دول موقفين حصلوا من الداخلية المصرية في آخر يومين وعدوا بدون ما يلفتوا النظر ولا حد يتكلم عنهم..
الموقف الأول لمواطن مسن ساكن في التجمع الأول في الدور الخامس في عمارة جديدة.. خرج وهو ومراته عشان يكشفوا عليها عشان ظروفها الصحية صعبة شوية.. لما رجعوا لقوا الأسانسير عطلان وبقت عملية طلوع مراته للشقة مستحيلة!.. كمان ماكنش فيه حد من الجيران يساعد الراجل عشان المنطقة مفيهاش سكان، والعمارة كمان..
ا��راحل اتصل بالشرطة.. ماتعرفش إيه اللي خلاّه يعمل كده بس بيقول ماجاش في بالي غيرهم!.. الجميل إن بعد ربع ساعة من مكالمته وصلت قوة من الأمن وشالوا الكرسي المتحرك بتاع زوجته وطلعوها لحد شقتها بمنتهى السرعة، والأمان، والخفة..
الموقف التاني كان عبارة عن اتصال من سيدة كبيرة في السن وحالها أبسط من البساطة اتصلت بالشرطة عشان ينقلوها تروح تاخد جلسة العلاج بتاعتها في المستشفى!.. طب ما تروحي يا حاجة!.. أنا مش بعرف أمشي لوحدي وحالياً قاعدة لوحدي ومفيش حد معايا يسندني ولا يوديني ومش عايزة أطلب حاجة من حد، ممكن تساعدوني؟..
نص ساعة كان فيه قوة من الأمن طلعوا جابوا الست ونزلوها بالراحة وأخدوها بالعربية لحد المستشفى وانتظروها لحد ما خلصت الجلسة ورجعوها لحد بيتها تاني معززة مكرمة!..
موقفين اتذكروا بشكل عابر في بعض الصحف ومش على نطاق واسع بس فيهم كمية كبيرة من الاحترام، والإنسانية، واللُطف ويمكن لو كانوا حصلوا بره في دولة أجنبية كنا طيرنا بيهم للسما.. فيه شخص مسؤول قرر إن البُعد الإنساني مهم زي أي بُعد ��اني.. التفاصيل الصغيرة اللي زي دي يتملاك بالأمل، والواحد بيشوف فيها رحمة ربنا.. الراحمون يرحمهم الله.❤️
في غياب المظاهرات أمام السفارات الإسرائيلية نفسها.. مظاهرة تابعة لـ"الحركة الإسلامية" أمام السفارة المصرية في تل أبيب تطالب مصر بفتح معبر رفح.. ما رأيك؟
#مصر#غزة#معبر_رفح#القاهرة_الإخبارية