦਿਲਾਂ ਤੋਂ,
OK..Tick ਹੋ ਜਾਂਦੇ ਸੀ,
ਲੋਈ ਦੀ ਬੁੱਕਲ ਲੈ ਕੇ,
ਦੋਹੇਂ ਵਿੱਚ ਹੋ ਜਾਂਦੇ ਸੀ,
ਚੰਨ ਚਾਨਣੀ ਭਰੇ ਗਵਾਹ,
ਨਿੱਘ ਗੂੜਾ ਇਸ਼ਕੇ ਦਾ,
ਤੂੰ ਮੇਰੀ..ਮੈੰ ਤੇਰਾ,
ਦੋਵੇਂ ਇੱਕ ਹੋ ਜਾਂਦੇ ਸੀ,
ਕਰ ਚੇਤੇ ਮੇਲ ਰੂਹਾਨੀ,
ਮੇਰਾ ਘੱਟਦਾ ਦਿਲ ਜਿਹਾ ਨੀ,
ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ,
ਰਾਤ ਦੇ ਪਹਿਰ..ਬੁਲਾਉਂਦੀ ਆ ਜਾ ਮਿਲਜਾ ਨੀ।

ਆਏ ਲੂੰਬੜ ਬਣ ਤੇਰੇ ਭਾਈ,
ਪੁੱਠ ਤੇ ਜੁੱਤੀਆਂ ਖਾਣੇ ਨੂੰ,
ਮੌਤ ਬੁਲਾਉਂਦੀ ਫਿਰਦੀ,
ਸਮਝ ਨਾ ਆਉਂਦੀ ਲਾਣੇ ਨੂੰ,
ਸਾਲੇ..ਮਾੜੀ ਜਨਾਨੀ ਆਗੂਂ,
ਖੇਖਣ ਕਰਦੇ, ਪਿੜ ਯਮ ਦੇ,
ਧੁਰ ਕੀ ਗੱਡੀ ਚੜਨਾ,
ਆਖਣ ਆਏ ਪ੍ਰਾਹੁਣੇ ਨੂੰ,
ਬੱਸ ਤੇਰੇ ਨਾਂਉਂ ਦਾ ਵਰਕਾ,
ਜ਼ਿੰਦਗੀ ਓਨ੍ਹਾਂ ਦੀ,ਠੱਲ੍ਹਦਾ ਨੀ,
ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ,
ਰਾਤ ਦੇ ਪਹਿਰ..ਬੁਲਾਉਂਦੀ ਆ ਜਾ ਮਿਲਜਾ ਨੀ।

ਨਿਭਣਾ ਪੈਣਾ ਸੀ ਮਿੱਠੀਏ,
ਲੌ ਬੁੱਝਦੀ ਰਿਸ਼ਤੇ ਤੇ,
ਸੌਖਿਆਂ ਨਹੀੰ ਕਦੇ ਨਿੱਬੜੇ,
ਪੈਂਡੇ ਬਿਖੜੇ ਇਸ਼ਕੇ ਦੇ,
ਅੱਡ ਹੋ ਚੱਲੇ..ਨਹੀਂ ਮਿਲਦੇ,
ਚਾਹੇ ਪਹਿਲਾਂ ਵਾਂਗ ਕੁੜੇ,
ਚਿੱਤ ਖੜ ਜਾਂਦਾ ਹਜੇ ਵੀ,
ਤੇਰੀ ਮੂਰਤ ਦਿਸ ਪਏ ਤੇ,
ਯਾਦ ਰਹੂ ਦਰ ਉਮਰਾਂ,
“ਹੀਰੇ” ਸੀ..ਕੋਈ ਦਿਲ ਜਾਨੀ,
ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ,
ਰਾਤ ਦੇ ਪਹਿਰ..ਬੁਲਾਉਂਦੀ ਆ ਜਾ ਮਿਲਜਾ ਨੀ।

ਆ ਜਾਵੇਂ ਤਾਂ ਬਹਿ ਕੱਠਿਆਂ,
ਝੱਟ ਧੂਣੀ ਸੇਕ ਲਈਏ,
ਨਿਭਣੀ ਸੀ..ਜਿਹੜੀ ਨਿਭ ਗਈ,
ਕੱਢ ਹੁਣ ਦਿਲ ਚੋਂ ਮੇਖ ਲਈਏ,
ਕਿੱਥੇ ਫੂਕਣੇ ਚਾਅ ਸੱਧਰਾਂ,
ਕਿੱਥੇ ਸੁਫ਼ਨੇ ਦਫ਼ਨ ਹੋਣੇ,
ਇੱਲ-ਅੱਲਾ੍ਹ..ਪੜ ਹੋਣਾ,
ਥਾਂ ਓਹ ਰਲ ਕੇ ਦੇਖ ਲਈਏ,
ਅੰਨੇ੍ਹ ਦੀ ਹਿੱਕ ਆਲਾ ਝੱਗਾ,
ਛਾਤੀ ਕੋਲ਼ੋਂ ਸਿੱਲ ਗਿਆ ਨੀ,
ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ,
ਰਾਤ ਦੇ ਪਹਿਰ..ਬੁਲਾਉਂਦੀ ਆ ਜਾ ਮਿਲਜਾ ਨੀ।

ਕਿਣ-ਕਿਣ ਕਰਕੇ ਰੇਤ ਗਿਰੇ,
ਬੰਦ ਦਿਲ ਦੀਆਂ ਮੁੱਠੀਆਂ ਤੋ,
ਡੁੱਬਦਾ ਮਨ ਸਮਝਾਵੇ, “ਜੁਗਨੂੰ”,
ਦਰਦਾਂ ਉੱਠੀਆਂ ਤੋਂ,
ਮੁੱਕ ਚੱਲੇ ਹੁਣ ਸਾਹ ਅੜੀਏ,
ਸੁੰਨ ਵਰਤੀਂ ਰਾਹਾਂ ਤੇ,
ਮੇਰਾ ਪੀਰ ਕਰੂ ਇਨਸਾਫ਼,
ਤੇਰੀਆਂ ਕਸਮਾਂ ਝੂਠੀਆਂ ਤੋਂ,
ਮਰ ਗਿਆ ਕਦੋਂ ਦਾ “ਮਾਹੂਆਣਾ”,
ਹੁਣ ਕਦੇ ਓਥੇ ਮਿਲਦਾ ਨੀਂ,
ਓਹੀ ਮੋੜ..ਓਹੀ ਸਿਵਿਆਂ ਨਾਲ ਦੀ ਨਹਿਰ,
ਰਾਤ ਦੇ ਪਹਿਰ..ਆਖਦੀ ਮੁੱਕ ਗਿਆ ਮਿਰਜ਼ਾ ਨੀ॥
#mahuana

[Inderjot @jugnu30]

Congratulations Balwinder Pal Singh ji,Karenjit Kaur ji & family on Anand Karaj of Jasleen and Amandeep..A beautiful wedding ceremony❤️

[Inderjot @jugnu30]

ਗਮ ਦੀ ਨੁਮਾਇਸ਼

ਕੁਝ ਛਾਤੀ ਭਾਰ ਜਿਹਾ ਪੈ ਜਾਂਦੈ,
ਕੁਝ ਸੁਪਨੇ ਮਰਦੇ ਨੇ,
ਹਾਰ ਗਏ ਚਾਅ ਪਹਿਲਾਂ ਹੀ ਉਸਤੋਂ,
ਫਿਰ ਹਸਰਤ ਕਰਦੇ ਨੇ,
ਹਿਜ਼ਰਾਂ ਆਲੀ ਰੁੱਤ ਦਾ ਆਲਮ,
ਨਾਂ ਪੁੱਛ “ਮਾਹੂਆਣੇ”,
ਰੋਜ਼ ਲੱਗਦੀ ਹੈ,
ਮੇਰੇ ਗਮ ਦੀ ਨੁਮਾਇਸ਼,
ਤੇ ਲੋਕੀ ਵਾਹ-ਵਾਹ ਕਰਦੇ ਨੇ॥
#mahuana

इक छाती बोझ सा है,
कुछ सपने मारते हैं,
हार गयें कह कर हम उनसें,
फिर हसरत करते हैं,
हिज्र की शब् का आलम,
ना पूछ “माहुआणे”,
रोज़ लगती है,
मेरे ग़म्म की नुमायश,
लोग वाह-वाह करते है॥

[Inderjot @jugnu30]

@iambohemia
#bohemia
#50bworldwide

ਪਾਪ

ਸਸਤਾ ਲੱਗਦਾ ਪਾਪ,
ਖ਼ਰੀਦਣ ਲੱਗੇ ਨੂੰ,
ਕਿਸ਼ਤਾਂ ਬੰਨ੍ਹ ਕੇ ਬਦਲਾ ਲੈਂਦਾ,
ਕਰਮਾਂ ਵਾਲਾ ਬੈਲ਼,
ਉਮਰਾਂ ਦੇ ਆ ਦਾਗ਼,
ਲਗੇਂਦੇ ਝੱਗੇ ਨੂੰ।

ਲੜਦੀ ਤਾਂ ਸੱਭ ਤੇਰਾ ਹੀ ਸੀ,
ਪਰ ਧੋਖਾ ਮਾਫ਼ ਨਹੀਂ,
ਆਪਣਿਆਂ ਤੋਂ ਹੀ ਕਰਦਾ,
ਬੇ-ਗਾਨੇ ਤੋਂ ਆਸ ਨਹੀਂ,
ਰੁੱਖੀ-ਮਿੱਸੀ ਖਾ ਕੇ ਕੱਟ ਲਊ,
“ਮਾਹੂਆਣਾ” ਝੋਰਾ ਨਹੀਂ ਖਾਂਦਾ,
ਨਹੀਂ ਚਾਹੀਦਾ ਸੱਜਣ,
ਜਿਹੜਾ ਦਿਲ ਤੋਂ ਸਾਫ਼ ਨਹੀਂ,
ਕੋਹੜ ਦਿਲਾਂ ਵਿੱਚ ਲੈ ਕੇ,
ਸੁਥਰਾ ਠੱਗੇ ਨੂੰ,
ਕਿਸ਼ਤਾਂ ਬੰਨ੍ਹ ਕੇ ਬਦਲਾ ਲੈਂਦਾ,
ਕਰਮਾਂ ਵਾਲਾ ਬੈਲ਼,
ਉਮਰਾਂ ਦੇ ਆ ਦਾਗ਼,
ਲਗੇਂਦੇ ਝੱਗੇ ਨੂੰ।

ਖੌਰੇ ਆਉਸੀ,ਯਾਰ ਮਿਲੇਸੀ,
‘ਮੇਂਦ ਜਿਹੀ..ਜੀ ਕੱਚੇ ਨੂੰ ਸੀ,
ਪਿਆਰ ਪੁਗਣ ਦੀ ਤਾਂਘ,
ਐਹ ਕਮਲ਼ੇ,ਦਿਲ ਬੱਚੇ ਨੂੰ ਸੀ,
ਮੇਰੀ ਟੁੱਟੀ-ਭੱਜੀ ਯਾਰੀ,
ਰੁੜ੍ਹ ਗਈ,ਰਾਵੀ ਪੱਤਣਾਂ ਤੋਂ,
ਮਾੜੇ ਨੂੰ ਸੂਈ ਘੁੰਮ ਗਈ,
ਜਿਹੜੀ ਕੱਲ ਅੱਛੇ ਨੂੰ ਸੀ,
ਠਾਹ ਕਰਕੇ ਕੰਨ ਲੱਫੜ,
ਇਸ਼ਕ ਦਾ ਵੱਜੇ ਨੂੰ,
ਕਿਸ਼ਤਾਂ ਬੰਨ੍ਹ ਕੇ ਬਦਲਾ ਲੈਂਦਾ,
ਕਰਮਾਂ ਵਾਲਾ ਬੈਲ਼,
ਉਮਰਾਂ ਦੇ ਆ ਦਾਗ਼,
ਲਗੇਂਦੇ ਝੱਗੇ ਨੂੰ।

ਮੈਂ ਮੁੱਕਣਾ,ਤੂੰ ਮੁੱਕਣਾ,
ਦੁਨੀਆ ਮੁੱਕ ਜਾਣਾ,
ਸਮੇਂ ਦਾ ਚੱਕਾ ਚੱਲਣਾ,
ਕਿਹੜਾ ਰੁੱਕ ਜਾਣਾ,
“ਗੁਰੂ ਗੋਬਿੰਦ” ਹੋਸੀ ਜਾਮਣ,
ਮੇਰੀਆਂ ਲਿਖਤਾਂ ਦਾ,
ਹਰਫ਼ਾਂ ਦੇ ਵਿੱਚ “ਜੁਗਨੂੰ” ਸੱਭ ਸੱਚ ਲਿਖ ਜਾਣਾ,
ਭੁੱਬ ਨਿਕਲਣੀ ਸੱਜਣਾਂ,
ਲਾਂਬੂ ਲੱਗੇ ਨੂੰ।
ਕਿਸ਼ਤਾਂ ਬੰਨ੍ਹ ਕੇ ਬਦਲਾ ਲੈਂਦਾ,
ਕਰਮਾਂ ਵਾਲਾ ਬੈਲ਼,
ਉਮਰਾਂ ਦੇ ਆ ਦਾਗ਼,
ਲਗੇਂਦੇ ਝੱਗੇ ਨੂੰ।
#mahuana

[Inderjot @jugnu30]

Happy Birthday Papa..Love you to the moon and back❤️

ਬਾਪੂ

ਜੇ ਨਾਂ ਹੋਣ ਬਾਪ ਦੀਆਂ ਮਾਰਾਂ,
ਕਦੇ ਨਾਂ ਜਿੱਤ ‘ਚ ਬਦਲਦੀਆਂ ਹਾਰਾਂ,
ਬੱਚੇ ਲਈ,ਖੜ ਜਾਏ ਦੁਨੀਆ ਅੱਗੇ,
ਓਹ ਖ਼ਾਲਸ ਘਿਓ ਬਾਪੂ,
ਬੱਸ ਇੱਕ ਹੋਰ ਗੱਲਵੱਕੜੀ ਦੇ-ਦੇ,
ਮਾਰ ਲਈਂ ਸੌ ਬਾਪੂ।

ਰੀਝਾਂ ਹੱਥੀਂ ਪੁਗਾਈਆਂ,
ਛਾਵਾਂ ਕਰ ਤੀਆਂ ਧੁੱਪਾਂ ਤੋਂ,
ਓਟ ਰੱਖੀ ਪੁੱਤ ਆਪਣੇ,
ਠੰਡੀਆਂ ਮੁੱਠੀਆਂ ਰੁੱਤਾਂ ਤੋਂ
ਜਲ ਲੈ ਜਿਹਦਾ ਸਿੰਜਿਆ ਬਚਪਨ,
ਓਹ ਟਿੰਡ ਵਾਲਾ ਖੂਹ ਬਾਪੂ,
ਬੱਸ ਇੱਕ ਹੋਰ ਗੱਲਵੱਕੜੀ ਦੇ-ਦੇ,
ਮਾਰ ਲਈਂ ਸੌ ਬਾਪੂ,

ਮਹੀਨਾ ਲੱਥੇ ਨੂੰ ਸਾਂਭੀਆਂ,
ਘਰ ਵਿੱਚ ਪਈਆਂ ਥੋੜਾਂ ਤੂੰ,
ਥੋੜੇ ਜਿਹੇ ਨੋਟਾਂ ਨਾਲ ਵੀ,
ਕਦੇ ਨਹੀਂ ਘਟਿਆ ਲੋੜਾਂ ਤੋਂ,
ਵਾਦਾ..ਕਾਲਖ ਗ਼ੁਰਬਤ ਵਾਲੀ,
ਤੇਰੇ ਪੁੱਤ ਦੇਣੀ ਧੋ ਬਾਪੂ,
ਬੱਸ ਇੱਕ ਹੋਰ ਗੱਲਵੱਕੜੀ ਦੇ-ਦੇ,
ਮਾਰ ਲਈਂ ਸੌ ਬਾਪੂ।

ਇੱਕ-ਇੱਕ ਹੱਥੀਂ ਕੀਤੇ,
ਲਾਡਾਂ ਦੀਆਂ ਬਾਤਾਂ ਚੇਤੇ ਨੇ,
ਜੁਗਨੂੰ ਖ੍ਵਾਬ ਪੂਰੇ ਕਰ ਦੇਣੇ,
ਜੋ ਤੇਰੀ ਅੱਖੀਆਂ ਦੇਖੇ ਨੇ,
ਪੋਹ ਦੇ ਮਹੀਨੇ Sydney,
ਤੇਰੇ ਬਿਨਾ ਲੂ ਬਾਪੂ,
ਬੱਸ ਇੱਕ ਹੋਰ ਗੱਲਵੱਕੜੀ ਦੇ-ਦੇ,
ਮਾਰ ਲਈਂ ਸੌ ਬਾਪੂ।

ਪਰਦੇਸਾਂ ਵਿੱਚ ਜਾ ਬੈਠਾ,
ਜਾਣੇ ਹਰ ਇੱਕ ਦੁੱਖ ਤੇਰਾ,
ਜਿਵੇਂ ਰਿਜ਼ਕ ਬਾਬੇ ਨੇ ਬਖ਼ਸ਼ਿਆ,
ਚੋਗ ਚੁਗੇਂਦਾ ਪੁੱਤ ਤੇਰਾ,
ਲੋਥ ਰਹਿੰਦੀ Australia,
“ਮਾਹੂਆਣੇ” ਰੂਹ ਬਾਪੂ,
ਬੱਸ ਇੱਕ ਹੋਰ ਗੱਲਵੱਕੜੀ ਦੇ-ਦੇ,
ਮਾਰ ਲਈਂ ਸੌ ਬਾਪੂ।।
#mahuana

[Inderjot @jugnu30]

ਵਿਸਾਖੀ ਦੇ ਪਵਿੱਤਰ ਤਿਉਹਾਰ ਦੀਆਂ ਤੁਹਾਨੂੰ ਸਾਰਿਆਂ ਨੂੰ ਲੱਖ ਲੱਖ ਵਧਾਈਆਂ..Happy Vaisakhi Everyone❤️
#mahuana

[Inderjot @jugnu30]

35 ਸਾਲ ਹੋਏ ਖੇਡਾਂ ਤੁਰੀਆਂ,
ਸਿੰਘਾਂ ਦੇ ਨਾਉਂ,
Gold Coast ਦੇ ਪਿੜ ਵਿੱਚ ਪੈਂਦੇ,
ਜਾਫੀਆਂ ਦੇ ਦਾਉ,
ਧੱਕ ਪੈਂਦੀ ਐਸ ਵਾਰ ਫੇਰ,
ਗੁਰੂ ਰੱਖੇ..ਦੱਬਦੇ ਨੀ ਦੱਬਿਆਂ,
ਦਿਲ ਭਰ ਆਇਆ ਦੇਖ ਕੇ,
“ਮਾਹੂਆਣੇ” ਸੱਜਣਾਂ ਦੇ ਚਾਉ॥
#mahuana

Attending 35th Australian Sikh Games Brisbane 2023 Annual Australian Sikh Games..A one of a kind event,which I hope I never have to miss in my lifetime. Heartfelt Thank you to the organisers & volunteers for this monumental effort ❤️

[Inderjot @jugnu30]

35 ਸਾਲ ਹੋਏ ਖੇਡਾਂ ਤੁਰੀਆਂ,
ਸਿੰਘਾਂ ਦੇ ਨਾਉਂ,
Gold Coast ਦੇ ਪਿੜ ਵਿੱਚ ਪੈਂਦੇ,
ਜਾਫੀਆਂ ਦੇ ਦਾਉ,
ਧੱਕ ਪੈਂਦੀ ਐਸ ਵਾਰ ਫੇਰ,
ਗੁਰੂ ਰੱਖੇ..ਦੱਬਦੇ ਨੀ ਦੱਬਿਆਂ,
ਦਿਲ ਭਰ ਆਇਆ ਦੇਖ ਕੇ,
“ਮਾਹੂਆਣੇ” ਸੱਜਣਾਂ ਦੇ ਚਾਉ॥
#mahuana

Attending 35th Australian Sikh Games Brisbane 2023..A one of a kind event,which I hope I never have to miss in my lifetime. Heartfelt Thank you to the organisers & volunteers for this monumental effort ❤️

[Inderjot @jugnu30]

Happy Birthday Nanki..My Lifeline ❤️

ਨੰਨ੍ਹੀ ਰਾਜਕੁਮਾਰੀ

ਦਾਤੇ ਨੇ ਮਿਹਰ ਕਰੀ ਹੈ,
ਝੋਲੀ ਮੇਰੀ ਭਰ ਗਈ ਸਾਰੀ,
ਅਣਮੁੱਲੀ ਦਾਤ ਗੁਰਾਂ ਦੀ,
ਦੇਹਲ਼ੀ ਆ ਗਈ ਹਮਾਰੀ,
ਵੀਰੇ ਦੀ Naughty Pumpkin,
Mumma ਦੀ ਰਾਜ-ਦੁਲਾਰੀ,
ਅੰਬਰਾਂ ਦੇ ਦੇਸ਼ੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ।

ਬੇਬੇ ਤੋਂ ਸੁਣੇ ਲਤੀਫੇ,
ਕਰਮਾਂ ਦੇ ਲੱਗੇ ਵਜ਼ੀਫ਼ੇ,
ਐਸੀ ਲੈ ਕਿਸਮਤ ਆਈ,
ਫ਼ੱਕਰ ਬਣ ਗਏ ਖ਼ਲੀਫ਼ੇ,
ਖਿੜ-ਖਿੜ ਕੇ ਹਾਸੇ ਵੰਡਦੀ,
ਚਾਨਣ ਕਰ ਚਾਰ-ਚੁਫਾਰੀਂ,
ਅੰਬਰਾਂ ਦੇ ਦੇਸ਼ੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ।

ਦੁਸ਼ਟਾਂ ਤੋਂ ਡਰਦੀ ਨਾ ਜੀ,
ਪੱਕਾ ਓਹ ਲਾਵੇ ਤਕਾਨਾ,
ਠੀਕਰੀ ਪਹਿਰਾ ਦੁਸ਼ਮਣ,
ਕਰਦੀ ਤੇਰਾ ਵਧ ਜਜਮਾਨਾਂ,
ਐਸੀ ਹੈ ਜ਼ਿੱਦ ਦੀ ਪੱਕੀ,
ਖੜ੍ਹਜੇ ਤਾਂ ਖੜ ਜਾਂਦੀ ਹੈ,
ਫ਼ਿਕਰਾਂ ਨੂੰ ਛੱਡਦੀ ਪਾਸੇ,
ਚਾਹੇ ਪੈ ਜੇ ਹਰਜਾਨਾ,
ਇੱਕੀਵੀਂ ਸਦੀ ਦੀ ਅੱਦਭੁੱਤ,
ਚੰਡੀ ਦਾ ਰੂਪ ਕੁਆਰੀ,
ਅੰਬਰਾਂ ਦੇ ਦੇਸ਼ੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ।

ਰੁੱਸਦੀ ਤਾਂ ਲਾਵੇ ਧਰਨਾ,
ਹਰ ਕੰਮ ਮੈਂ ਆਪੇ ਕਰਨਾ,
ਸਾਰੇ ਤੁਸੀਂ ਪਿੱਛੇ ਹੱਟਜੋ,
ਦੇਖੋਂਗੇ ਗ਼ੁੱਸਾ ਵਰਨਾ,
“ਜਗਤੇਸ਼ਵਰ” ਵੀਰਾ ਆਖੇ,
Too Much ਹੈ ਕੁੜੀ ਹਮਾਰੀ,
ਅੰਬਰਾਂ ਦੇ ਦੇਸ਼ੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ।

ਵੈਰੀ ਨੂੰ ਅੜਨ ਨੀ ਦੇਣਾ,
ਬਾਪੂ ਮੇਰਾ ਮਰਨ ਨੀ ਦੇਣਾ,
ਲੇਖਾਂ ਦੇ ਕਾਲ ਮੋੜਦੀ,
ਆਖੇ ਤੈਨੂੰ ਹਰਨ ਨੀ ਦੇਣਾ,
ਅੱਖੀਂਆਂ ਚੋਂ ਨੀਰ ਲੁਕਾਉਂਦਾ,
“ਜੁਗਨੂੰ” ਜਾਏ ਬਲਿਹਾਰੀ,
ਅੰਬਰਾਂ ਦੇ ਦੇਸੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ।

ਬਿਪਤਾ ਦੇ ਦਿਨ ਥੋੜੇ ਜਿਹੇ,
ਟਲ ਜਾਣੇ ਆਉਖੇ-ਸੌਖੇ,
ਸਾਰੀ ਗੱਲ ਪਤਾ ਹੈ ਮੈਨੂੰ,
ਸੱਜਣਾ ਨੇ ਦਿੱਤੇ ਧੋਖੇ,
ਪਾਪਾ ਤੁਸੀਂ ਫਿਕਰ ਨਾ ਕਰਨਾ,
ਤੁਹਾਡੇ ਮੈਂ ਨਾਲ ਖੜੀ ਹਾਂ,
ਆਖ਼ਰ ਨੂੰ ਸੱਚ ਹੀ ਜਿੱਤਣਾ,
ਗੁਰੂ ਗੱਫੇ ਦੇਣੇ ਚੋਖੇ,
ਦੁਸ਼ਟਾਂ ਦੇ ਮਨਸੂ-ਬਿਆਂ ਤੇ,
“ਨਾਨਕੀ” ਪੈਣੀ ਭਾਰੀ,
ਅੰਬਰਾਂ ਦੇ ਦੇਸੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ।

ਧੱਕੇ ਨਾਲ ਕੰਮ ਕਰਾਵੇ,
ਸਭਨਾ ਦੇ ਦਿਲ ਨੂੰ ਭਾਉਂਦੀ,
ਕਿਸਮਤ ਲੈ ਮੁੱਠੀਆਂ ਨੱਪੀ,
ਹਾਰੀ ਬਾਜ਼ੀ ਜਿੱਤ ਆਉਂਦੀ,
ਉੱਦਮ ਨਾ’ ਕਰਮ ਕਰੇ ਹੈ,
ਤਾਂਹੀ ਰੱਬ ਮਿਹਰ ਕਰੇ ਹੈ,
ਵੀਰੇ ਨਾ ਰੱਖਿਆ ਐਸਾ,
ਸਭ ਦੀ ਬੇਬੇ ਅਖਵਾਉਂਦੀ,
ਨਾਨਕ ਦੀ ਝਾਕ ਦਿਖਾਉਂਦੀ,
“ਮਾਹੂਆਣੇ” ਕੁੱਲ ਦੀ ਨਾਰੀ,
ਅੰਬਰਾਂ ਦੇ ਦੇਸੋਂ ਆਈ,
ਇੱਕ ਨੰਨ੍ਹੀ ਰਾਜਕੁਮਾਰੀ॥
#mahuana

[Inderjot @jugnu30]

Attending the great festival of Democracy..Let’s get @greencate Cate Faehrmann in at Macquarie Street guys, with 2 of her colleagues @DavidShoebridge 💚🦾

[Inderjot @jugnu30]

ਮ੍ਰਿਗ ਤ੍ਰਿਸ਼ਨਾ

ਹੰਝੂਆਂ ਭਰੀ ਕਟੋਰੀ,
ਕੋਇਆਂ ਚੋਂ..ਹੋ ਕੇ ਡੁੱਲ ਗਈ ਏ,
ਸਭ ਨੂੰ ਖੁਸ਼ ਕਰਦੀ-ਕਰਦੀ,
ਖੁਦ ਹੱਸਣਾ ਭੁੱਲ ਗਈ ਏ,
ਕੈਸੇ ਲਿਖੇ ਨੇ ਲੇਖ ਖੁਦਾ ਨੇ,
“ਜੁਗਨੂੰ”..ਲੈਲਾ ਦੇ,
ਤੇਰੀ ਹਾਂ ਰੂਹ,ਦਿਲ ਤੋਂ,
ਓਹਨੂੰ ਹੀ ਦੱਸਣਾ ਭੁੱਲ ਗਈ ਏ,
ਮ੍ਰਿਗ-ਤ੍ਰਿਸ਼ਨਾ ਮਾੜੀ,
ਤਪਦੇ ਮਰੂਥਲ ਥਾਰ ਦੀ,
ਜ਼ੁਲਫ਼ਾਂ ਸੁਆਰ,ਪੂੰਝ ਹੱਥਾਂ ਨਾਲ ਹੰਝੂਆਂ ਨੂੰ,
ਲਿਖਦੀ ਕਹਾਣੀ..ਓਹਦੇ ਵੱਖ ਹੋਏ ਪਿਆਰ ਦੀ।

ਗਲ ਪਾਈ ਕਾਲੀ ਰੱਖ,
ਤਵੀਤਾ ਕੱਢਿਆ ਪਿੲਾ ਏ,
ਅਖੇ..ਜੋ ਹੋਸੀ ਰੱਬ ਜਾਣੇ,
ਫਿਕਰਾਂ ਛੱਡਿਆ ਪਿੲਾ ਏ,
ਅੱਖੀਂ ਸੁਰਮਾ ਪਾਈ ਫਿਰਦੀ,
ਕਹੇ ਕੋਲੇ ਬਹਿ ਜਾ ਮਿੱਠਿਆ ਵੇ,
ਨੀ; ਕੀਕਣ ਫੱਟ ਦਿਖਾਵੇ,
“ਕੈਸ” ਤਾਂ ਵੱਢਿਆ ਪਿੲਾ ਏ,
ਡੁੱਲੇ ਥਲਾਂ ‘ਚ ਲਹੂ ਦੇ ਕਤਰੇ,
ਲੋਚਦੇ ਝਾਤੀ ਯਾਰ ਦੀ,
ਜ਼ੁਲਫ਼ਾਂ ਸੁਆਰ,ਪੂੰਝ ਹੱਥਾਂ ਨਾਲ ਹੰਝੂਆਂ ਨੂੰ,
ਲਿਖਦੀ ਕਹਾਣੀ..ਓਹਦੇ ਵੱਖ ਹੋਏ ਪਿਆਰ ਦੀ।

ਅੰਬਰੋਂ ਤਾਰੇ ਲੈ ਆਉਣੇ,
ਦਿਲ ਦੇ ਵਿੱਚ ਜਨੂੰ ਏ,
ਓਹਦੀ ਛਾਤੀ ਤੇ ਸਿਰ ਰੱਖਣਾ,
ਆਉਂਦਾ ਦੇਖੀਂ ਝੱਟ ਸਕੂੰ ਏ,
ਮੇਰੇ ਜਿਹੀ ਨਹੀਂ ਘੁੰਮ ਚਾਹੇ,
ਓਹ ਦੇਖ ਲਏ ਸਾਰਾ ਆਲਮ,
ਰਹਿੰਦੀ ਵਿੱਚ trend’an,
ਜੱਟੀ ਪੂਰੀ ਅਫ਼ਲਾਤੂੰ’ ਏ,
ਜਖਮਾਂ ਨੂੰ ਟੋਹ ਗਿਣਦੀ,
ਨੱਢੀ,ਸ਼ੀਸ਼ੇ ਚੋਂ ਨਿਹਾਰਦੀ,
ਜ਼ੁਲਫ਼ਾਂ ਸੁਆਰ,ਪੂੰਝ ਹੱਥਾਂ ਨਾਲ ਹੰਝੂਆਂ ਨੂੰ,
ਲਿਖਦੀ ਕਹਾਣੀ..ਓਹਦੇ ਵੱਖ ਹੋਏ ਪਿਆਰ ਦੀ।

ਸੁਪਨਿਆਂ ਵਿੱਚ ਆ ਮਿਲਦਾ,
ਉਂਝ ਰਹੇ ਵਿੱਚ ਹਕੀਕ ਜੁਦਾ,
ਜਾਂ ਆਉਣਾ ਜਾਂ ਸਾਹ ਮੁੱਕਣੇ,
ਮੇਰੀ ਜਾਣੇ ਖ਼ੈਰ ਖੁਦਾ,
ਦੀਦ ਹੋਵੇ..ਚਾਹੇ ਜਾਂ’ ਲੈ ਜਾਏ,
ਇੱਕੋ ਝੋਰਾ ਜੱਟੀ ਨੂੰ,
ਮਿਲ ਜਾਏ ਮਹਿਰਮ ਦਿਲ ਦਾ,
“ਮਾਹੂਆਣੇ” ਕਰਾਂ ਵਜੂ ਅਦਾ,
ਜਿੱਤ ਜਾਣੀ ਆਖ਼ਰ,
ਐਡੀ ਛੇਤੀ ਨਹੀਓਂ ਹਾਰਦੀ,
ਜ਼ੁਲਫ਼ਾਂ ਸੁਆਰ,ਪੂੰਝ ਹੱਥਾਂ ਨਾਲ ਹੰਝੂਆਂ ਨੂੰ,
ਲਿਖਦੀ ਕਹਾਣੀ..ਓਹਦੇ ਵੱਖ ਹੋਏ ਪਿਆਰ ਦੀ॥
#mahuana

[Inderjot @jugnu30]

Thank you @DavidShoebridge & @greencate for attending and engaging with the local community..much appreciated 🙏🏽

ਸੱਚ ਦੇ ਪਾਂਧੀ ਵਿਰਲੇ “ਮਾਹੂਆਣੇ”,
ਸੁਣਦੇ ਸਾਧ ਖਰੇ,
ਲੱਭ ਜਾਂਦੇ ਨੇ ਮੋਤੀ ਆਖਰ,
ਡੂੰਘੇ-ਪੱਤਣੀਂ ਪੈਰ ਧਰੇ,
ਤੁਰੀ ਹੋਈ ਤਾਂ ਜੂੰ ਵੀ ਕੱਬੀ,
ਤੂੰ ਤਾਂ ਫਿਰ ਇਨਸਾਨ,
ਕੌਮ ਲਈ ਆ ਜੁੜੇ ਨੇ ਸੱਜਣ,
ਰੱਬ ਖ਼ੈਰ ਕਰੇ।
#mahuana

[Inderjot @jugnu30]

ਸੱਚ ਦੇ ਪਾਂਧੀ ਵਿਰਲੇ “ਮਾਹੂਆਣੇ”,
ਸੁਣਦੇ ਸਾਧ ਖਰੇ,
ਲੱਭ ਜਾਂਦੇ ਨੇ ਮੋਤੀ ਆਖਰ,
ਡੂੰਘੇ-ਪੱਤਣੀਂ ਪੈਰ ਧਰੇ,
ਤੁਰੀ ਹੋਈ ਤਾਂ ਜੂੰ ਵੀ ਕੱਬੀ,
ਤੂੰ ਤਾਂ ਫਿਰ ਇਨਸਾਨ,
ਕੌਮ ਲਈ ਆ ਜੁੜੇ ਨੇ ਸੱਜਣ,
ਰੱਬ ਖ਼ੈਰ ਕਰੇ॥
#mahuana
@DavidShoebridge