ياحسين لاتطلب من النذل حاجة
لو انت ساعة الضيق محتاج
اللي عن الطولات يرخي حجاجه
يموت.. ماعلق ..على جبهتة تاج
للصيد ...ماغذو عيال الدجاجه
وحمر البقر مالبسوها بالاسراج
بعدك عن الانذال فيه انفراجه
وعند الولي مفتاح بيبان الافراج
الأمير الراحل/محمد الأحمد السديري..
مسابقة العيد
الله يكثر خيرك يابو صالح
تواصل معي أمس قال أربع أرباع من دهن عبق السلاطين
عدد الفائزين 4 أشخاص كل شخص بتوصلة ربع تولة من عبق دهن عبق السلاطين
شروط المسابقة " رتويت + متابعة + اكتبوا تم يابعد حيي عشان اسحب "
فالكم الفوز
🔴 وحدة من الأخوات أشترت خاتم ذهب بـ 1400 ريال عيار 21 وتسأل هل هذا السعر منطقي ولا أنضحك علي؟
إذا راح نحسبها بالتفصيل:
سعر الجرام عيار 21 اليوم بحدود 513 ريال..
المصنعية + ضريبة القيمة المضافة طلعت 400 ريال (25% مصنعية / 15% ضريبة)..
وش رأي أهل الاختصاص في السعر؟
( ١٠ )
يا ذا الجلال اللي عروشك فوق وأملاكك حدر
ومهماً تسامت به عروشه مستحيل يطولها
يا حي يا قيّوم يا ذا الأنافة والكبر
ما نافسك في عظمتك مكر العباد وهولها
ولا نافسك من عمّر بيوته على سطح القمر
واللي ترسي فوق أقاليم المياه سطولها
ما انته بحاجة من عبد ولا بحاجة من كفر
ولا بحاجة ثابت الدنيا ولا منقولها
أنت السميع لمن حمد وأنت المزيد لمن شكر
واللي ما يشكر نعمة المنعم عليه تزولها
يا ذا الجبروت العظيم ويا القدير المقتدر
تفزع لنا في معضلات ما نريس حلولها
تلعب بنا خلاّن فرغتنا كما لعب الكور
وإن اقبلت صاحوا لها إن دبّرت صاحوا لها
لا هبّنا الطايف بعض الأحيان في فيّة عصر
شهب الليالي من ورانا يسحبنّ ذيولها
أنت السلام اللي لك الإسلام وأنت المشمخر
اللي عجايب قدرتك في المعجبين ذهولها
سلام يا محمد رسول الله راعي الوجه الأغر
وسلام يا روح ملائكة السما صلّوا لها
سلام يا أبو بكر يا عثمان يا علي وعمر
وسلام يا سبع الآفاق أطلالها واسفولها
وسلام يا شمس الضحى تشرق على بر وبحر
وتشرق على كل الديار جبالها وسهولها
سلام يا صدق النوى سلام يا وسع الصدر
سلام يا مفتاح بيبان الفرح وقفولها
وسلام يا غر السحاب اللي تبجح بالمطر
وشم الجبال اللي تبجح بالسحاب قذولها
وسلام يا هوج الرياح اللي عطاها مستمر
مهما خذوا منها من الحسنات ما ردوا لها
ليت الرحاب اللي لنا بوجيهها حق وقدر
ما تضمحل من الزمان ولا نشوف سمولها
ويا ليتنا لاما سرحنا اليوم الأبيض من فجر
تبطي عبات الليل ما تضفي عليه سدولها
ولا ليا منها ضفن سدولها يطلع بدر
يا صل ضياه اللي على الكوره تطق طبولها
المعتبر يآخذ على الدنيا دروس من العبر
والناس بكسبها معاملها بقد عقولها
أحيان تصدف لعبة الشاطر مع غلطة عمر
مرة.. لكن لا عدّت الغلطة ما عاد ينولها
حنا عرفنا كلنا ما طال من شيءٍ قصر
والأحلام ماتوا قبلنا شرهين ما وصلوا لها
حتى الجمال اللي نحملها الهقاوي بالصبر
يالله بحملتها تقوم وتدرّج بحمولها
والحب سيسان العبادة والعبادة بالجهر
إن ما قدرت تقولها وجه الصحيح يقولها
يسرون عميان المحبة تيه في غدرا الغدر
للي تحد سيوفها واللي تعن خيولها
ولا تفكر في غناة ولا تفكر في فقر
وتشفع لبيضان الصدور احضوضها وفعولها
أهل التكلف بالمعرفة والتصنع بالبشر
والله ما هي حول الصحيح ولا الصحيح بحولها
اللي يفضّل ما يقّيم بو ميه من بو عشر
حتى الفضولية عن الفاضل بطل مفعولها
اللي تخبره لحيته ذا طولها يصبح بزر
واللي تخبره بزر تصبح لحيته ذا طولها .
( ١١ )
ودّنا بالطيّب بس الدّهر جحّاد طيّب
كلّ ما تخلّص مع الناس كنّك تَغُشّها
يدك لامدّت وفا لا تحرّى وش تجيب
كان جاتك سالمه حِب يدك وخَشّها
كلّ ما شبّيت نار المحبّة مع حبيب
قام يسحب في مشاهيبها ويَرُشّها
كلّ ما واجهت لك في الزمن وجهٍ غريب
مثل ما قال المثل دام تِمشي مَشّها
وذمّةٍ ماهيب تندان للحق المصيب
جعل قشاش الحطب لا سَرح يقتَشّها .
(١٢ )
آه يا قلب ياللي دايمٍ في ذهول
والله إنّه ثقيلٍ لين جوه الثقال
يا قطاة العبيّه يا هيام الذلول
يا عيون النداوي يا رقبة الغزال
نور وجهك على من شاف منك القبول
نور صبحٍ تبسّم في رهاد الجبال
كنّي أقرا على طرّت جبينك تقول
أنا قلبي يحبّك يا حبيبي تعال
كان قدّامي حدٍ فالحبّ راح امهبول
والله إنّه خطيرٍ لا يجيني اهبال
المحبّه جملها مرسلٍ وامعقول
لعنبو من يقول إنّ المحبّه اخبال
والذي ليلة الإسراء عرج بالرسول
إنّ حبّك لحال وحبّ غيرك لحال .
قصائد بن جدلان .
( ١ )
ألا يالله ياللي تحت هيبة سلطنتك أسلمت
لك المسلم يسبح لك بحمدك وإلك الإسلامي
احمدك، وأشكرك، وأثني عليك بما علي انعمت
وزدني في وفا بر العشير ووصل الأرحامي
ولهت الفجر ياليل الذهول اللي علي أظلمت
بعرضك واقع الذكرى عليه عرض الأفلامي
وولهتك يالنديم اللي على صافي وفاك أضرمت
بصفحة ذكريات العام واللي من ورى العامي
عطتني عزلة إخلاصي معك نسيان من نادمت
كتبتك وانطوت صحفي عليك وجفت أقلامي
بعد تقرير مشوار التجارب نجحت وأجزمت
بأن السيف سيفي والعصا والمحزم حزامي
أباهي، لا أبالي، وأتبسيط كل ما قدمت
أشب النار قدام العرب وأشيد خيامي
نهاري: حر شمسه، يستحي منها لسان الشمت
وليلي ترجم نجومه ملامة كل من لامي
على ضو الكلام اللي كشف عنا ستار الصمت
وعرفت ان به وجيه باليمن ووجيه بالشامي
احسب انك تيمم باتجاهي وين ما يممت
اثر لا انته ورايه بالطريق ولا أنت قدامي
وكثر ماحن صدري للونيس وكثر ما درهمت
فجع صدري حنيني وأتعب الأقدام درهامي
مصيبة لا تردت قيمتك في عين من قيمت
يشوفك بالسهل وانته تشوفه بالسما السامي
مادام ان جانبي شام لجنابك وانت عني شمت
كثر خيرك، وانا لانيب لا جايع ولا ضامي
اشوف انه علي واجب، اليا مريتكم سلمت
مرور كرام تربطها الكرامة عند الاكرامي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
مصير الوقت يشرح لك ظروفه لا غفلت ونمت
يصيحيك الزمان اللي يصحي كل من نامي
وتعرفني لمنها ضاعت اوهامك بمن وهمت
وعرفت الفرق في حب الخشوم وحب الأقدامي
ختام السالفة يا طيب العشرة كرمت ودمت
هذا حقك علي وحق شرهاتي على أوهامي .
( ٢ )
يا محشّات القفـا يـا مـال الماحـي
من زمـاكـم لا تحطّونـه نحـاحـه
بس أفاميكـم ورا النـاس فتـاحـي
والسنتكـم للحليمـيـن جـراحـه
خيلكـم تفـزع مـع كـل صيـاحـي
وللهرج أنفوسكـم بركـة سبـاحـه
تختلـط فيهـا المـرارة و الأملاحـي
مسرحٍ لمغثـرب الهـرج و إملاحـه
يقصرون اللي ثريّيـن و أشحـاحـي
عن فقـارٍ للمواجيـب نطـاحـه
والمصالـح حبّهـا لانتهـت باحـي
تتبـع الصالـح ليـا هبّـت ريـاحـه
والإنـاء دايـم بمـا فيـه نضـاحـي
والحقـايـق للخفيـات فضـاحـه
والحشيـم يقـلّ هرجـه بالأمزاحـي
والحقيـر يمـوت ولسانـه سلاحـه
فالمفالـي لـه مضحّـي و سرّاحـي
ولا يـروح مـن معاشيـه لأمـراحـه
صحبتي له مثل شمس الضحى الضاحي
عن سماهـا ظلمـة الليل منزاحـه
يرتقي شعري وتسمـو بـه أمداحـي
وأرتقي باسمه علـى قمـة الساحـه
والله ما أشكر علـى نـادي الراحـي
دام يلمـع فـي سمـا العـز مصباحـه .
( ٣ )
نسق
ون أبن جدلان من لايعٍ لاعه
كن في كبدي دوافير صناعي
ألعب المنكوس وأحب روباعه
مملٍ في الوقت والوقت خداعي
مادريت أن ضحكة الوقت خداعه
شفت مدخالي ولاشفت مطلاعي
لابغيت أسج والا انبسط ساعه
دق قلبي من وراء حدب الأضلاعي
كن مابين الضلوع آلة طباعة
تشتغل لانمت وأقوم مرتاعي
هم قلبي مايفرق تجمَاعه
كود جر الصوت والناس هجاعي
فاقدٍ لي سلعةٍ وأكبر أبضاعه
سلعةٍ تشرا ولاهيب تنباعي
رفقة الطيب ليا غير أطباعه
أشهد أنها كيةٍ توجع أوجاعي
راكب إلي صممه صاحب أصناعه
جمس بيك أب من حديثات الأنواعي
الغريب الي جديدٍ من أنواعه
حوض رفرف مايبي شد وشراعي
لا أونس البنزين عجلٍ تفرقاعه
مخطرٍ من سرعته يقلع أقلاعي
لاتحرك شفت في القاع مشلاعه
والتواير تظهر الماء من القاعي
ينعش القلب الحزين أبتهملاعه
لا مشا قام يتهملع تهملاعي
لاوطا الأرض العتش كن تهزَاعه
بنت شيخٍ طامحٍ من ولد راعي
في رجاء الغايب تحَّرا لمرجاعه
تنقد العشاق وتطق الأصباعي
نفسها من جملة الناس منصاعه
ما تبي إلا واحدٍ ذكره إيشاعي
ينحر اللي يأخذ الطيب بذراعه
الصديق الصافي الصامل الواعي
الوفاء والطيب ساسه ومنباعه
يوم بعض الطيب تقليد وصناعي
لاوصلتوا فأخبروني عن أوضاعه
وأخبروا راعي السمارا عن أوضاعي
أنشدو ويش السبايب بمهزاعه
لا علي ناقص ولا أبيه فزَاعي
ودَنا نرضيه ونحاول إقناعه
كان بن مهمل بعد يسمع الداعي
كان يبغا حق للحق قطَاعه
نقنعة والحق ما عنه مجزاعي
وكان مبغضٍ في الرياجيل بتَاعه
لا يجي ناقد ويلحقني أرياعي
للصَديق نخلَي النفس خضَاعه
ما نوريه الجفا والتمطَاعي
الصداقة عندنا ذخر وطماعه
صحبةٍ ماهيب صحبة تمتاعي
حد جدتها على البرق لماعه
وإن خذت يومين مفعولها ضاعي
إن تجمعنا على العّز والطّاعه
وأن تفرّقنا فجوج الله أوساعي
ما أطرد المقفي ليا صفّط إشراعه
مخبَل اللي للمقفين تبَاعي
من يحط إذنه على كل سمّاعه
جاه فرقاً مابعدها تجمَاعي
والزباد إختام هرجي ومطلاعه
يدفعه من ريحة المسك ذعذاعي
#رابطة_عشاق_العطور
دليلك في روائح أدهان العود🟢
عشان تعرف وش المناسب لك منها
راح أصنف لك بعض روائح الأدهان مع ذكر مثال لكل رائحة عطرية:
١- عطرية حادة: الهندي، البورمي، الفيتنامي.
٢- عسلية: بعض خطوط الكمبودي، الكاوياي، اللاوسي.
٣- سويتية: الترات، بعض البراشين.
٤- ترابية طينية: الكلمنتان مالينو، موروكي آصقون.
٥- زهورية: الماليزي، كوتشان.
٦- بخورية: بعض الهندي، الموروكي، كلمنتان تراكان (بخوري عطري بامتياز).
هذي أبرز الخطوط العطرية في روائح أدهان العود.
دهن عود Burma Privée من العطار FAIZALPRIVEE هو واحد من أندر وأفخم أنواع دهن العود في العالم. إنه زيت عود نقي تم تقطيره في أواخر السبعينيات من أشجار العود البرية النادرة في بورما (ميانمار) ثم تم تعتيقه لعدة عقود مما أكسبه عمقاً وقيمة استثنائية تجعله قطعة ثمينة لهواة الجمع والخبراء