கிறுக்கன்

யாரை நினைத்தும் நான் அழுததில்லை, அந்த யாரை என்பதில் அவள் எப்போதும் இருந்ததில்லை..!!

[கிறுக்கன் @kirukkal]

நினைக்க நேரமில்லைதான்,அப்படியொன்றும் தேடிக்கொண்டிருக்கவில்லை, ஆனாலும் சில தாமதங்கள் இயல்பு நிலையிலிருந்து சற்றே மாற்றமடையச் செய்கிறது..!!

[கிறுக்கன் @kirukkal]

சமாதானம் ஆகிவிடுவாள் என்பதில் சந்தேகமில்லை,சமாதானம் செய்வதிலும் பிரச்சனையில்லை,இதெல்லாம் முடிந்தபிறகே அது செய்யா குற்றமென நிரூபணமாகும்.!!

[கிறுக்கன் @kirukkal]

எத்தனை கோபங்கள்,குழப்பங்கள்,சண்டைகள் இருந்தாலும் அந்த உரையாடலை மகிழ்ச்சியாய் புன்னகையோடு முடிப்பதெல்லாம் தனித்திறமையே.!!

[கிறுக்கன் @kirukkal]

முழுமையடையா இரவு. வழக்கத்திற்கு மாறாய் உறக்கத்திலேயே கழிந்துவிட்டது..!

[கிறுக்கன் @kirukkal]

ஒரு கோபம்,ஒரு சண்டை கூட இல்லாமல் எப்படி என்று கேட்டவள் தான் அலைபேசியை துண்டித்ததைக் கூட தாங்காமல் சில இரவுகள் தூக்கம் தொலைத்திருந்தாள்.!!

[கிறுக்கன் @kirukkal]

இப்போதுதான் உன்னை மறக்கப் பழகியிருக்கிறேன்,அதற்குள் ஏன் பிரிவைப்பற்றியெல்லாம் பேசி அதைக் கெடுக்கிறாய்.இடைவெளிகள் நினைவுகளுக்கானதே.!!

[கிறுக்கன் @kirukkal]

நாளை முதல் நன்றாகப் படிக்க வேண்டும் என்ற உறுதிமொழியை தினந்தோறும் எடுக்கும் பள்ளிக் குழந்தை போலவே அவளது சில கொள்கைகள்.!!

[கிறுக்கன் @kirukkal]

உன்னை நம்பமுடியாது,எதற்கும் நீ ஒரு யுகம் தள்ளியே நில்..!

[கிறுக்கன் @kirukkal]

நாமே உலகமெனச் சுற்றிவந்தவர்கள் ஒருநாள் பக்குவமடைகிறார்கள்,தனித்து முடிவெடுக்கிறார்கள்,நமக்கோ இனம் புரியா கவலை கலந்த பெருமை பொங்குகிறது.!!

[கிறுக்கன் @kirukkal]

பேசாமலா போய்விடுவாய் என்ற நெஞ்சழுத்தக் காத்திருப்புகள் உடைபடுகிறது.விட்டுக்கொடுத்தலின் சுவாரசியங்கள் பழகியபின்.!

[கிறுக்கன் @kirukkal]

சண்டைகளோ , பிரிவோ ஒரு குறுகிய காலத்தில் இழப்பை உணரச் செய்துவிட்டால் அது பிரிவுக்குத் தகுதியற்ற உறவே...

[கிறுக்கன் @kirukkal]

உன்னை நன்கு அறிவேன்,உன்னை நம்புகிறேன் என்பதெல்லாம் அத்தனை சந்தேகங்களையும் தீர்த்துச் சண்டையிட்டு சமாதானமாகும் நொடியிலேயே சொல்லப்படுகிறது.

[கிறுக்கன் @kirukkal]

துள்ளிக்குதிக்கிறாள்...
தரைக்கும் அவள் பாதத்திற்குமான இடைவெளியில்
ஒரு பிரபஞ்சமே விரிந்துகிடக்கும் அளவிற்கு
துள்ளிக்குதிக்கிறாள்..!!

[கிறுக்கன் @kirukkal]

"நான் அதிகம் பேச மாட்டேன்" என்பதுதான் அவள் என்னிடம் பேசியதிலேயே குறைந்த வார்த்தைகள் கொண்ட வாக்கியம்..!!!

[கிறுக்கன் @kirukkal]

காற்றில் மிதந்த முந்தானையை அள்ளி இடையில் சொருகிக் கொண்டாள், பொம்மையை பிடுங்கிய குழந்தையாய் அழுகிறது காற்று..!!

[கிறுக்கன் @kirukkal]

அவளது கவலையெல்லாம் நான் அவள் மீது கொண்டிருக்கும் அதீத புரிதலோடு கூடிய காதல் தான். அவளது சந்தோஷமும் அதுதான்..!!

[கிறுக்கன் @kirukkal]

என் கேள்விக்கு என்ன பதில் என்பதெல்லாம் அவளிடம் கிடையாது, எப்படிக் கேள்வி கேட்டால் இந்த பதில் கிடைக்குமென்பதில் தான் அவள் சிந்தனையெல்லாம்..!

[கிறுக்கன் @kirukkal]

உன்னை நினைப்பதற்கான காரணங்கள் என்னிடம் உண்டு, உன்னை மறப்பதற்கான காரணங்களைத்தான் நானே உருவாக்கிக் கொண்டிருக்கிறேன்..!!