هعترفلكم إعتراف
أنا إلى الآن مش حافظ أرقام الشهور وبقعد أعدها
يعني لو قلتلي شهر 7 دا شهر كام مثلا معرفش بجد مش مستحضرهم في ذهني
هقعد أعد يناير فبراير مارس ابريل لحد ما اوصله
مش حافظ غير يناير و اكتوبر وديسمبر
مفيش راجل بيضرب مراته مكروه وسط الرجال
مفيش راجل بخيل على مراته مكروه وسطهم
مفيش راجل بيشتم ف مراته مكروه بينهم
مفيش راجل بيضرب عياله مكروه بينهم
الرجل المكروه وسط الرجال هو الي بيطالب بتعليم المرأة ( قاسم امين ) بعدم زواجها و هي طفلة الي ضد التحرش و العنف ضد المرأة
لسه بكتب روايات لحد دلوقتي، بس لوحدي من غير شغف كبير و احساس بالحماس اني هحكيهم لحد و اشوفه متحمس جدا ومنتظرني أكمل
بكتبهم عشان احفظهم واقعد اقرأهم لوحدي في البيت من غير شجاعه اني اقول لحد اقراء
وحشتني اوي ايام اول مره اكتب فيها رواية في حياتي وانا في إعدادي، كنت اروح المدرسه بالكشكول واكتب فيه ولما اخلص اجمع صحابي واحكيلهم الأحداث الجديده في الرواية فا ينبهرو و يقعدو يتناقلوها لبعض بين الفصول
اللي هو شفت حصل ايه النهارده في رواية!
كنت بحس بالفخر اوي