KJB

محدٍ على النفس العزيزه مبدا⚜️

[KJB @kbuhindi]

I forgive a lot, but I only trust once.

[KJB @kbuhindi]

وإن كان ماتقدر تذوق الامرين
وش يفرقك عن لابسات الازمه

ما للحمول إلا ظهور البعارين
ياللي تلوم الوقت مادري تذمه

أوهم طموحك بأن الايام بتزين
و أصنع قرار و حاول انك تتمه

ما أقول خذ سيفك و حرر فلسطين
حاول تسوي لك من المجد قمه

[KJB @kbuhindi]

القلب يخلي كل ما أبطى به البّعد
لا صار فرقا والغياب إضطراري

لا امساه ليل وكل من فالبلد هجّد
يستاحْش وتطري عليه الطواري

[مـقـدام @jh_u9r]

مرت علي و أنا بـ عاصمة الضباب
حمله صليبيّه على هيئة ( مره )

لدّت و صار القلب تحت الإنتداب
عجز .. يرد القوّه " المستعمره "

خليط ما بين العذوبه و العذاب
لها شكل عبله . . و طعنة عنتره

تفتح مغاليق الضماير " فتح باب "
و تدخل على الصدر و تبختر فـ أيسره

و إليا تجلّى البدر من بين السحاب
تطالعه .. كنها تتطالع " منظره "

خذت من الظبي الجفول الأرتياب
و من الخيول الشقر ثقل و بختره

عزالله إن الشايب إللي جاب .. جاب
جت من خياله مستحيل من ظهره

يا مسلمين إللي نشب فـ آهل الكتاب
أدعو له .. إن الله تعالى " ينصره "

أعاني من الحب . . و من الأغتراب
و من الوله و من الحظوظ المدبره

عن ما آشتهت نفسي و ما لذّ و طاب
يردّني دين .. و مروءه .. و نعره

أنا النزيه .. إللي يخاف من الحساب
و أنا إللي إن شاف أي مُنكر .. ينكره

و أنا الصقر و أنا النسر و أنا العقاب
و أنا اللّذي سمّتني أمي ( حيدره )

إن شفت فـ الرجال شي من الخراب
أطلّقه . . كنّي " مطلّق لي مره "

– جمال بندر

[KJB @kbuhindi]

يا عناد عاندني زماني ولا زلت
العاصي الي لغير الله ما طاع

لو مالت الدنيا انا عدل ماملت
و ارسي كما ترسي الرواسي على القاع

وبركت لحمول الليالي وحملت
و قطعت دو(ن) تايه الراي به ضاع

[maj @malj_10]

أنا ماني بحي الله بشر يكشف لك المستور
أنا رجلٍ يموت و لا درت الأمواج عن سدّه
-
ولا أقف ماقفٍ ما هو بقدي لا طغى المغرور
أنا قد الكلام .. و ماقفي قدي و أنا قدّه ..

[KJB @kbuhindi]

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

[KJB @kbuhindi]

يوم الحسن مابين خلق الله يجي فيه اشتباه
بينك وبين الناس يا الفارق .. فروقٍ شاسعه

[َ @veteranskyz]

قصيدة للمتذوقين من الدرجة الأولى
—————————————
بكيتك من الفرقا وأنا دمع عيني حار
سلامٍ على الشرهه والاخر على المنقود

يقولون من طينة محنّه وقلبك بار
لا والله من طينة عذاب وجفا وصدود

يادوب أتحمّل جمرةٍ من جحيم النار
تلحّق عليّه بأختها اللي براس العود

خذيت الهوى طيش وعبث حب وأستهتار
على قولة العربان ( عيب وعليه شهود )

تبريت منّي والوفا فيك طير وطار
عساك آخر العنقود منت أوّل العنقود

مخليني أعجوبة زمن في طريق المار
مضحك بي العاقل مشمت بي المقرود

لاني داخل الصوره ولا خارج الايطار
عدوّك وأنا غايب حبيبك وأنا موجود

ورغم ماتسوّي بي مسامح على ماصار
وخيرك كثير وموقفك ماعنه منشود

معك مابعد عديت عمري من الاعمار
مخليه ريشه بين أصابع هبوب النود

تذكر ولك بالذكر ( مالك من الاسفار )
تذكر وخل الذاكره بالزمان تعود

تذكر يوم أن حدود وصلك ثلاث أمتار
تخطيتها ماكنّ ذيك الحدود حدود

وصلتك وقمت بواجبك قبل سابع جار
أخفّي عليك سدود وأبدي عليك سدود

سدودٍ تبي تبنا والاخرى تبي تنهار
من أبّدع تصاوير الله الخالق المعبود

أحس أنّي أبحر فالسفينه مع البحار
وأنا أقول يالبّا هذيك الوساع السود

أغازل حورها وأنصب لرمشها تذكار
وأثمن عطاياها وهي ماوراها فود

تذكّر وأنا ويّاك في لمّة السمار
تقول البرا مردود أقول البرا مردود

تحديت فيك الشاعر اللّي من الشعار
بعد ماتقول أسمه تذكر علامة ( قود )

توارت نجومه يوم لدّت لي الانظار
طلع في عيون الناس مهوب ذاك الزود

تذكر يوم أنّك جيتني ياغريب الدار
أبشر بشوفك كنّي أبشر بمولود

فتحت الك صدري ياحبيبي زرار زرار
هذا بيتك وبيت أمّك وبيت أبوك العود

وتحتلني وتحطني دولة أستعمار
وأنا في السعوديه تحت راية ابن سعود
- مدغم أبو شيبه

[KJB @kbuhindi]

إن هويت لا تهوى .. إلّا الصعب الثمين
ولا يروي ضماك بيرٍ كل عابر ارتوى منّه

[KJB @kbuhindi]

يكفيني اغيب وخافقي ماجاك منه قصور
ويكفيك تذكر كل ليله لهفت عناقي

تذكر يوم اخليك تباهى كبريا وغرور
يوم اني اتحدا بك واخيب هقوة الهاقي

تذكر يوم اعذرك وانت لا صادق ولا معذور
ادور لك عذر واصدقه واكذب احداقي

تذكر يوم جيت من الحزن متضايق ومكسور
فرشت لك الضلوع وقلت لك ياسيد عشاقي

[فيصل بن ناصر @faiisal_alk]

ياعبيد لاشفت اريش العين قله
عليه مردود البرا عشر نوبات

رميت حبله يوم بيديه تله
ولا ينحكى ياعبيد في فايت فات

انا الكريم اللي النشامى بظله
وزبن التوالي يوم لوذات الاصوات

من باعنا نرخص مكانه ودله
ومن لا تقاضى حي يقمح اليا مات

[KJB @kbuhindi]

تدور الخرايط كلها و الاراضي السبع
و يمرونك اغلبهم و شرواي ما مرك

[KJB @kbuhindi]

محدٍ علينا بالعطايا تجمل
و التمره الي جاتنا من نخلنا

[KJB @kbuhindi]

واعشق سميك في البزارين وادعيه
واقبل خطاه الا اخطى واتلقاه

واسمك يروعني اذا مرّ طاريه
واحب ملقوفٍ يسولف وطراه

[maj @malj_10]

من طوّل الغيبات يفقد مكانه
ياخذ غنايم غيبته .. ما نبيها

[KJB @kbuhindi]

دافعت عنك ولا نفعني دفاعي
وسويت لك قيمه وكبرت مركاك

صديت عنك وحان وقت الوداعي
والدرس درسك والخطايا خطاياك

واليوم .. خليتك مطبٍ صناعي
أمر .. وانت معترض واتعداك

حنا وطينا فوق روس الأفاعي
وشلون ناقف عند مثلك وشرواك ؟

[KJB @kbuhindi]

عطيت من وقتي وما تملك يدي
ولا سلمت من الزمن وغثاه

ينصاني الطيب ويبشر بسعدي
و ينصاني الخيب ولا اخيب رجاه

[KJB @kbuhindi]

نفسي عيوفه ماتحب التخير
ولا احب انوخها بكل المناويخ

و عندي سوا طويل ولا قصير
و راعي الكبر عندي تساوى معى الذيخ

وافرح بجيت من لفاني مسير
له واجبٍ عندي مثل واجب الشيخ

والنايبات ابرك لها ما اتذير
واصبر لها صبر الجبال الشواميخ

[KJB @kbuhindi]

معي وجه واحد ما تغير معى الايام
علي حشمته عند الاوادم وتقديره

من يعرض وجهه كل ليله على السوام
لا يزعل الا حطو له الناس تسعيره

[KJB @kbuhindi]

مافي شي الا ولحقه قصور
حتى السنين التاليات قصار

وتكون الارض من الاوادم بور
ما هو على شان القبور كثار

الي دفناهم بدون قبور
اكثر من الموتى بتسع اعشار

ماعاد في بعض الرجال صدور
من يوم اكلها الحسد يا ستار

خل البنات ام العيون الحور
اثر الرجال من الرجال تغار