يكفيني أغيب وخافقي ما جاك منه قصور
ويكفيك أتذكر كل ليله لهفة عناقي
تذكر يوم أخليك أتباها كبرياء وغرور
يومني أتحدا بك وأخيب هقوة الهاقي
وتذكر يوم أعذرك وأنت لا صادق ولا معذور
أدور لك عذر وأصدقه وأكذب أحداقي
تذكر يوم جيت من الحزن متضايق ومكسور
فرشت لك الضلوع وقلت لك ياسيد عشاقي
رفعت قدر بعض البشر فوق الأقدار
وحسبتهم للروح دنيا وأوطان
عطيتهم قلبٍ عن الغدر ما اختار
وردّوا جميل الحب بطعنات وخذلان
ما هزّني فقد البشر كثر الانكسار
لا صار من تأمنه هو مصدر الأحزان
بعض الجروح تزاور الروح و تروح
الا الجروح اللي سببها الخيانه
وبعض الامور تهون والعفو مسموح
الا انك تبور و تخون الامانه
واللحظه اللي دونها العفو مذبوح
لا خانك اللي سقت عمرك عشانه
أخترت أعز النفس وأبعد واخليك
ماعادت ايامي معك مثل ماكان
كسرت قلبٍ كان بالحيل يغليك
حطمتني وانا احسبك كل الأمان
حتى على نفسي أنا كنت ابديك
كنت أزرع الفرحه وتملاني احزان