‏شـآهيّن |♚

[‏شـآهيّن |♚ @k_alshahen]

له المرحبا تدبل على شوفته ثنتين
مجيّه مثل وبل المطر لا فرحنا به❣️

[‏شـآهيّن |♚ @k_alshahen]

كان ما قلطني الحظ ، ، من فوق الفقار
ويش أبي بـ النظره اللي م غير مسارقه

[‏شـآهيّن |♚ @k_alshahen]

كان ما انت بوجهتي ضعت لو انّي دليل
وكان ما انت بـ سيّد القاف ماني طارقه

راكضٍ في بيد حبّك مراكيض الدخيل
وفاهقٍ في عز قيضه جباهٍ عارقه

أذكر إني كل ما شفتك تفلّ الجديل
قلت: روحي فيه من عام الاول غارقه

كيف أتيه إن شفت في شعرك الليل الطويل
وأنت لك وجهٍ من النور شمسه شارقه

[‏شـآهيّن |♚ @k_alshahen]

قناد الشوق في صدرك ياملهوف الحشى مافاح
وأنا راسي ما يخوى . . غير من رشفة فناجيله

[‏شـآهيّن |♚ @k_alshahen]

تمّر خطواتك على البال الشحوب
مع كل هبة نود . . و قناد قهوه ..🤍

[‏شـآهيّن |♚ @k_alshahen]

سلام الله على اللي لو تركته ماقدرت أنساه
حبيبٍ كل ما هبّ الهوى حنّيت .. لـ دياره

[‏شـآهيّن |♚ @k_alshahen]

عسى نقبل ونقفي وحنا عزاز نفوس
وعسى من يظن فينا لقانا على ظنه

[‏شـآهيّن |♚ @k_alshahen]

تباهى بي على ركب الحياة و جرّة المنقود
تباهى و الصباح يبّث نوره من تلفّاتك

حبيبي لا تقول إن الرضا و الجود ف الماجود
و أنا ثلثين عمري ضيعته من بسمة شفاتك

أنا ظلّك و أنا كلّك و أنا مشوارك المعهود
من أضغاث الحياة القاسية لـ أحضان ضحكاتك !

[‏شـآهيّن |♚ @k_alshahen]

على أبوه الملامة لو أبوه المنتج المشكور
وكيل الغِنْج و الحور النجل و المبسم الماسي

وهبه الله و أخذ حوريّة الدنيا و جابت حور
جمالٍ -يا صلاة الله- لا بصري و لا فاسي

لو أقدر كان خلّيتك بصندوق الذهب مصرور
عن وجيه الأوادم مالك إلا وجهي مواسي .

[‏شـآهيّن |♚ @k_alshahen]

لعيون من كن سبلتها يد الكوت
ومع دربها في كل دربٍ تريده

سندا شناح شوفها الزاد والقوت
من مسها كنه يمس العقيده

ترعا الخطر مع سربة لا اعتلا الصوت
مايتركون لكل سربه شريده

مادونها الا راسٍ اصوك وتابوت
وشلفا تخلي العمر على الحديده .

[‏شـآهيّن |♚ @k_alshahen]

يكتمل نضج البنادم في شعوره
لا شرا الخلوة، وملَّ مْن التواجد

ولّا أنا يا وجه .. غيبتْه، وحضوره
ماخذٍ حتى خشوعي في المساجد

كل فجرٍ يطرق الشبّاك نوره
كيف أسجّ وفيه من ضحكتْك واجد ؟

[‏شـآهيّن |♚ @k_alshahen]

على بنات الريح ما ادري خواته
جوكم .. شغاميم العيال الاواليد

[‏شـآهيّن |♚ @k_alshahen]

يابنيّة الضي والجدران والفيّه
والماكر اللي ربٓاه المجذب العالي

ميعادنا ظل غصن وحِسْ قمريّه
توالفوا والهوى ، شدّاد نزّالي !

-مساعد الرشيدي الله يرحمه

[‏شـآهيّن |♚ @k_alshahen]

صباح الخير ، أما بعد :

" ولو أنك تستحق من يتباهى فيك
صبح و عشيّه الا أنك كنزٍ مايضيع و سرٍ مايذاع"

[‏شـآهيّن |♚ @k_alshahen]

لابغيت ارتاح واضرب على الدنيا صليب
لج هاجوس الضماير وقمت اعوي عواه

جيت انا والدهر مابين مطلوب وطليب
عزتي للي يصـــــارع زمان ماقواه

الليالي شيبتي قبــــل وقت المشيب
لاعطيت الوقت وجهي يلقيني قفاه
بداح بن عديمه ..

[‏شـآهيّن |♚ @k_alshahen]

لها على العساس مناا يلا طآف
مـنزالها ../ ف الّي يزود لبنهاا

[‏شـآهيّن |♚ @k_alshahen]

صباح الخير أما بعد :

لو طاحت الأحلام في جبّ الظروف
لابد "قافلة العزيز " تمرّها

- نايف بن معلي

[‏شـآهيّن |♚ @k_alshahen]

علم اللي مافهـم لاينشـد الا فاهـم
ذاق من مر الحياه وذاق من سكرها
ㅤ
ذكريات الراحليـن أشد من فرقاهم
من فتح له خانةٍ فـ القلب ما سكرها
علي الدعيه..

[‏شـآهيّن |♚ @k_alshahen]

ريف قلبي و مرباعه وشُوفتك عيد ❤️ .

[‏شـآهيّن |♚ @k_alshahen]

مايفرط فيك غير اللي معه قلّة صحايه
مستحيل انّه يفرط فيك مستبصر و صاحي

- صالح النشيرا