من ذاق مرّ الصواديف مسكين
ومن ذاق حلاوتها روسهم شايشه
هذي الدنيا تعطيك تجارب سنين
لا بد تغنم كل فرصه طايشه
فيه ناس فازت بها وعايشه زين
و ناس من حضها زين انها عايشه
ابو ثامر
لا تلمني فالزمان تدور دوائرهُ
وينقلب كل شئً عكس مافيني
الم اعطيك من الوفاءِ برّهُ
كيف تناساني بقولكَ وتُضميني
بقولٍ يجفُ من القلبِ دمائهُ
ويحرق كل ما كان ويشقيني
ابو ثامر
يابختهم شافوك مع كشخة العيد
زودً على زينك تروح متزين
ولا انت بحاجة لبس وتحط وتزيد
وش قال المثل والزين بين
بالله صور لي من قريب وبعيد
ان كان ماصورت بالخاص هين
ياكيف كان حبي وكيف صار
بعد الملامه وكثر التشره
كسر الخواطر مثل شبت النار
توقد في وسط الحشا حره
الغلا من داخل القلب طار
وياليتني ماشفتك ولا مره
ابو ثامر
حيرتي فيني الكلام واحترت فيك
مدري مثل القمر والا القمر نفسه
يعجز لساني كل ما جاب طاريك
ويتوه وصفك كل ماجاء وصفه
لا والله ان الزين منك وفيك
والدلع والدلال آخذن منك قَسمه
ابو ثامر
احفض لسانك وخل عنك المخاليق
ترا الهرج في القفا ماهيب زينه
وافزع لخويك في حزه الضيق
لا تخلى عنه وتركه وتستهينه
ترا اليد الوحده مايجي لها تصفيق
واحذر عدوك ولو مد لك يمينه
ابو ثامر