ـ

أنا لستُ هنا إلا عابر سبيل

[ـ @k666y]

( تَوَفَّنِي مُسْلِمًا وَأَلْحِقْنِي بِالصَّالِحِينَ )

[ـ @k666y]

معاد ابي من الناس رساله ولا مرسال
اتركـونـي لـحالـي ولا ابغى . . ازعاج

عايش مرتاح من دون وينك بنص الليال
تركت الناس لناس وحي الله . . المزاج

انا غريق بوسط احلاامي وحياتي خيال
وانا مريض وعلاجي ماهو اي . . علاج .

[ـ @k666y]

من كثر ماني على حياتك .. اخاف
ودي لو أعطيك من عمري عمر للأخير

كثير أشياء ما هي لازم تصير و تشاف
إلا إبتسامة شفاتك لازم إنها تصير

خذني معك أرتوي خذني معك للجفاف
أنا معك مستعدة أواجه أقسى مصير

تعيش في قلبي الاول من أول طواف
و يا جعلك تعيش به لين الوداع الاخير

[ـ @k666y]

أستحيت من المشاريه ومعاتب جفاك
واقتنعت إن الغلا مايجي عرض وطلب

قلت اصد بـ كل حبي وتعظيمة غلاك
قبل اصّد بـ قلب عايف وحالٍ منقلب

[ـ @k666y]

من عطاني قدري أعطيه احترامي
ومن تجاهلني تجاهلته وطفته

ومن يدوّر قربي أعطيه إهتمامي
ومن يقفّي عني أهملته وعفته

والمكان اللي ينزّل من مقامي
ت��كسر رجلي ليا جيته ولا حفته

[ـ @k666y]

عيفتني حبك وأنا كنت هاويك
اغليك لكن طابت النفس منك

احنك من اللي يحسك ويداريك
ولا صرت ماحنيتني كيف احنك

بنسى اللي فرقنا ولاني بنــاسيك
وانت انس ولا اذكر على حسب ظنك

خليتني غصب عن القلب اخليك
واقاطعك واجفاك واصد عنك

وهذا وانا قلبي للحين يغليك
"لكن سمحت وطابت النفس منك"

[ـ @k666y]

اقبله أيام عمري وأجمل سنيني
سعادتي في عيونك لاتصاغرها

َتدري ليامن ذكرتك وش يجي فيني
أعيش حاله غريبه ماتصورها

أضحك وأسولف بحبك بيني وبيني
وأفتح رسايلك وأقراها وأكررها

محبتك عن جميع الخلق تكفيني
ياجعل ربي علينا مايغيرها

[ـ @k666y]

��إن رجعنا . . للتواصيف لله الكمال
لا أنتهى ليا المزايين . . جاتك تبتديه

هيه يـ اللي غرك الحسن واطغاك الجمال
والله إن اموت ما شفت لأوصافك شبيه

لو يسام الحسن والتيه بجنيه وريال
ما بقى في سوق غيرك ريال ولا جنيه

كيف اهدك للمقادير وانتي راس مال
راس مال والمال . . ما يعطى للسفيه

[ـ @k666y]

ذا الليل في شارع المحبوب وحداني
ماعاد وافاني الي فيه وافاني

ياحي ليتاته وياحي روّاده
حـتى لامريـته من بعيد ناداني

انا في ذالشارع همومي تسامحني
انا في ذا الشارع اتخلص من احزاني

[ـ @k666y]

غيبي بكيفك قد مانتيّ تحبين
لكن أمانه عقبها واصليني

ترى الجفا يا حلوتي ند الأثنين
وأنا أدري أنك يا خلفهم تبينيَ

إليا ��باطيتك غدى خاطري شين
وكل القوافي يوم رحتّي تجيني

«القلب لا يمكن يجي فيه شخصيّن
تريحي نامي هنا — وازهليني »

[ـ @k666y]

كل لحضه كانت بقربك عظيمة
عيا يكررها الزمن بعد ممشاك

ماعاد للتاريخ معنى وقيمة
عدا على قلبٍ عجز ماتعداك

ممنون لكل الليالي القديمة
اللي بها صوتك ووجهك وملقاك

[ـ @k666y]

ماخابت عزومي ولا مال ظلي
ولا فاتني وقتي لو الوقت فوّات .

[ـ @k666y]

المسافه ماتغير حبش بقلبيّ
لو كنتي بأخر الدنيا احبش

[ـ @k666y]

رغم بعدش عن عيوني والجفا واسبابه
حالفٍ م احب غيرش لو زماني ..ضدي

[ـ @k666y]

إن غلَبك الشوق شوف القمر فوقك عشان
— تلتقي عيني وعينك على سطح القمر.

[ـ @k666y]

تراقبني بـ عيّنك و انا اراقبك بالعيّن
نبي بعضنا لكن الاوضااع تمنعنا

[ـ @k666y]

عصرية الشوق ما خلت طبايعها
مع كل فنجال قهوة جابت أخبارك

[ـ @k666y]

مازلت انا الاول ابد ماتغيرت
ذاك القديم بطيبتي وبصفاتي

يجوز حدتني الظروف وتعثرت
بس المهم اني على الطيب باقي

[ـ @k666y]

إن غبت عنك يوم يومين لك عنيت
هذا وأنت بعروقي وبقلبي وبعيوني

ياليتك على طيوفك قبل لا تجي عييت
وياليت الظروف ليا تمنيت طاعوني

دخيلك ليا من جابني طاري وحنيت
لاتذخر من إحساس الوله شي لعيوني

معاك المشاعر طبّقت خطّة التكويت
تمنّيتك أنت و واجد اللي تمنوني .

[ـ @k666y]

والله إن بعض الاماكن لها طاري عليك
كني اشوفك قبالي.. ليا مريتها

[ـ @k666y]

اروح لمحادثته من الشوق لا حنيّت
لعله يجي يرسل رساله ويلقاني .