سـعـدأخـــومـسـعود

[مبارك بن وافي @bn_wafi]

" ما ناديت للمقفين ولا اتبع رضاها "
ما غير أنت لا من شفتك أقفيت ناديتك

" سنين الطفوله يعجز العقل ينساها "
وانا اللي نسيت سنينها ،، ما تناسيتك

[مبارك بن وافي @bn_wafi]

بالقلب ذكرى حزينه تستثير الدموع
ذكرى هنوفٍ ما داجت بالردى ساقها

يخضع لها القلب لو ماني بحب الخضوع
ومن لامني في محبتها .. ما قد ذاقها

يا قوّ روحي وهي متقضّبه بالضلوع
على كبر جرحها ما ماتت اشواقها

الله يسقي الليال اللي ما فيها رجوع
غابت ولا غابت أصوّرها مع اوراقها

محبتي صوبها ماهي محبة دنوع
" محبةٍ ما يزيّنها سوى أخلاقها "

[عبدالمجيد الذيابي @Sh96F]

أيدينا اللي تجود وروسنا اللي تشوش
من الظروف الصعيبه ماهي بحايره

مدربتنا الليالي لين صرنا وحوش
دميّنا من خلقنا الله وهي فايره

انصادم ضروفنا كنّا نصادم جيوش
ياما ضحكنا من الدنيا وهي جايره

ان جاتنا بالمعزّه جيّت اغلى الطروش
وان غيّرت ماقبلنا العمله البايره

لو شفت ناس تذل نفوسهم للقروش
بعض السوالف علينا ماهي بصايره

حتى لو ان الزمن يبغا يسوي رتوش
ماعاد يقدر يغيّر حاجةً سايره

نمشي ورا احلامنا هدّه وردّه وهوش
ونزبن على الله اليا ظاقت بنا الدايره

مانحتزم بالضعيف اللي يكت الفروش
لو نايحات الليالي خيلها غايره

ترا الضعيّف سواة البندق ام النقوش
معلّقه مير مافيها ولا ثايره

[قروب اشعار @aShi3ar]

إن غاب يترك في غيابه فراغات
وإذا حضر يحجب حضور البقيه .

[ابيات شعر @bytsh3r]

لازال جاري البحث عن أمنياتي
مابين جور الوقت وايامه السود

واذا لقيت اي امنيه في حياتي
دايم يجي جزءٍ من النص مفقود

[ابيات شعر @bytsh3r]

فمان الله والعذر السمين ابلغ من التبرير
عفى الله عن خطايا اللي خطايانا على شانه

[ابيات شعر @bytsh3r]

أبطيت عنّي وش اللي مشغلك عنّي
ماكان طبعك تغيب وتقطع وصالي

[ّ @wll2q]

الحاجه اللي ورا طلبه وحب الخشوم
ياحي من شام عنها و استخار و قنع

اي والله إن القليل اللي يسد اللزوم
يسوى كثيرٍ على الخيبه وقلّ السنع .

[موطن القصيد @_mw6n]

أنا كذيّا في غرامك .. تعلّقت
ترضى علي أبطي معلّق كذيّا ".
ِ

[موطن القصيد @_mw6n]

الليل ماله رفيق وخوّته . . شينه
إن طاب لك بأوله ماطاب تاليّه ".

[موطن القصيد @_mw6n]

الحـال والأقدار والرزق مكتوب
واللي ما جابه الله لا شك خيره ".

[سمان الهرج @fahad33931]

نزعل ، لا شان الزمان وشحّت يدينه
لكن قنوعين : " باللي ربنا كاتب "
.
ف ان شفتني ضايق ونفسيتي شينه
لا عاد تشره ياخوك .. وتقعد تعاتب
.
المزح ، والضحك ، والنفسية الزينه
ماتطلع الا [ من الراتب إلى الراتب ]

#محسن_بن_تركي

[سمان الهرج @fahad33931]

إن قام حظك قمت من لذة النوم
صليت فرضك يوم نادى المنادي

و إن طاح حظك جاك لذات و حلوم
و أخترت عن داعِ الإله الرقادي

ما تدري إن الروح ياتي لها يوم
و إليا انتهى عمر الفتى ما يعادي

ما ينفعك نخوة و فزعات وسلوم
تلقى مصيرك حَرّ و إلا برادي

محمد محماس

[سمان الهرج @fahad33931]

عزالله انك يالسنافي تسرعت
وظنيت في مخلوق ظن وظلمته

ليتك عن الظن الدناوي ترفعت
وجسر المواصل بينكم ماهدمته

واليوم من كاس الندامه تجرعت
وياغمق جرح اللي بظنك صدمته

مالك شفاعه بعدها لو تشفعت
اصبر على غيضٍ بصدرك كتمته

سلمان بدر الحويفي

[سمان الهرج @fahad33931]

الطيب لحظه والتخاذل تواقيت
والطيب بين الناس مع غانمينه
•
والعافيه تعرف ثمنها ليا جيت
عند الطبيب تزاور منومينه
•
كثر السوالف يجلبن الشماميت
والصمت لحظاته بوقتك ثمينه
•
والهرجه العوجا سوات الدناميت
لا صار ما هو في يدين ٍ امينه
•
#محسن_الهفتاء

[سمان الهرج @fahad33931]

حكمة اليوم
انصحك عن صحبة صديق المصالح
أن كان ماله مصلحة مانشد عنك
؛
لحتجت له قابلك والوجه كالح
ولحتاج عندك صار بالمدح يدفنك
؛
تعطيه عذب الماء ويعطيك مالح
وأن قلتله غلطان قال الخطأ منك
؛

#عوض_نامي_السلمي

[ماجد لفى الديحاني @MAJEDLFA]

وقت الرخا كلٍ يسولف عن الطيب
و ان صكت الايـام مامن صمايل ..!

عليك باللي في وقوفه مكاسيب
يغنيك عن كثر الحكي .. بالفعايل ..!

[ماجد لفى الديحاني @MAJEDLFA]

على الوجه الأبيض و المراجل وطيب الفال
أخذنا من دروس الليالي : شهايدنا ..٠

رخصنا الرصيد المعتبر في بنوك المال
و كسبنا من ( بنوك الجمايل ) فوايدنا .."

وقفنا على شان الكرامة وقوف جبال
و لا غـيّـرت سود الليالي عـوايدنا .."

[اَلَْشَّاَمِخْ🇸🇦 @123moom456]

ياصاحبي دامك نويت القطيعه
بعطيك مافي خاطري قبل ماتروح

موكل من ينصحك لازم تطيعه
بعض النصايح ماتجيلك بمصلوح

والرجل يشري فالكلام ويبيعه
ويعرف يفرق بين صدقٍ وممزوح

والناس فيهم من يحب الوقيعه
وكل المشاكل تآخذ ايام وتروح

والله يسامحكم بقدر الوجيعه
ومشكور ماقصرت ومعفي ومسموح
#الشامخ

[معكاز شعر @M3kkaz]

لا قل عرف العقول وطاح سعر الكلام
سلم على الصمت لا منه حفظ قيمته .